Deloitte tashkiloti tomonidan One Young World Sammitida toʻliq moliyalashtirilgan holda qatnashish imkoniyatini beruvchi Climate Change grant dasturi

Deloitte tashkiloti One Young World Sammitida toʻliq moliyalashtirilgan holda qatnashish imkoniyatini beruvchi Climate Change grant dasturini e'lon qiladi. 

Dastur 2022-yil 16-19 may kunlari Tokioda boʻlib oʻtadi va ishtirokchilar uchun barcha xarajatlar: aviabilet, turar-joy, ovqatlanish, sammit davomida tadbirlarga qatnashish, ichki sayohatlar qoplab beriladi.

Tanlovda oʻz jamoasida, jamiyatida, mamlakatida va butun dunyoda sodir boʻlayotgan iqlim oʻzgarishlarini ijobiy tomonga oʻzgartirishni istagan 18 yoshdan 30 yoshgacha boʻlgan yoshlar qatnashishlari mumkin.

Eslatma: Agar nomzod 30 yoshdan oshgan boʻlsa ham iqlim oʻzgarishiga qarshi ahamiyatli innovatsion ishlar bilan shugʻullanayotganini koʻrsatib bera olsa, qatnashishi mumkin.

Dasturga ariza topshirish 2021-yil 8-dekabrgacha onlayn qabul qilinadi.

• Davlati va millatidan qatʼi nazar, 18 yoshdan 30 yoshgacha boʻlgan va iqlim oʻzgarishini ijobiy tomonga oʻzgartirishni istagan yoshlar ariza topshirishlari mumkin;
• Yetakchilik qobiliyatiga ega boʻlishlari talab etiladi;
• Iqlim va atrof-muhit muammolarini bartaraf etishda eng zamonaviy va innovatsion yechimlar ishlab chiqishda tajribaga ega boʻlishi lozim.

Nomzodlarga qo'yilgan talablar bilan batafsil bu yerda tanishib chiqish tavsiya etiladi. 

• 2022-yil 16-19 may kunlari Tokioda boʻlib oʻtadigan One young World Sammitida ishtirok etish uchun sayohat xarajatlari qoplab beriladi;
• Shuningdek, Sammit davomida har bir ishtirokchi alohida bepul xona, nonushta, tushlik va kechki ovqat bilan taʼminlanadi;
• Sammit doirasidagi barcha xarajatlar: transport, tadbirlarda qatnashish toʻliq qoplab beriladi.

One Young World Climate Change grant dasturi uchun 8-dekabrgacha onlayn ariza topshirish mumkin;

Ariza topshirishda nomzodlar quyidagi mavzularda 200 ta soʻzdan oshmagan insho yozishlari soʻraladi:

• Siz qanday iqlim oʻzgarishlariga koʻproq eʼtibor berasiz va nega?
• Jamoangizdagi, jamiyatingizdagi, mamlakatingizdagi iqlim oʻzgarishi muammolarini bartaraf etishda qanday yordam koʻrsatgansiz?
• Qilgan oʻzgarishlaringiz qancha odamni hayotini oʻzgartirganini, qancha miqdorda havo ifloslanishini oldini olgani haqida batafsil maʼlumot berishingiz soʻraladi;
• Nega aynan Deloitte tashkiloti tomonidan tashkil etilgan One Young World Sammitida ishtirok etishni istaysiz, Sammitdan oladigan foydangiz kelajak karyerangizda qanday yordam berishi mumkinligi haqida insho yozish.

Eng ko‘p so‘raladigan savollarga javoblar bilan bu yerda tanishib chiqish mumkin.

Qo‘shimcha savollar yuzasidan quyidagi manzillar orqali javob olish mumkin:

• Email: oyw@wearesevenhills.com
• Tel: +44 207 199 2200