DevOps Essentials dasturi — IT sohasiga qiziquvchilar uchun bepul onlayn kurs

DevOps Essentials IT kursi — EPAM trening markazi tomonidan tashkil etilmoqda. 

Kurs IT sohasiga qiziquvchilar va oʻz karyerasida rivojlanmoqchi boʻlgan dasturchilar uchun moʻljallangan. 

Mazkur kurs onlayn  boʻlib, uni qachon boshlash hamda tugatish mutlaqo ishtirokchining oʻziga bogʻliq. Kursda oʻqish bepul. Kursga qabul qilingandan soʻng, ishtirokchilar saralash testiga asosan maxsus guruhlarga ajratiladi.

Kurs dasturi quyidagi modullarni oʻz ichiga oladi:

• Git dasturiy taʼminotining amaliy va nazariy jihatlari (theoretical and practical knowledge of Git);
• Bash va Python dasturi asoslari (Fundamentals of Bash & Python syntax);
• Linux va Windows operatsion tizimining asosiy xususiyatlari (Basic features of Linux and Windows OS);
• Networking;
• Scripting: Bash;
• Python Essentials;
• Scripting: PowerShell Essentials;
• DB essentials: MS SQL [Optional for AWS].

Kursda qatnashish uchun roʻyxatdan oʻtish kerak.

Oʻquv kursini tugatib, yakuniy baholashni (nazariy test va amaliy topshiriqlar) muvaffaqiyatli bajargan ishtirokchilar, mustaqil oʻqishni ikkinchi bosqichda — DevOps Fundamentalsda davom ettirish imkoniyatiga ega boʻladilar. 

DevOps Essentials kursi haqida batafsil ushbu havola orqali maʼlumot olish mumkin.

• Kursda qatnashish uchun ingliz tilini kamida A2+ (pre-intermediete) darajada bilish kerak;
• IT sohasiga oid boshlangʻich tushunchalar va dasturiy taʼminot (Software operation) bilan ishlash koʻnikmalari boʻyicha asosiy bilimlarga ega boʻlish lozim;
• Noodatiy vazifalarni tanqidiy fikrlash va ijodkorlik bilan bajara olish kerak;
• DevOpsda ishlash va rivojlanishga kuchli istak boʻlishi talab etiladi.
• Mazkur kursda faqat Oʻzbekiston, Qirgʻiziston, Qozogʻiston fuqarolarigina ishtirok eta oladi.

Eslatma: kursda qatnashish talablariga toʻgʻri kelmagan nomzod DevOpsning quyidagi maxsus bepul dars-materiallarini oʻrganib chiqishi mumkin:

• DevOpsning mustaqil oʻrganish materiallari (DevOps self-study materials);
• Kichik DevOps muhandisi uchun kitob javoni (Bookshelf for a Junior DevOps Engineer);
• DevOps nima uchun kerak va DevOps muhandislari kimlar? (Why DevOps is necessary and who DevOps engineers are)
• Fast Track VS Full Track: DevOpsni oʻrganishda toʻgʻri yoʻlni qanday tanlash mumkin? (Fast Track VS Full Track: How to choose the right path in learning DevOps?)

Muvofiqlik talablari (Eligibility requirements) haqida batafsil ushbu havola orqali maʼlumot olish mumkin.

• Mazkur kursni istalgan paytda va istalgan joyda oʻqish mumkin; hech qanday dedlayn (deadlines) mavjud emas;
• IT sohasida ish tajribasi talab etilmaydi;
• Kurs yakuniy imtihonidan muvaffaqiyatli oʻtgan ishtirokchilar DevOpsda ishlash va IT sohasida rivojlanish imkoniyatiga ega boʻladilar;
• Yuqori sifatli kontent: ushbu dastur turli mamlakatlardagi kuchli EPAM mutaxassislari tomonidan ishlab chiqilganligi tufayli dars-materiallari yuqori sifatga ega.

Dasturning foydali jihatlari haqida batafsil ushbu havola orqali oʻqish mumkin.

• Kursda oʻqish uchun roʻyxatdan oʻtish kerak; Ushbu havola orqali roʻyxatdan oʻtish mumkin;
• Roʻyxatdan oʻtgandan soʻng ishtirokchi uchun ochilgan maxsus profilda ingliz tiliga oid testdan oʻtish kerak (A2+ darajaga oid test beriladi);
• Test bosqichidan keyin ishtirokchining emailiga kursda oʻqish uchun link yuboriladi.

Kursga roʻyxatdan oʻtish haqida batafsil ushbu havola orqali oʻqish mumkin.

EPAM trening markazi haqida toʻliq maʼlumotni ushbu havola orqali olish mumkin.

Dastur haqida qoʻshimcha savol va takliflarni SupportRDPortal@epam.com elektron manziliga yuborish mumkin.