“DevOps, OpenShift va u bilan fintech’da qanday ishlash kerak” nomli bepul 4 haftalik IT kursi
-
14/12/2021 Qabul boshlanishi
-
Toʻliq Moliyalash turi
-
Oʻzbekiston Davlat
-
16.01.2022 Oxirgi muddat
Umumiy maʻlumotlar
“DevOps, OpenShift va u bilan fintech’da qanday ishlash kerak” nomli bepul ta'lim IT kursi IT Park rezidenti “UZCARD” va Rossiyaning “Иннотех” KG hamkorligida, hamda IT Park Uzbekistan ko‘magida tashkil etilmoqda.
Maxsus testdan o‘tgandan so‘ng saralangan 25 nafar ishtirokchi kompaniyaning yetakchi muhandislari tomonidan to‘rt hafta davomida o‘qitiladi.
Kurs dasturi quyidagi modullarni o‘z ichiga oladi:
- Mikroservis arxitekturasiga kirish;
- Bulutlar;
- Docker va k8s bilan tanishish;
- OpenShift asoslari;
- TeamCity va TeamCity Kotlin DSL’dagi CI/CD,'
- Monitoring;
- Kuzatuvchanlik.
Kurs 1-fevraldan 24-fevralga qadar 4 hafta oflayn tarzda davom etadi (Manzil: Toshkent shahri, Uzcard akseleryator maydoni).
Kurs rus tilida bo'lib o'tadi va kurs davomida amaliy topshiriqlarni bajarish uchun ishtirokchi shaxsiy kompyuteriga ega bo'lishi lozim. Har bir dars davomiyligi 2 soat va 2 qismdan iborat bo'ladi. Ya'ni, nazariy va amaliy.
Kurs ishtirokchilari ta’lim dasturining sakkizta o‘quv vebinaridan iborat chuqur nazariy va amaliy bilimlarni egallaydilar.
Mashg‘ulotlar “UZCARD” korporativ akseleratori saytida o‘tkaziladi. Trening natijalariga ko‘ra, eng yaxshi bitiruvchilar kursni tashkil etuvchi ham kompaniyalarda, ham boshqa xalqaro hamkor kompaniyalarda amaliyot o‘tash va ishga joylashish uchun noyob imkoniyatga ega bo‘ladi. Kurs bitiruvchilariga DevOps va OpenShift kursini muvaffaqiyatli tamomlaganligilari uchun diplom taqdim etiladi.
Kurs agendasi bilan ushbu havola orqali tanishib chiqishingiz mumkin.
Maqbullik shartlari
Maqbullik shartlari
- Kurs CI/CD muhandislari va DevOps mutaxassislari;
- O‘zini CI/CD muhandisi sifatida sinab ko‘rmoqchi bo‘lgan tizim administratorlari ishtirok etishlari mumkin;
- Kursning ishchi tili rus tili bo'lganligi sababli ariza beruvchilardan rus tilini yetarlicha bilish so'raladi (hech qanday sertifikat so'ralmaydi).
Dasturning maqbullik shartlari bilan batafsil bu yerda tanishib chiqish mumkin.
Foydali tomonlari
Kursga qabul qilinganlar quyidagi imtiyozlarga ega boʻladi:
- To‘rt hafta davomida mikroservis arxitekturasi, bulutlar, Docker va k8s bilan tanishish, OpenShift asoslari, TeamCity va TeamCity Kotlin DSL’da CI/CD, monitoring, kuzatuvchanlik modullari bo'yicha bilim olish;
- Kurs bitiruvchilariga DevOps va OpenShift kursini muvaffaqiyatli tamomlaganligilari uchun diplom taqdim etiladi;
- Eng yaxshi bitiruvchilar kursni tashkil etuvchi kompaniyalar yoki boshqa xalqaro hamkor kompaniyalarda amaliyot o‘tash va ishga joylashish uchun noyob imkoniyatga ega bo‘ladilar;
- Ishtirokchilar OpenShift’da ilovalarni avtomatik joylashtirish uchun CI/CD’ni o‘rnatish bo‘yicha amaliy loyihani mustaqil ravishda amalga oshirish imkoniyatiga ham ega bo’ladilar;
- Mashg‘ulotlar ko‘p yillik kasbiy rivojlanish jarayonida ishlab chiqilgan layfxaklarni ko‘rsatishga tayyor bo‘lgan kompaniyalarning yetakchi muhandislari tomonidan olib boriladi.
Qoʻshimcha maʻlumotlar
Kursga arizalar qabul qilish 2022-yilning 16-yanvariga qadar, saralash bosqichi esa 26-yanvarda bo'lib o'tadi.
Kurs 1-fevraldan 24-fevralga qadar davom etadi.
Kursni muvaffaqiyatli tamomlagan bitiruvchilar uchun 2022-yil 10-mart kuni diplom taqdim etiladi.
Qoʻshimcha ma'lumot uchun: @fintechuzcard
Email: info@uzcard.vc