Diplomatlar va davlat xizmatchilari uchun Estoniya Diplomatiya Maktabi tomonidan 9 oylik toʻliq qoplanuvchi stipendiya dasturi
  • 29/04/2021 Qabul boshlanishi
  • Toʻliq Moliyalash turi
  • Estoniya Davlat
  • 31.05.2021 Oxirgi muddat
Telegram kanalimizga aʼzo boʻling

Muhim tafsilotlar

  • Dastur tili
    Ingliz tili
  • Yosh chegarasi
    35 yoshgacha

Doʻstlar bilan ulashing

Umumiy maʻlumotlar

Estoniya diplomatiya maktabi (ESD) — notijorat taʼlim muassasasi boʻlib, Estoniyadan va butun dunyodan yigʻilgan iqtidorli yoshlarga diplomatik amaliyot, Yevropa integratsiyasi, xalqaro aloqalar va davlat boshqaruvi sohalarida yuqori malakaga ega boʻlishlarida koʻmaklashadi.

Estoniya Diplomatiya maktabi (ESD) har yili Estoniya Tashqi ishlar vazirligi hamkorligida yosh diplomatlar va davlat xizmatchilariga xalqaro aloqalar va Yevropa integratsiya boʻyicha 9 oylik dasturda ishtirok etish uchun stipendiyalar taqdim etadi. Oʻquv dasturi Tallindagi Estoniya Diplomatiya Maktabida ikki semestrdan koʻproq vaqt mobaynida boʻlib oʻtadi. 2021-22 oʻquv yili uchun dastur 2021-yil 14-sentyabrda boshlanadi va 2022-yil 27-mayda tugaydi.

Dastur davomida talabalar xalqaro aloqalar va Yevropa integratsiyasi nazariyasi va amaliyoti boʻyicha akademik va amaliy koʻnikmalarga ega boʻlib, oʻrgangan bilimlarini kelajak karyeralarini rivojlantirish yoʻlida sarflashlari mumkin.

Dasturda qatnashishni istovchi talabalardan quyidagi sifatlarga ega boʻlishlari kutiladi:

  • Xalqaro munosabatlar nazariyalari haqida umumiy maʼlumotga ega, ularni taqqoslash va tahlil qilishni bilish;
  • Xalqaro munosabatlarning asosiy mavzularini (tashqi siyosat, xavfsizlik siyosati, xalqaro huquq, Yevropa Ittifoqi, xalqaro iqtisodiyot) tushunish;
  • Osiyo, Afrika, Yaqin Sharq, Rossiya, AQSh kabi mintaqalarining asosiy xalqaro mavzulari haqida xabardor boʻlish;
  • Diplomatiya sohasida amaliy koʻnikmalarga ega boʻlish, masalan, diplomatik koʻnikmalar, protokol, xalq diplomatiyasi, madaniyatlararo aloqa va xalqaro muzokaralar.

Maqbullik shartlari

  • Kamida bakalavr darajasiga ega boʻlishi;
  • 35 va undan kichik yoshda boʻlishi;
  • Ingliz tilida gapirish, oʻqish va yozish qobiliyatlari yuqori darajada boʻlishi;
  • Oʻz mamlakatlari/hududlarining tashqi yoki davlat xizmatlarida kamida bir yil davomida ishlagan/ishlayotgan boʻlishlari;
  • Kasbiy faoliyatini oʻz mamlakati / hududining fuqarolik yoki diplomatik xizmatida davom ettirishni istovchi nomzodlarga imtiyozlar beriladi;
  • Xalqaro aloqalar va shu yoʻnalishdagi fanlarni oʻrganish uchun kuchli ishtiyoqga ega boʻlishlari;
  • Jamoaviy va madaniyatlararo oʻrganish muhitiga tayyor boʻlish;
  • Grantni ODA davlatlari (Ukraina, Qozogʻiston, Moldova, Belorussiya, Gruziya, Tojikiston, Armaniston, Qirgʻiziston, Oʻzbekiston, Ozarbayjon) fuqarolari olishlari mumkin.

Foydali tomonlari

Grant dasturi quyidagi xarajatlarni qoplab beradi:

  • Oʻqish toʻlov pullari;
  • Oyiga 450 yevro stipendiya;
  • Turar-joy, internet va kommunal xizmatlar;
  • Tibbiy sugʻurta;
  • Shengen vizasini olish xarajatlari;

Eslatma: Stipendiya Estoniyaga borish va qaytish xarajatlarini oʻz ichiga olmaydi.

Hujjat topshirish

Ariza topshirish uchun talab qilinadigan hujjatlar:

  • Ariza shakli va pasport oʻlchamidagi rasm;
  • CV (Ingliz tilida);
  • 300-400 soʻzdan iborat motivatsion xat yozish. Xatda dasturda qatnashishdan maqsadingiz, tajribalaringiz va aynan ESDda oʻqish kelajak karyerangiz uchun qanday foyda keltirishini batafsil tushuntirib yozing;
  • Yaqin orada bitirgan oliy oʻquv yurtining diplom nusxasi (agar diplom ingliz tilida boʻlmasa, tarjimasi bilan);
  • Yaqin orada bitirgan oliy oʻquv yurtidan baholar nusxasi (inglizcha tarjimasi bilan);
  • Pasportdagi rasm va maʼlumotlar sahifasining nusxasi;
  • Ariza toʻlovi uchun 20 yevro miqdoridagi bank toʻlov qog'ozi;
  • Bank rekvizitlari:
    • Hisob raqami: EE041010220071516018
    • Qabul qiluvchi: Eesti Diplomaatide Kooli SA
    • Nomi: Ariza topshiruvchining ism-familiyasi; 2021-2022-yillar uchun deb yoziladi
  • Quyidagi mavzulardan birini tanlab 4 sahifadan iborat (1300-1500 soʻzdan iborat, havola bilan) akademik insho yozish:
    • Covid-19ning Yevropa kelajagiga taʼsiri;
    • Xitoy — hamkormi yoki dushman?
    • AQShni har tomonlama rivojlantirish — orzumi yoki haqiqat?
    • Yengil kuch (soft power) iqlim inqirozini yengish uchun muvaffaqiyatli vositami?
    • Raqamli diplomatiya — vaqtinchalik oʻlchovmi yoki rivojlanish?

Hujjat topshirish tartibi:

1-bosqich.

  • ESD ofisida shaxsan intervyu. Manzil: Estoniya milliy kutubxonasi, Tõnismägi 2, uchrashuvni oldindan +372 631 7951 raqamiga qoʻngʻiroq qilib belgilashingiz kerak;
  • Grantdan tashqari holatlar uchun onlayn ariza shaklini toʻldirish orqali hujjatlaringizni yuborishingiz mumkin;
  • Arizalarni qabul qilishning oxirgi muddati – 2021-yil 14-iyun.

2-bosqich.

  • Barcha hujjatlarni topshirgan nomzodlar, ikkinchi bosqichda ESD tomonidan qisqa intervyuga taklif qilinadi. Intervyu 14-18-iyun kunlari Estoniya Diplomatiya Maktabi ofisida (Tõnismägi 2, 6-qavat) boʻlib oʻtadi. Nomzodlarga intervyu vaqti haqida xabar yuboriladi.

3-bosqich.

  • Ariza natijalari haqida 2021-yil 18-iyunga qadar elektron pochta orqali xabar beriladi;
  • Qoʻshimcha savollar uchun quyidagi elektron manzilga murojaat qilishingiz mumkin: liina.link@edk.edu.ee
  • Telefon orqali murojaat qilish: (+372) 6317951.

Qoʻshimcha maʻlumotlar

Estoniya
Diplomatlar va davlat xizmatchilari uchun Estoniya Diplomatiya Maktabi tomonidan 9 oylik toʻliq qoplanuvchi stipendiya dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar