Doktorant, olim va ilmiy tadqiqotchilar uchun bepul Data Science for Research intensiv kursi
-
15/11/2023 Qabul boshlanishi
-
Bepul Moliyalash turi
-
Oʻzbekiston Davlat
-
30.11.2023 Oxirgi muddat
Umumiy maʻlumotlar
Oʻzbekiston Respublikasi Oliy taʼlim, fan va innovatsiyalar vazirligining tashabbusi bilan, “Oʻzbekiston milliy innovatsiya tizimini modernizatsiya qilish” (MUNIS) loyihasi doirasida, Jahon bankining moliyaviy koʻmagi asosida 2023-yil dekabr oyida Oʻzbekiston Respublikasi olimlari, doktorantlari va ilmiy tadqiqotchilari uchun “International approaches and best practices of using data in scientific research” bepul oʻquv dasturining navbatdagi bosqichini Toshkent shahri va hududlarda, jumladan Samarqand, Buxoro va Fargʻona viloyatlarida oʻtkazish rejalashtirilmoqda.
Loyihaning asosiy maqsadi va mohiyati:
- Mahalliy olimlar tomonidan yetakchi ilmiy maʼlumotlar bazalarida nashr etilayotgan maqolalar sifati va sonini oshirish (Web of Science, Scopus, Springer, Wiley va boshqalar);
- Turli vositalar, ilovalar va uslubiyotlarni qamrab oluvchi maʼlumotlar tahlili uchun zamonaviy axborot texnologiyalaridan foydalanish sohasida olimlarning salohiyatini mustahkamlash;
- Maʼlumotlarni qayta ishlash va tahlil qilish, ilmiy maqolalarni tayyorlash va ilmiy tadqiqot doirasida maʼlumotlar vizualizatsiyasi koʻnikmalarini mustahkamlash;
- Olimlarga maʼlumotlarni empirik tahlil qilishning zamonaviy uslublarini oʻrgatish;
- Olimlarga ularning ilmiy natijalarini yuqori impakt-faktorli xalqaro ilmiy jurnallarda nashr etishga amaliy yordam koʻrsatish.
Dastur haqida batafsil ushbu havola orqali maʼlumot olish mumkin.
Maqbullik shartlari
- Dasturga qiziqqan barcha doktorant, olim va ilmiy tadqiqotchilar qatnashishi mumkin;
- Nomzodlar ingliz tilini kamida B1 darajada bilishi lozim;
- Ilmiy natijalar va ilmiy ishlanmalar boʻlishi talab qilinadi.
Foydali tomonlari
- Dasturda bepul qatnashish mumkin;
- Ilmiy tadqiqotlar yozish doirasida maʼlumotlarni tahlil qilishdagi xalqaro yondashuvlar va amaliyotlar boʻyicha bilim beriladi;
- Olimlarga ularning ilmiy natijalarini xalqaro ilmiy jurnallarda nashr etishga amaliy yordam koʻrsatiladi.
Qoʻshimcha maʻlumotlar
- Ariza topshirish uchun oxirgi muddat: 30-noyabr, 2023-yil;
- Email: hello@ergorc.com;
- Tel: +998 50 0051177.
Oʻxshash dasturlar
Oʻzbekiston
Doktorant, olim va ilmiy tadqiqotchilar uchun bepul Data Science for Research intensiv kursi