Dunyo boʻylab jurnalistlar uchun Misrda oʻtkaziladigan konferensiya — UN Climate Negotiations (COP27) . Xarajatlar toʻliq qoplanadi

The UN Climate Negotiations (COP27) dasturi oʻzlarining mahalliy ommaviy axborot vositalarida, shuningdek, Climate Tracker orqali hikoyalar nashr ettirish istagida boʻlgan 10 nafar jurnalistni global miqyosda oʻtkaziluvchi konferensiyaga taklif etadi.

Konferensiya oflayn hamda onlayn formatda oʻtkaziladi. Nomzodlar ariza toʻldirish jarayonida oʻz tanlovlarini belgilaydilar.

Onlayn format ishtirokchilari uchun 12 nafar nomzod tanlab olinadi. Ushbu formatga qabul qilingan nomzodlar konferensiyadan oldin bir oy davomida tayyorlanadilar hamda jami 3 ta hikoya yozishlari kutiladi (bitta konferensiyadan oldin, 2 ta konferensiya davomida).

Dastur 2022-yil 7-18-noyabr kunlari Misrning Sharm el-Sheikh shahrida boʻlib oʻtadi.

Dasturga oflayn format uchun qabul qilingan nomzodlarning xarajatlari toʻliq qoplanadi hamda stipendiya beriladi. Onlayn format ishtirokchilari uchun 250 yevro stipendiya beriladi.

Dastur haqida batafsil ushbu havola orqali tanishish mumkin.

Dasturda ishtirok etish uchun nomzodlardan quyidagilar talab etiladi:

• Nomzodlar 18-35 yosh oraligʻida boʻlishi lozim;
• Kamida bir yillik jurnalistik tajriba talab etiladi;
• Ishtirokchilar iqlim oʻzgarishi mavzusida sifatli maqolalar yoza oladigan boʻlishlari va oxirgi 3 oy ichida ushbu mavzuda hikoya nashr ettirgan boʻlishlari lozim;
• Nomzodlardan til bilish sertifikatlarini taqdim etishlari soʻralmaydi. Lekin treninglar ingliz tilida boʻlganligi uchun ishtirokchilar ushbu tilni yaxshi bilishlari lozim.

Dastur talablari haqida batafsil ushbu havola orqali tanishish mumkin.

Dasturga qabul qilingan nomzodlar quyidagi imtiyozlarga ega boʻladi:

Oflayn format ishtirokchilariga:

• 1 oylik stipendiya beriladi;
• Sayohat va turar-joy xarajatlari qoplanadi;
• Misrda butun dunyodan tashrif buyurgan jurnalistlar bilan ishlash va yashash imkoniyatini qoʻlga kiritadilar;
• Nomzodlar COP27 davomida hikoyalarini tahrirlash va joylashtirish uchun qoʻllab-quvvatlanadi hamda shu kabi bir qancha imkoniyatlarga ega boʻladilar.

Onlayn format ishtirokchilariga:

• 250 yevro stipendiya;
• Konferensiya oldidan 1 oylik COP27 onlayn trening;
• Mintaqadagi hamda dunyoning boshqa hududlaridan tashrif buyurgan ishtirokchilar bilan ishlab, oʻz hikoyalari ustida ishlash imkoniyati beriladi;
• Nomzodlar COP27 davomida hikoyalarini tahrirlash va joylashtirish uchun qoʻllab-quvvatlanadi hamda shu kabi bir qancha imkoniyatlarga ega boʻladilar.

Dastur manfaatli jihatlari haqida batafsil ushbu havola orqali tanishish mumkin.

Dasturga ariza topshirish uchun nomzodlar ushbu havola orqali berilgan ariza shaklini toʻldirishlari soʻraladi.

Ishtirokchilar quyidagi hujjatlarni taqdim etishlari lozim:

• CV/Rezyume;
• Dasturda ishtirok etish istagini koʻrsatuvchi motivatsion xat;
• Nomzod COPgacha nashr qilishi mumkin boʻlgan hikoyalar uchun takliflar;
• Portfolio.

Dasturga ariza topshirishning soʻngi muddati 2022-yil 19-avgust.

Oldingi yillar ishtirokchilari va ularning ishlari bilan ushbu havola orqali tanishish mumkin.

Qoʻshimcha savol va murojaatlar uchun:

Dizzanne Billy: dizzanne@climatetracker.org.