Dunyo reytingida 189-oʻrinda turuvchi Buyuk Britaniya universitetida magistratura bosqichini oʻqish uchun Jameel Scholarship dasturi
-
01/05/2022 Qabul boshlanishi
-
Qisman Moliyalash turi
-
Buyuk Britaniya Davlat
-
13/06/2022 23:59 Oxirgi muddat
Umumiy maʻlumotlar
Jameel scholarships - Jameel stipendiyasi dunyo boʻylab yoshlarga oʻz bilimlarini Buyuk Britaniyadagi musulmon jamoalarini qoʻllab-quvvatlash, keng ommaga islomni yaxshiroq tushunish uchun yordam berish imkonini beradi.
Nomzod Buyuk Britaniyaning Kardiff universiteti Islam in Contemporary Britain (MA) kursiga qabul qilinishi lozim. Ushbu kursga qabul 2022-yil 1-avgustiga qadar davom etadi. Lekin grant dasturi uchun arizalar 2022-yil 13-iyundan kechiktirilmagan holatda topshirilishi lozim.
Dastur kunduzgi taʼlim shaklida boʻlsa 1 yil, sirtqi taʼlim shaklida boʻlsa 2 yil davom etadi. Oʻquv yili 26-sentyabrda boshlanadi.
Dastur davomida nomzod uchta asosiy modul (60 kredit) va yana uchta ixtiyoriy modulni (60 kredit) oʻrganadi.
Dasturdan soʻng nomzodlar 20,000 soʻzdan iborat dissertatsiya yozishlari kerak boʻladi.
Dasturga qabul qilingan nomzodlarning oʻqish toʻlovlari toʻliq qoplanib, yillik stipendiya va tadqiqot ishlari uchun alohida pul mablagʻi ajratiladi.
Dastur haqida batafsil ushbu havola orqali tanishish mumkin.
Maqbullik shartlari
Dasturda ishtirok etish uchun nomzodlardan quyidagilar talab etiladi:
- Dunyoning istalgan burchagidan nomzodlar ushbu grant dasturiga ariza topshirishi mumkin;
- Dasturga ariza topshirish uchun ishtirokchi Kardiff universitetining Islam in Contemporary Britain (MA) magistratura bosqichiga qabul qilingan boʻlishi kerak;
- Nomzod gumanitar hamda ijtimoiy fanlar yoki ushbu magistrlik sohasiga aloqador yoʻnalishlar boʻyicha 2:2 darajasidagi imtiyozli diplomga ega boʻlishi kerak (Oʻzbekistonda bu oʻrtacha baholar qiymatining 50-60% iga toʻgʻri keladi);
- Ishtirokchi Britaniyada Islomning oʻtmishi, hoziri va kelajagiga qiziquvchan boʻlishi lozim;
- Nomzod universitet tomonidan tan olingan ekvivalent akademik malakaga yoki maʼlumotnoma bilan tasdiqlangan tegishli kasbiy tajriba ega boʻlishi kerak;
- Dastur ingliz tilida boʻladi. Nomzodlardan hech qaysi boʻlimi 5.5 balldan kam boʻlmagan holda, eng kamida IELTS 6.5 talab qilinadi.
Dastur talablari bilan batafsil ushbu havola orqali tanishish mumkin.
Foydali tomonlari
Dasturga qabul qilingan nomzodlar quyidagi imtiyozlarga ega boʻladi:
- Oʻqish toʻlovlari toʻliq qoplanadi;
- Yillik 15,896 funt sterling (taxminan $19,496) stipendiya beriladi;
- Tadqiqotlar uchun 1000 funt sterling (taxminan $1226) ajratiladi.
Eslatma: Sirtqi taʼlim dasturida qatnashayotganlarga stipendiya va tadqiqot uchun pul mablagʻi ikki yilga boʻlib toʻlanadi.
Dastur manfaatli jihatlari haqida batafsil ushbu havola orqali tanishish mumkin.
Qoʻshimcha maʻlumotlar
Kardiff universitetiga ariza topshirish boʻyicha qoʻshimcha savol va murojaatlar uchun:
+44 (0)29 2087 9999
admissions@cardiff.ac.uk
Jameel stipendiyasi boʻyicha savol va murojaatlar uchun:
jameelscholarships@cardiff.ac.uk