Dunyoning eng nufuzli universitetlardan biri Oksford universitetidan 200 dan ortiq oʻrinli, toʻliq moliyalashtiriluvchi Clarendon stipendiya dasturi

Dunyoning eng nufuzli universitetlardan biri Oksford universitetida grant asosida oʻqish uchun Clarendon stipendiya dasturi. Ushbu stipendiya dasturiga millati, yashash joyi yoki taʼlim sohasidan qatʼiy nazar kunduzgi va sirtqi magistratura va doktorantura bosqichida oʻqishni istaganlar ariza topshirishlari mumkin. Nomzodlar stipendiya uchun alohida hujjat topshirishlari talab qilinmaydi. Oksford universiteti kurslariga qabul qilinganlar toʻgʻridan toʻgʻri stipendiya grantiga nomzod sifatida koʻrib chiqiladi.

Clarendon stipendiya dasturi yiliga 200 dan ortiq grantlar eʼlon qiladi, shuningdek, stipendiya gʻoliblari kuchli xalqaro muhitda oʻz kasbining mutaxassislari bilan bir jamoada boʻlish imkoniyatiga ega boʻlishadi.

Nomzodlar grantga ariza topshirish uchun dekabr va yanvar oylariga qadar Oksford universiteti kurslariga roʻyxatdan oʻtib, qabul qilingan boʻlishlari soʻraladi.

Eslatma: Baʼzi bir kurslarning oxirgi muddati noyabr oyida boʻladi, shuning uchun dedlaynlar haqida yoʻnalish tanlab batafsil tanishib chiqish mumkin.

Dastur haqida ushbu havola orqali batafsil maʼlumot olish mumkin.

• Millati, yashash joyi yoki taʼlim sohasidan qatʼi nazar kunduzgi va sirtqi magistratura va doktorantura bosqichida oʻqishni istaganlar ariza topshirishlari mumkin;
• Stipendiya uchun alohida ariza topshirish talab qilinmaydi, Oksford universiteti kurslariga qabul qilinganlar toʻgʻridan toʻgʻri nomzod boʻla oladilar;
• Til sertifikati (IELTS) va boshqa talablar tanlangan dasturga qarab farq qiladi. Til va sertifikat boʻyicha talablar haqida ushbu havola orqali maʼlumot olish mumkin;
• Stipendiyaga nomzodlar yuqori akademik koʻrsatkichlari, qobiliyatlari va motivatsion xatlariga qarab saralanadi.

Magistr dasturlari haqida ushbu havola orqali, doktorantura haqida esa ushbu havola orqali maʼlumot olish mumkin.

• Grant sohiblari kontrakt toʻlovidan toʻla ozod etiladi;
• Yashash xarajatlari uchun mablagʻ ajratiladi.

Stipendiya dasturiga qabul jarayonlari tartibi:

• Nomzodlar oʻzlariga mos yoʻnalish va kursni tanlab dekabr yoki yanvar oylarigacha ariza topshirishlari mumkin; (kurslar uchun qabul jarayonidagi dedlaynlar farq qilishi mumkin)
• Ariza topshirish boʻyicha bu yerda batafsil koʻrish mumkin.

Kurslarga ertaroq ariza topshirish tavsiya etiladi:

• Chunki oʻqishga ketish uchun student visa olishda oʻqishga qabul qilinganligingizni tasdiqlovchi (Confirmation of Acceptance for Studies (CAS) kod soʻraladi;
• Nomzodlarni qabul qilinish jarayonida sogʻlomlikni tasdiqlovchi yoki qandaydir nogironliklari boʻlsa, shuni tasdiqlovchi hujjatlari boʻlishi ustunlik beriladi.

Stipendiya dasturi haqida batafsil maʼlumot olishga yordam beruvchi havolalar toʻplami:

• Kurslar haqida bu yerda;
• Arizalarni qanday topshirish haqida bu yerda;
• Toʻlovlar va moliyalashtirish haqida bu yerda;
• Ariza topshirish jarayoni va turlari haqida bu yerda;
• Magistratura bosqichi uchun bu yerda;
• Doktorantura bosqichi uchun bu yerda.