Dunyoning eng nufuzli universitetlaridan biri — Stenfordda to'liq moliyalashtirilgan holda o'qish uchun Knight-Henessy Scholarsning 2022-yil uchun dasturi

Knight-Hennessy Scholars — bu butun dunyodagi eng mashhur grant dasturlaridan biri bo'lib. U Amerika va Silikon vodiysining biznes va innovatsiyalari yuragi hisoblanmish Stenford universitetida magistrlik darajasida to'liq moliyalashtirilgan holda o'qish imkonini beradi. Har yili butun dunyodan 100 ta talaba ushbu imkoniyatga ega bo'ladi

Knight-Hennessy Scholars dasturi orqali yetakchilik qobiliyatlaringizni rivojlantirishingiz, hozirgi kunda butun dunyo duch kelayotgan muammolarga oʻz yechimlaringizni taqdim etishingiz mumkin. Ushbu dasturda olimlar va butun dunyodan kelgan yosh liderlar jamoasi bilan birgalikda iqlim oʻzgarishi, sogʻliqni saqlash, taʼlim, jinoyatchilik sohalarida tajriba almashasiz. Dastur ikki yil mobaynida Stenford universitetida boʻlib oʻtadi.

• Dasturga hujjat topshirishda yosh yoki oʻqish sohasi boʻyicha cheklovlar yoʻq;
• Barcha davlatlardan nomzodlar ariza topshirishlari mumkin;
• Stipendiyaga hujjat topshirish uchun Stenford universiteti magistrlik yo'nalishlaridan biriga o'qishga qabul qilingan bo'lish kerak;

Hujjatlar asosan ikki xil usulga koʻra talab qilinadi.

Birinchi usul:

Dasturga hujjat taqdim qilayotganingizda, Stanford universitetining kunduzgi magistrlik darajasiga hujjat topshirib, roʻyxatdan oʻtib, qabul qilingan boʻlishingiz kerak. Har bir Knight-Hennessy Scholars dasturi qatnashchisi Stenford magistrlik dasturiga tegishli DMA, JD, MA, MBA, MD, TIV, MPP, MS yoki PhD dasturida yangi roʻyxatdan oʻtgan talaba boʻlishi kerak. Dasturga qabul qilinganingizdan soʻng Stenfordda ikki yil davomida oʻqishingiz talab etiladi.

Ikkinchi usul:

2015-yil yanvarida yoki undan keyin AQShning bakalavr darajasini yoki unga tenglashtirilgan kollej yoki universitet darajasiga ega boʻlishingiz kerak.

2022-yilgi dasturga hujjat topshirish uchun bakalavr darajasini 2015-yilda yoki undan keyin olgan boʻlishingiz, 2023-yil uchun esa 2016-yilda yoki undan keyin bakalavr darajasini olgan boʻlishingiz talab etiladi.

Dasturga nomzodlarni saralab olishda quyidagi 3 ta mezonga asoslanadi:

Mustaqil fikrlay oladigan yoshlar

Dasturga qiziquvchan, keng fikrlaydigan, analitik qobiliyatga ega, madaniyatlararo rivojlanishga qiziquvchi va dunyodagi muhim muammolarni hal qilish uchun oʻz qarashlariga ega yoshlar saralab olinadi. Ularda quyidagi xislatlar boʻlishi soʻraladi:

Aniq fikrlay olishi va intellektual qobiliyatga egaligi;

Bilim va yangi tajribalar yigʻishga intiluvchanlik;

Asl gʻoyalarga ega boʻlish;

Noaniqliklarni aniqlay olish;

Qarama-qarshi yoki oʻzgacha fikrga ega boʻlgan yoshlar.

Yetakchilik qobiliyatiga ega yoshlar

Odob-axloqli, qatʼiyatli, maʼlum bir natijalarga erishishga intilgan va boshqalarni ham ijobiy oʻzgarishlarni amalga oshirishga ilhomlantiradigan kelajak rahbarlari.

Dunyoni yaxshi tomonga oʻzgartirishga intiluvchi;

Oʻzini va boshqalarni rivojlanishi uchun hissa qoʻsha oladigan;

Boshqalarni ham oʻz jamoasiga qoʻshib ular bilan rivojlanishni istaydigan;

Oʻz-oʻzini anglaydigan va moslashuvchan;

Doimiy va bardoshli.

Oʻz fuqarolik pozitsiyasiga ega yoshlar

Kamtar, hamdard, ishonchli, boshqalarga xizmat qilish uchun harakat qiladigan va koʻproq yaxshilikka hissa qoʻshishni istagan jamoat aʼzolari qidiriladi.

Shaxsan kamtar va mehribon;

Qoʻllab-quvvatlovchi va javobgar;

Xilma-xilliklarni yaxshi qabul qiladigan;

Boshqalar uchun qaygʻurib doimo yordamga tayyor turadigan.

Bitiruvchilarga Knight-Hennessy Scholars dasturi orqali dastlabki uch yil ichida quyidagilar qoplab beriladi:

• Oʻqish va tegishli toʻlovlarni qoplash uchun stipendiya;
• Yashash va oʻquv xarajatlari uchun stipendiya;
• Stenfordga bir yillik sayohat uchun ekonom-klass chiptasi sayohat granti;

Eslatma: Knight-Hennessy Scholars dasturi talablarni akademik qoʻllab-quvvatlash maqsadida ularning konferensiyalarda qatnashishlari uchun ham qoʻshimcha mablagʻ ajratishlari mumkin.

Maxsus holatlar uchun qoʻshimcha mablagʻlar ajratiladi:

Yoz davomida ixtiyoriy tadqiqot loyihalari bilan shugʻullanadigan boʻlsangiz, Knight Hennessy Scholars dasturiga alohida ariza berish va tasdiqlash orqali yozgi stipendiya mablagʻlarini qoʻlga kiritishingiz mumkin.

Ariza topshirish 3 bosqichda amalga oshiriladi:

Eslatma: Knight-Hennessy Scholars dasturiga va Stenford magistrlik dasturiga alohida-alohida hujjat topshirishingiz kerak. Knight-Hennessy Scholars dasturiga topshirishingiz uchun Stenford magistrlik dasturiga qabul qilinganligingiz haqida hujjat taqdim qilishingiz talab etiladi.

1-bosqich: Knight-Hennessy Scholars dasturi uchun onlayn ariza shaklini oldindan topshirish.

2-bosqich: Knight-Hennessy Scholars dasturi uchun onlayn arizani belgilangan muddatgacha yuboring. Hujjatlaringizni topshirganingizdan soʻng tahrirlay olmaysiz, faqatgina test natijalari va tavsiyanomalarni oʻzgartira olasiz xolos.

3-bosqich: Oʻzgartirishga ehtiyoj sezsangiz arizangiz sahifasi orqali sinov ballarini yangilashingiz mumkin.

Hujjatlarni yuborish boʻyicha tavsiyanomalar

Knight-Hennessy Scholars dasturi va Stenford magistrlik darajasiga alohida hujjat tayyorlab yuborishingiz kerak;

Hujjatlar ingliz tilida onlayn yuborilishi kerak, email yoki pochta orqali yuborilgan arizalar qabul qilinmaydi;

Hujjatlarni yuborishda Google Chrome yoki Mozila Firefoxʼni oxirgi versiyalaridan foydalanishingiz tavsiya qilinadi;

Oʻtgan 2021-yil kuzgi dasturga qabul arizasi shakli namunasi bilan shu yerda batafsil tanishib chiqishingiz mumkin.

Eslatma: Stenford aspiranturasi dasturining barcha qismlarini belgilangan muddatgacha topshiring. Ariza berish muddati, dastur talablari va har qanday toʻlovlarni tasdiqlash uchun dastur veb-saytiga tashrif buyuring. Har bir dastur darajasiga qarab farqlanadi, shu sababli ariza topshirish muddatlarini diqqat bilan koʻrib chiqing. Knight-Hennessy Scholars talabgorlari uchun alohida ariza topshirish muddati belgilanadi.

Qoʻshimcha savollar yuzasidan bogʻlanish uchun: 
https://knight-hennessy.stanford.edu/contact-us 

Elektron pochta manzili: khscholars@stanford.edu