Dunyoning eng top universitetlaridan biri Kembrij universitetida magistratura va doktorantura bosqichida o‘qish uchun to‘liq moliyalashtiriladigan grant dasturi
  • 02/09/2021 Qabul boshlanishi
  • Toʻliq Moliyalash turi
  • Buyuk Britaniya Davlat
  • 02.12.2021 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Oliy ma'lumotli (bakalavr), Magistr talabasi, Oliy ma'lumotli (magistr)
  • Dastur tili
    Ingliz tili
  • Yosh chegarasi
    Chegaralanmagan

Sohalar

Doʻstlar bilan ulashing

Umumiy maʻlumotlar

The Gates Cambridge Scholarship dasturi 2000-yil oktyabr oyida Bill va Melinda Geyts jamg'armasi tomonidan Kembrij universitetiga 210 million AQSh dollari ajratilishi natijasida tashkil etilgan.

Har yili The Gates Cambridge Scholarship Kembrij universitetida mavjud bo'lgan har qanday fan bo'yicha kunduzgi magistratura va doktorantura bosqichida o'qish uchun Buyuk Britaniyadan tashqaridagi bilimli talabalarga 80 ta to'liq moliyalashtiriluvchi stipendiyalarni taklif qiladi. 

The Gates Cambridge Scholarshipning asosiy maqsadi kuchli yetakchilarning global tarmog'ini yaratish va boshqalarning hayotini yaxshilashdan iborat.

Dasturga qabul qilinganlar universitetda o'qish to'lovidan ozod etilish bilan birga yiliga £17.848 stipendiya, bepul aviachipta, sug'urta puli hamda boshqa imtiyozlarga ega bo'ladilar.

Maqbullik shartlari

Nomzodlar quyidagi talablarga javob berishi lozim:

  1. Buyuk Britaniya fuqarosi boʻlmasligi kerak;
  2. Kembrij universitetining quyidagi kurslardan birida oʻqishni davom ettirmoqchi boʻlishi lozim:
  • PhD;
  • MSc/MLitt (Master of Science/ Master of Letters);
  • Bir yillik magistratura kursi. (Batafsil ushbu havolada);
  • Nomzodlar akademik jihatdan faol boʻlishi va kuchli yetakchilik qobiliyatiga ega boʻlishi lozim;
  • Baho ko‘rsatkichlari yuqori bo'lishi hamda grantga topshirish davomida maqsadlarini aniq ifodalay olishi kerak.

Quyidagi bosqichda oʻqiyotganlar dasturga ariza topshirolmaydi:

  • Har qanday bakalavr bosqichi;
  • BusD — Business Doctorate;
  • MBA — Masters of Business;
  • MFin — Master of Finance;
  • PGCE;
  • MBBChir Clinical Studies;
  • MD — Doctor of Medicine degree (6 years, part-time);
  • Graduate Course in Medicine (A101);
  • Part-time degrees;
  • Non-degree courses.

Foydali tomonlari

The Gates Cambridge Scholarship Kembrijda o'qish uchun barcha xarajatlarni moliyalashtiradi. Shuningdek, qo'shimcha mablag'lar bilan ham ta'minlaydi.

Dasturga qabul qilinganlar quyidagi imkoniyatlarga ega bo'ladilar;

  • Universitetda o'qish to'lovidan ozod etiladi;
  • Xarajatlar uchun  £17.848  (12 oy uchun. Doktorantlar uchun 4 yil davom etadi);
  • Kursning boshida va oxirida aviachipta beriladi;
  • Viza, immigratsiya va sug'urta uchun barcha to'lovlar qoplanadi.

Qo'shimcha quyidagi mablag'lar bilan ta'minlanadilar:

  • Akademik rivojlanishni moliyalashtirish - konferensiyalar va kurslarga qatnashish uchun kursning davomiyligiga qarab 500 funtdan 2000 funtgacha;
  • Oila a'zolari uchun mablag'-bitta bola uchun 10 120 funtgacha va ikki yoki undan ortiq bola uchun 14 440 funtgacha. Hamkor uchun mablag' ajratilmaydi.
  • Dala ishi - doktorlik dissertatsiyasining bir qismi sifatida dala ishlari bilan shug'ullanilsa, qo'shimcha stipendiya uchun ariza topshirishlari mumkin;
  • Farzand parvarishi uchun qo'shimcha  mablag'- agar kerak bo'lsa, 6 oygacha o'qishni to'xtatib qo'yishlari va shu vaqt ichida farzand parvarishi uchun mablag' olishlari mumkin.

Agar dasturga qabul qilingan nomzod biror kompaniyada ishlasa, dastur moliyalashtirilishida biroz cheklovlar bo'lishi mumkin. Dasturning foydali tomonlari haqida batafsil ushbu havolada berilgan.

Hujjat topshirish

Ariza topshirish jarayoni haqida batafsil ma'lumot ushbu videoda ham mavjud.

Nomzodlar avval universitetning magistratura yoki doktorantura bosqichidagi kurslarga va undan keyin moliyalashtirish bo'limiga ariza topshirishlari lozim. Ariza topshirish uchun ushbu havolaga o'tish kerak.

Ariza topshirish jarayonida quyidagi savollarga javob berish so'raladi:

  • Please give your assessment of the applicant’s suitability for a Gates Cambridge Scholarship. These are awarded on the following criteria: intellectual ability, justification for the choice, of course, a commitment to improving the lives of others, and leadership capacity.
  • How highly would you rank the applicant for a Gates Cambridge Scholarship?
  • On what overall group are you basing this ranking?
  • What is the size of this group?

Saralash jarayoni 3 bosqichda bo'lib o'tadi. 3-bosqichda intervyu bo'ladi.

Ariza topshirishda savollar bo'lsa, ushbu manzilga xabar yuborish mumkin.

Qoʻshimcha maʻlumotlar

Ariza topshirish haqidagi barcha savollar elektron pochta orqali info@gatescambridge.org manziliga yuborilishi lozim.

Telefon: +44 (0) 1223 338467

Buyuk Britaniya
Dunyoning eng top universitetlaridan biri Kembrij universitetida magistratura va doktorantura bosqichida o‘qish uchun to‘liq moliyalashtiriladigan grant dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar