Dunyo eng yaxshi universitetlari qatorida 74-oʻringa ega boʻlgan Myunxen Texnika Universitetida magistratura darajasini bepul oʻqish imkoniyati

Dunyo eng yaxshi universitetlari qatorida 74-oʻringa ega boʻlgan Myunxen Texnika Universitetida magistratura darajasini bepul oʻqish imkoniyati

  • 25/05/2022 Qabul boshlanishi
  • Bepul Moliyalash turi
  • Germaniya Davlat
  • 31/07/2022 23:59 Oxirgi muddat
GrantGO

Muhim tafsilotlar

  • Kimlar uchun
    Oliy ma'lumotli (bakalavr)
  • Dastur tili
    Ingliz tili
  • Yosh chegarasi
    Chegaralanmagan
  • IELTS talabi
    minimum 6.5

Doʻstlar bilan ulashing

Umumiy maʻlumotlar

“Kasbiy taʼlim va innovatsiyalar” professional magistratura dasturi kasbiy taʼlim sohasidagi xalqaro mutaxassislar uchun aralash (ham onlayn ham oflayn) taʼlim kursidir.

Mazkur dastur orqali nomzodlar dunyoning yetakchi universiteti - Munich Texnika Universitetida mustahkam, yuqori malaka egallashga yordam beradigan magistrlik darajasiga ega boʻlishadi. Ushbu sohadagi mutaxassislar professional tarzda birgalikda ishlash va global tarmoqning bir qismiga aylanish imkoniyatini qoʻlga kiritadilar.

Dastur 2 xil, asosan onlayn formatda olib boriladi. Nomzodlar har semestrning oxirida bir hafta Germaniyaga borishlari zarur.

Dastur magistrlik dissertatsiyasini oʻz ichiga olgan holda 5 semestr davom etadi.

Ushbu dastur dastlabki uch semestrda oʻqitiladigan toʻqqiz asosiy moduldan (52 AKTS), toʻrtinchi semestr doirasidagi bitta mutaxassislik modulidan (8 kredit) va toʻrtinchi va beshinchi semestrda magistrlik dissertatsiyasini (30 AKTS) yozishdan iborat. Dastur modullari bilan batafsil ushbu havola orqali tanishish mumkin.

Ariza topshirishdan oldin nomzodlar oʻz universitetlari uchun mazkur dastur ochiq ekanligini tekshirishlari lozim. Universitetga kirish uchun malakani qabul qilish boʻyicha qoʻllanma bilan ushbu havola orqali tanishish mumkin.

Dasturga qabul qilingan nomzodlar uchun oʻqish toʻlovlari mutlaqo bepul.

Dastur haqida batafsil ushbu havola orqali tanishish mumkin.

Maqbullik shartlari

Dasturda ishtirok etish uchun nomzodlardan quyidagilar talab etiladi:

  • Dunyoning barcha davlatlaridan fuqarolar ishtirok etishi mumkin;
  • Nomzodlar pedagogika, madaniyat, biznes, jamiyatshunoslik, texnologiya yoki tabiiy fanlar boʻyicha kamida olti semestr oʻqiladigan bakalavr darajasiga yoki kasbiy taʼlim va tegishli fan boʻyicha ekvivalent malakaga ega boʻlishlari kerak;
  • Kamida bir yillik ish tajribasi talab qilinadi;
  • Dastur tili ingliz tili hisoblanadi. Taʼlim darajasini ingliz tilida olmagan nomzodlar til bilish haqida sertifikatga ega boʻlishlari kerak. Til boʻyicha talablar bilan batafsil ushbu havola orqali tanishish mumkin;
  • Dasturga ariza topshira olishi mumkin boʻlgan universitetlar roʻyxati bilan batafsil ushbu havola orqali tanishish mumkin;
  • Nomzodlar har semestr oxirida bir haftadan jami 4 hafta va ish uchun qoʻshimcha bir hafta Germaniyada bora olishlari zarur.

Dastur maqbullik shartlari haqida batafsil ushbu havola orqali tanishish mumkin.

Foydali tomonlari

Dasturga qabul qilingan nomzodlar quyidagi imtiyozlarga ega boʻladi:

  • Dasturni moliyalashtirish Germaniya Federal Taʼlim va Tadqiqot Vazirligi tomonidan olib borilayotganligi sababli 2022/23-yil oʻquv yillariga qabul qilingan nomzodlar oʻqish toʻlovlaridan ozod etiladi;
  • Dastur ham oflayn ham onlayn tarzda yarim smenada olib boriladi va bu nomzodlarga ham oʻqib ham ishlash imkoniyatini beradi.

Dastur manfaatli jihatlari haqida batafsil ushbu havola orqali tanishish mumkin.

Hujjat topshirish

Dasturga ariza topshirish 3 bosqichda amalga oshiriladi:

1. Ariza hujjatlari:

  • Pedagogika, biznes, madaniyat, ijtimoiy fanlar, texnologiya yoki tabiiy fanlar boʻyicha yetti semestrdan iborat boʻlgan, bakalavr yoki unga tenglashtirilgan 210 kredit yoki eng kami 180 kreditdan iborat universitet darajasi (ogʻzaki imtihon 30 minut);
  • Eng soʻngi akademik baholar tarjimasi (kamida 180 kredit) va GPA;
  • Joriy yoki sobiq ish beruvchilar tomonidan boshlanish va tugash sanalari tasdiqlangan kasbiy taʼlim sohasida bir yillik toʻliq ish tajribasini tasdiqlovchi hujjat;
  • Ingliz tilidagi joriy CV (Xronologik boʻshliqlar boʻlmagan, oylik asosda yozilishi kerak);
  • Ingliz tilida motivatsion xat;
  • Pasport nusxasi;
  • Taʼlim tili ingliz tili boʻlmagan talabalar uchun ingliz tilini yetarli darajada bilish haqida sertifikat.

2. Umumiy malaka talablariga javob bergan nomzodlar malakaviy attestatsiyaga qabul qilinadi:

  • Birinchi bosqichda bakalavr darajasi, ish tajribasi va motivatsion xati ball tizimi yordamida baholanadi;
  • Toʻplangan ballar soniga qarab, ishtirokchilar darhol qabul qilinadi, rad etiladi yoki 20 daqiqalik suhbatga taklif qilinadi;
  • Bakalavr darajasida olingan AKTS soniga qarab (agar AKTS miqdori 180 dan 210 AKTS gacha boʻlsa), nomzodlar qoʻshimcha ravishda ogʻzaki imtihon topshirishlari kerak boʻladi (30 daqiqa).

3. Ariza topshirish uchun nomzodlar TUMonlineda akkaunt ochishlari va quyidagilarni tanlashlari lozim:

  • Oʻqish turi: Ijrochi magistrlik dasturi
    Maqsadli daraja: fanlar magistri
    Taʼlim dasturi: Kasbiy taʼlim va innovatsiyalar;
  • Ushbu havola orqali yoʻriqnoma bilan tanishish va saytda roʻyxatdan oʻtish mumkin. Roʻyxatdan oʻtish ushbu havola orqali amalga oshiriladi.
     

Ariza topshirishning soʻngi muddati 2022-yil 31-iyul.

Qoʻshimcha maʻlumotlar

Eng koʻp berilgan savollar roʻyxati bilan ushbu havola orqali tanishish mumkin.

Qoʻshimcha savol va murojaatlar uchun:

Anna Trikoili
Research Assistant & Program Manager

Germaniya
Dunyo eng yaxshi universitetlari qatorida 74-oʻringa ega boʻlgan Myunxen Texnika Universitetida magistratura darajasini bepul oʻqish imkoniyati

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar