Oxfordda magistraturada o'qish uchun grant —Weidenfeld-Hoffmann Scholarships and Leadership Programme dasturi

The Weidenfeld-Hoffmann Scholarships and Leadership Programme dasturi magistratura bosqichini dunyoning yetakchi universiteti hisoblangan Oksford universitetida to'liq moliyalashtirilgan holda o'qishni xohlovchi har tomonlama faol va yetakchi talabalar uchun tashkil etilgan. 

Dastur davomida talabalar ushbu nufuzli universitetda bepul o'qish bilan birga, yashash xarajatlari uchun qo'shimcha mablag' bilan ham ta'minlanadilar.

Dasturda qatnashish uchun nomzodlar quyidagi talablarga javob berishi lozim:

• Nomzodlar Oxford universitetiga magistraturada oʻqish uchun endi hujjat topshirayotgan boʻlishi kerak;
• Berilgan davlatlardan birining fuqarosi boʻlishi lozim (Oʻzbekiston roʻyxatda bor);
• Ingliz tilini mukammal bilishi lozim. Til talablari bilan bu yerda batafsil tanishish mumkin (Aksariyat kurslar IELTS 7.0 yoki 7,5 talab qiladi);
• Dastur yakunlangach oʻz vataniga qaytishi shart;
• Magistraturada ushbu kurslarda oʻqishni rejalashtirgan boʻlishi va ushbu kursda o'qish uchun qabul talablariga javob berishi kerak;
• Tanlagan kursini kelajakdagi karyerasi bilan bogʻliqligini koʻrsatib bera olishi lozim;
• Avvalgi yillarda universitetga qabul qilingan talabalar ushbu dasturda qatnasha olmaydi.

Dastur talablari haqida batafsil ushbu havola orqali bilib olish mumkin.

Dasturga qabul qilingan nomzodlar quyidagi imtiyozlarga ega boʻladilar:

• Oʻqish kontrakt toʻlovi 100% qoplab beriladi;
• Yashash xarajatlari uchun kamida £20,780 miqdorda moliyaviy yordam beriladi.

Ushbu dasturga qatnashish uchun nomzodlar quyidagi ishlarni amalga oshirishlari lozim:

• Avval universitetning magistratura kurslaridan biriga ariza topshirishlari kerak;
• Shundan soʻng universitetning Oksford universiteti stipendiyalari boʻlimidan Weidenfeld-Hoffmann Scholarships and Leadership Programme dasturini tanlashlari lozim;
• Ariza topshirish davomida ushbu hujjatni ham toʻldirib taqdim etishlari shart.

Saralangan nomzodlar 2026-yil aprel oyida onlayn intervyu topshiradilar.

Ariza topshirish bo'yicha qadamba-qadam yo'riqnomani ushbu havola ham o'qish mumkin.

Dasturga qabul qilingan nomzodlarga 2026-yil may oyi oxirigacha xabar beriladi. Agar ungacha xabar bormagan boʻlsa, nomzod dasturga qabul qilinmagan hisoblanadi.

Eng koʻp berilgan savollar va uning javoblari haqida ushbu havola orqali maʼlumot olish mumkin.

Qoʻshimcha savol va murojaatlar ushbu havola orqali qabul qilinadi.