Dunyoning Top 100 universitetlaridan biri Utrecht universitetida magistratura bosqichida bepul oʻqish imkoni - Utrecht Excellence Scholarship dasturi

The Utrecht Excellence Scholarship (UES) Niderlandiyaning nufuzli Utrext universitetida magistrlik darajasini olishga intilayotgan Yevropa iqtisodiy hududi (Yevropa Ittifoqi mamlakatlari, Islandiya, Lixtenshteyn va Norvegiya) dan tashqari boshqa davlatlarning iqtidorli talabalari uchun moʻljallangan dasturdir.

Ushbu dasturda har tomonlama faol va yuqori akademik koʻrsatkichga ega boʻlgan talabalar ishtirok etishlari mumkin.

Dasturga qabul qilingan talabalar Utrext universitetining magistratura bosqichida bepul taʼlim olish va boshqa imtiyozlarga ega boʻladi.

Dastur haqida batafsil ushbu havola orqali maʼlumot olish mumkin.

Dasturda ishtirok etish uchun quyidagi talablarga javob berishi lozim:

• Nomzod oʻz universitetining eng aʼlochi 10% talabalar qatorida boʻlishi lozim;
• Oʻrta taʼlim muassasasi yoki bakalavr bosqichini Niderlandiyadan tashqarida oʻqigan boʻlishi darkor;
• Ushbu universitetning xalqaro talabalar uchun 2025-yil 1-sentyabrdan boshlanuvchi magistratura bosqichiga hujjat topshirgan boʻlishi va talablariga javob berishi kerak. Hujjat topshirish mumkin boʻlgan kurslar haqida ushbu havola orqali bilib olish mumkin.

Dastur talablari haqida batafsil ushbu havola orqali maʼlumot olish mumkin.

Dasturga qabul qilingan talabalar quyidagi imtiyozlarga ega boʻladi:

• Oʻqish kontrakt toʻlovi toʻliq moliyalashtiriladi;
• Niderlandiyada Immigratsiya va fuqarolikni rasmiylashtirish xizmati tomonidan bir yil davomida oʻqish va yashash uchun ruxsatnoma bilan bogʻliq xarajatlar qoplanadi.

Eslatma! Agar magistrlik kurslari 2 yil davom etsa, ushbu grant yana bir yilga uzaytirilishi mumkin.

Dasturda ishtirok etish uchun nomzodlar avval Utrext universitetining berilgan magistratura kurslariga ariza topshirishi lozim. Magistraturaga ariza topshirish haqida batafsil ushbu havola orqali maʼlumot olish mumkin.

Shundan soʻng Osiris Online Application tizimidagi shaxsiy profilda mavjud UES (Utrecht Excellence Scholarship)ga ariza topshirish mumkin.  Bunda view/edit tugmasi bosiladi va eng aʼlochi 10% talabalar qatorida ekanligini tasdiqlovchi hujjat taqdim etiladi. Shundan soʻng boshqa savollarga javob berib, ariza topshirish yakunlanadi.

Eslatma: Grant dasturiga 1-noyabrdan boshlab hujjat topshirish mumkin.

Nomzodlar quyidagi mezonlar asosida saralanadilar:

• Magistratura bosqichi uchun topshirilgan hujjatlardagi tanlangan taʼlim sohasida akademik sifat va faollik;
• Bitiruvchi guruhning eng aʼlochi 10 foiziga mansubligingiz isboti bilan tasdiqlangan hujjat (reytingi sertifikati, oʻzlashtirish baholari GPA, universitetingiz tomonidan imzolangan va muhrlangan bayonnoma);
• Magistratura dasturi uchun motivatsiya xatining sifati va dolzarbligi (akademik mazmun, madaniyatlararo va muloqot qobiliyatlari, shaxsiy motivatsiya);
• Magistrlik dasturiga topshirilgan arizaning sifati (toʻliqlik, aniqlik, izchillik).

Universitet haqida batafsil ushbu havola orqali maʼlumot olish mumkin.

Qoʻshimcha savollar ushbu havola orqali berilishi mumkin.