Earth.org tomonidan barcha uchun moʻljallangan tabiatni muhofaza qilish boʻyicha umumiy sovrini 1000 dollarlik fotolar tanlovi

Xitoyning GongKong shahrida joylashgan Earth.org tashkilotining “EO Global Wildlife & Natural World Photography Competition 2024” tanloviga rasmlar qabuli boshlandi. Bu har yili boʻlib oʻtadigan tanlov boʻlib, oʻz uyimiz, yaʼni yer sayyoramizni muhofaza qilishga qaratilgan. Tashkilotchilar rasmlarda insonlarni ruhlantiradigan va tabiatni himoya qilishga ilhomlantiradigan kuch borligiga ishonishadi, shu sababli ushbu tanlov eʼlon qilingan. Zero, bir rasm ming ogʻiz gapdan taʼsirliroqdir.

Dasturga rasmlar qabul qilish 2024-yilning 26-apreliga qadar davom etadi. Natijalar esa shu 2024-yilning 23-iyunigacha dastur rasmiy sahifasi hamda e-mail orqali eʼlon qilinadi. Tanlovda 3 ta kategoriya mavjud va har bir kategoriya uchun 1 tadan 3 tagacha rasm joʻnatiladi, jami rasmlar soni esa 9 tadan oshmasligi zarur.

Tanlov soʻnggida 1 ta asosiy gʻolib, 4 ta kategoriyalar boʻyicha gʻolib va 20 ta qoʻshimcha eng yaxshi rasm sohiblari saralab olinadi. Tanlovning umumiy sovrin miqdori $1000 boʻlib, asosiy gʻolibga $500 va 3 kategoriya boʻyicha saralab olingan sovrindorlarning har biriga esa $250 dollardan mukofot puli beriladi.

Dastur haqida ushbu havola orqali maʼlumot olish mumkin.

Dastur ishtirokchilari quyidagi talablarga javob berishi kerak:

• Dasturda sarguzashtsevar sayohatchilar, professional fotograflar, tabiatni muhofaza qilishga qiziquvchilar, umuman olganda tabiatni asrashga intiluvchi barcha ishtirok etishi mumkin;
• Tanlovga yuqori sifatli rasmlarni joʻnatish talab qilinadi;
• Rasmlar tabiatni muhofaza qilishga oʻz hissasini qoʻshadigan darajada boʻlishi kerak yaʼni ular tabiatga zarar keltirayotgan omillar, yovvoyi hayvonlarga zarar yetkazilayotgan jarayonlar va shu kabi holatlarni aks ettirishi lozim.
• Tanlovda 3 ta kategoriya mavjud boʻlib, nomzod har bir kategoriya boʻyicha 3 tagacha rasm yuklashi mumkin; dasturga jami 9 tadan oshmagan rasm joʻnatish kerak;
• Rasmlar JPG yoki PNG formatida boʻlishi shart va har biri 25 mbdan oshmasligi zarur. Har bir rasm nomida uning qaysi kategoriya boʻyicha joʻnatilganligi yozilishi kerak yaʼni quyidagicha: kategoriya_ism (“Category_Name). Masalan, best_overall_image_1 yoki wildllife_in_peril_image_1. Aytilgan tarzda joʻnatilmagan rasmlar koʻrib chiqilmaydi;
• Rasmlarga kichik oʻzgartirish kiritish mumkin, lekin qoʻshimcha effektlarni berish mumkin emas;
• Barcha rasmlar ishtirokchining shaxsiy rasmlari va oʻgʻirlanmagan boʻlishi lozim;
• Rasmlarni 2024-yilning 26-apreliga qadar yuklash zarur;
• Gʻoliblar rasmlarining Earth.org tomonidan foydalanilishiga rozi boʻlishlari kerak.

Eslatma! Uy hayvonlari va shunchaki hayvonlarning rasmlarini, chizilgan yoki sahnalashtirilgan rasmlarni va chiroyli tabiat manzaralarini joʻnatish mumkin emas. Rasmlar tanlovdagi uch kategoriyadan biriga toʻgʻri kelishi lozim. Namunani ushbu havola orqali koʻrish mumkin.

Tanlov talablari haqida ushbu havola orqali batafsil maʼlumot olish mumkin.

Dasturning quyidagi foydali jihatlari mavjud:

• Barcha kategoriyalar boʻyicha saralab olingan umumiy gʻolibga $500 miqdordagi mukofot beriladi;
• Kategoriya boʻyicha yaʼni 2023-yilda “Xavf ostidagi yovvoyi hayot”, 2023-yilda ”Insoniyatning tabiatga taʼsiri”, 2023-yilda “ Iqlim harakatlari” 4 ta gʻolibga 250 dollardan pul mukofoti beriladi;
• Asosiy gʻoliblardan tashqari yana 20 ta eng yaxshi rasm mualliflari rasmiy Earth.Org fotograflari jamoasiga qabul qilinadi va ularning ham rasmlari Earth.org saytida hamda ijtimoiy tarmoqlarida rasm muallifi koʻrsatilgan holda yoki akkaunti belgilangan holda chop etiladi. Bu esa ularga ijtimoiy tarmoqlarda ham oʻz auditoriyalarini kengaytirishga imkon beradi;
• Barcha sovrindorlar bilan intervyu oʻtkaziladi va ularga oʻzlarining ishlarini Earth.org saytidagi maqolalarda va rasmiy sahifada namoyon qilish imkoni boʻladi.

Dasturning foydali jihatlari haqida ushbu havola orqali batafsil maʼlumot olish mumkin.

Tanlov uch kategoriyada boʻladi va nomzodlar har bir kategoriyaga 1 tadan 3 tagacha jami boʻlib tanlovga 9 tagacha rasm joʻnatishlari mumkin boʻladi. Tanlovda umumiy bitta gʻolib va kategoriyalar boʻyicha alohida sovrindorlar eʼlon qilinadi. Tanlovga rasmlar 2024-yilning 26-apreliga qadar joʻnatilishi lozim. Tanlov natijalari esa 2024-yilning 23-iyuniga qadar dastur rasmiy sahifasi va e-mail orqali eʼlon qilinadi. Dasturga quyidagi kategoriyalar boʻyicha rasm joʻnatiladi:

-2024-yilda “Xavf ostidagi yovvoyi hayot”- bu kategoriyada iqlim oʻzgarishi va inson faoliyati natijasida kelib chiqqan bioxilma-xillik va bu jarayonda yovvoyi tabiatning holatini tasvirlash kerak. Masalan: azob chekayotgan, tuzoqqa tushgan yoki yoʻqolib ketish xavfi ostida qolgan hayvonlarning rasmlarini joʻnatish mumkin; Ushbu havola orqali bu kategoriyaning oʻtgan yilgi tanlovda gʻolib boʻlgan rasmini koʻrish mumkin.

-2024-yilda ”Insoniyatning tabiatga taʼsiri”- ushbu kategoriyada insonlarning harakatlari natijasida tabiatga yetkazilayotgan zararlarni tasvirlab berish lozim. Masalan, ifloslanish, chiqindilar, neft burgʻilash va boshqa masalalarni yoritish mumkin. Ushbu havola orqali bu kategoriyaning oʻtgan yilgi tanlovda gʻolib boʻlgan rasmini koʻrish mumkin.

-2024-yilda “ Iqlim harakatlari”- Atrof-muhitni asrash boʻyicha harakatlar (yoshlar harakatlari yoki keng tarqalgan harakatlar), amaldagi iqlim boʻyicha yechimlar yoki oʻzgarishlar (qayta tiklanadigan energiya, barqaror faoliyat, sohillarni tozalash va boshqalar) aks ettirilgan fotosuratlar. Ushbu havola orqali bu kategoriyaning oʻtgan yilgi tanlovda gʻolib boʻlgan rasmini koʻrish mumkin.

Dasturga roʻyxatdan oʻtish va roʻyxatdan oʻtish jarayoni haqida ushbu havola orqali maʼlumot olish mumkin.

Tanlovga rasm joʻnatish uchun qoʻshimcha misollar koʻrish va maʼlumot olish uchun quyidagi ijtimoiy tarmoqlardan foydalanish mumkin:

-Facebook;

-Instagram;

-Linkedin;

-Twitter;

-Youtube;

-Google News.

Maʼlumot uchun:

Tel: +852 2110 4370;

Email: contact[at]earth.org

Manzil: The Hive on Seven7F Cheung Hing Industrial Building, Kennedy Town, Hong Kong.

Dasturning avvalgi sovrindorlari bilan ushbu havola orqali tanishish mumkin.