EducationUSA tomonidan 15-17 yoshdagi maktab oʻquvchilari uchun AQSh universitetlariga hujjat topshirishda yordam beruvchi bepul onlayn kurs

EducationUSA tashkiloti maktab oʻquvchilari uchun AQSh universiteti va kollejlariga hujjat topshirishda yordam beruvchi maxsus bepul onlayn tayyorlov kursini eʼlon qildi.

Dasturda AQShda oʻqishni niyat qilgan 15-17 yoshdagi maktab va kollej/litsey oʻquvchilari ishtirok etishi mumkin. Dastur toʻliq onlayn tarzda ingliz tilida olib boriladi. 

Kurs davomiyligi: 2022-yil oktyabrdan 2023-yil maygacha, haftada 4-5 soat davom etadi.

• Dasturda 15-17 yoshdagi maktab oʻquvchilari ishtirok etishi mumkin;
• Nomzod Oʻzbekiston fuqarosi boʻlishi va ingliz tilini kamida B2 darajada bilishi shart. IELTS 5,5 talab etiladi;
• AQSh universitetlari va kollejlariga hujjat topshirishni reja qilgan boʻlishi kerak;
• Yuqori akademik koʻrsatkichga ega boʻlishi lozim;
• Onlayn darslarda faol ishtirok etishi kerak.

Dastur talablari bilan batafsil ushbu havola orqali tanishish mumkin.

• Dasturda ishtirok etish mutlaqo bepul. 

Dastur davomida quyidagi yoʻnalishlarda bilim va koʻnikmalar beriladi:

• AQSH universitet va kollejlariga ariza topshirish jarayoni;
• Oʻqishni moliyalashtirish usullari;
• TOEFL va SAT imtihonlarini topshirish;
• Akademik ingliz tilida yozish;
• Karyerani va ijtimoiy koʻnikmalarni rivojlantirish.

Dastur imkoniyatlari bilan batafsil ushbu havola orqali tanishish mumkin.

Dasturda ishtirok etish uchun ushbu onlayn ariza shaklini toʻldirish kerak. Ariza topshirish davomida ushbu savolga 500 so'zdan iborat motvatsion xat yozish talab etiladi:

• “Why do you want to participate in EducationUSA Virtual College Prep Club and what do you hope to gain from the experience?”

Qoʻshimcha savol va murojaatlar uchun: Tashkent@educationusa.org