Ekologik gʻoya va ijodiy qarashlarga ega yoshlar uchun 5 kunlik bepul “Yashil Kelajak” Eko oromgohi

01/09/2025 Qabul boshlanishi
Grant Moliyalash turi
Oʻzbekiston Davlat
05.09.2025 Oxirgi muddat

Muhim tafsilotlar

Kimlar uchun

Maktab o'quvchilari (9-sinfgacha), Maktab o'quvchilari (yuqori sinflar), O'rta ma'lumotli (maktab/kollej bitiruvchisi), Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
Dastur tili

O'zbek tili
Yosh chegarasi

Chegaralanmagan

Doʻstlar bilan ulashing

Umumiy maʻlumotlar

Joriy yilning 10-14-sentyabr kunlari Yoshlar ishlari agentligi tomonidan Toʻdakoʻl hududida “Yashil Kelajak” Eco-Camp oromgohi tashkil etiladi. Mazkur oromgohda yoshlarning ekologik muammolarga oid takliflari, startaplar hamda ijtimoiy loyihalarini ilgari surish va ularni qoʻllab-quvvatlash uchun keng imkoniyat yaratiladi. Ishtirokchilar oromgohda bepul ishtirok etadi va tashkilotchilar tomonidan oromgohda kerakli vositalar bepul taʼminlanadi. Dastur doirasida respublika va xalqaro miqyosidagi trenerlar tomonidan seminarlar oʻtkaziladi.

Dasturda ekologik yoʻnalishdagi gʻoya yoki kreativ qarashlarga ega boʻlgan barcha toifadagi yoshlar 3 kishidan oshmagan jamoa shaklida qatnashishi mumkin. Dasturga arizalarni qabul qilish jarayoni 2025-yil 5-sentyabrga qadar davom etadi.

Dastur haqida ushbu havola orqali toʻliq maʼlumot olish mumkin.

Maqbullik shartlari

Dasturga ekologik yoʻnalishdagi gʻoya yoki ijodiy qarashlarga ega boʻlgan barcha toifadagi yoshlar 3 kishidan oshmagan jamoa shaklida qatnashishlari mumkin;
Dastur Buxoro shahrida boʻlib oʻtgani sababli, saralab olingan ishtirokchilar 2025-yil 10-sentyabr sanasida Buxoro shahriga yetib kelishlari kerak boʻladi.

Eslatma! Dastur maʼmuriyati tomonidan aniq yosh chegarasi belgilanmagan.

Foydali tomonlari

Eko-startap yoki ijtimoiy loyihasi yaxshi deb topilgan ishtirokchilar oromgohda bepul ishtirok etadi va tashkilotchilar tomonidan quyidagilar moliyalashtiriladi:

oromgohda ovqatlanish;
yashash xarajatlari;
futbolka;
kepka;
bloknot;
ruchka va boshqa zaruriy vositalar;
maxsus sovgʻalar;
respublika va xalqaro miqyosidagi trenerlar tomonidan seminarlar.

Muhim eslatma: “Green Future” Eko-camp ishtirokchilari 2025-yil 10-sentyabr kuni Buxoro shahridagi Yoshlar markazidan Toʻdakol maydoniga tashkilotchilar tomonidan olib chiqiladi. Biroq ishtirokchilarning oʻz yashash manzilidan Buxoro shahrigacha boʻlgan transport xarajatlari qoplab berilmaydi.

Hujjat topshirish

Dasturda qatnashish uchun roʻyxatdan oʻtish va oʻz gʻoyalarini yuborish soʻraladi. Ushbu havola orqali ariza shaklini toʻldirish mumkin. Arizalar 2025-yil 5-sentyabrga qadar qabul qilinadi.

Rasmiy havola Hujjat topshirish