15-30 yosh oraligʻidagi barcha yoshlar uchun dengiz muhofazasini rivojlantirish boʻyicha tanlov — 2024 Youth Innovation Challenge. Gʻoliblar Tayvanga bepul sayohat qiladi!

Ekologik taʼlim boʻyicha global hamkorlik (GEEP) dasturi Tayvan Okeanni Muhofaza Qilish Boshqarmasi (OCA) bilan hamkorlikda dengiz ekotizimiga taʼsir koʻrsatadigan, dolzarb ekologik muammolarni hal qilishga qaratilgan innovatsion yechimlarni taklif qiladigan 15 yoshdan 30 yoshgacha boʻlgan barcha yoshlar uchun 2024 Youth Innovation Challenge tanlovini taqdim etadi. Barcha takliflar ekologik taʼlim sohasida ishlaydigan ekspertlar guruhi tomonidan 2024-yil iyul-avgust oylarida koʻrib chiqiladi va baholanadi.

Saralash 2 bosqichdan iborat:

• 1-bosqichda jami 15 nafar finalchi tanlab olinadi;
• 2-bosqichda umumiy 3 nafar gʻolib eʼlon qilinadi.

Maʼlumot uchun: Ekologik taʼlim boʻyicha global hamkorlik (GEEP) dasturi barcha uchun adolatli muhit yaratishga intiladi hamda irqi, jinsi, dini, etnik kelib chiqishi va yosh jihatidan bir-biridan farq qiladigan barchani qoʻllab-quvvatlaydi. Ushbu dastur AQSh atrof-muhitni muhofaza qilish agentligi, Tayvan atrof-muhitni muhofaza qilish boshqarmasi va Shimoliy Amerika ekologik taʼlim assotsiatsiyasi oʻrtasidagi hamkorlik dasturidir.

Tanlov haqida batafsil ushbu havola orqali maʼlumot olish mumkin.

• Butun dunyo boʻylab 15 yoshdan 30 yoshgacha boʻlgan barcha yoshlar ishtirok etishi mumkin;
• Nomzodlar dengiz resurslarini himoya qilish va tegishli muammolarni mahalliy, milliy yoki mintaqaviy darajada hal qilish boʻyicha oʻzlarining innovatsion yechimlari bilan qatnashishi mumkin;
• Har bir nomzod yoki jamoadan faqat bitta taklif qabul qilinadi;
• Ingliz tilini bilish lozim (sertifikat soʻralmaydi);
• Innovatsion yechimning barcha tafsilotlarini qamrab olgan video (3 daqiqadan ortiq boʻlmasligi kerak), audio, qisqa metrajli filmdan tortib badiiy asar, hikoya, sheʼr va boshqa har qanday formatdagi ijod namunasi tayyorlanishi lozim:
  • Fayl ingliz tilida boʻlishi va hajmi maksimal 800 MBdan oshmasligi lozim;
  • Gʻoliblar yaratgan ijod namunalari keng ommaga namoyish qilinadi. Shuning uchun u barcha uchun tushunarli boʻlishi kerak.

Taklif etilayotgan yechimlar quyidagi ustuvor yoʻnalishlardan biriga yoki bir nechtasiga mos kelishi lozim:

• Marine biodiversity and conservation: dengizning biologik xilma-xil muhitni boshqarish, himoya qilish va uning ekologik, madaniy, iqtisodiy yoki boshqa qadriyatlarini tiklashga qaratilgan innovatsiyalar yaratish lozim.
• Marine debris: dengizga tashlangan chiqindilarning dengizga taʼsirini kamaytirish va ularni monitoring qilish, tozalash va qayta ishlash uchun yangi yechimlar taqdim etish kerak;
• Public-private collaboration: dengiz hayоtini himoya qilish uchun xususiy sektor, hukumatlar va jamoatchilik oʻrtasida hamkorlik qilishga оid takliflar ishlab chiqish.

Yechimlar quyidagi mezonlar orqali saralanadi:

• Belgilangan ustuvor yoʻnalishlardan biri yoki bir nechtasiga mos kelishi;
• Ekologik bilimlarning murakkab muammolarni hal qilishdagi rolini koʻrsatishi;
• Barqaror kelajak uchun uzoq muddatli oʻzgarishlarni yaratishga yordam berishi;
• Taʼlim, fan, aloqa, siyosat va boshqa sohalarni oʻz ichiga olgan bir qator yondashuvlarni birlashtirishi lozim.

Takliflar quyidagi xususiyatlarni oʻzida jamlagan boʻlishi kerak:

• Gʻoyaning innovatsionligi;
• Ekologik bilimlarni oshirishi;
• Jamiyatga yoʻnaltirilgan boʻlishi;
• Barchani birgalikda ishlash uchun birlashtirishi;
• Amalga oshiriladigan aniq harakatlarga yoʻnaltirilganligi;
• Yaratilgan yechimlar ishonchli tadqiqot manbasiga ega boʻlishi (manbalarning ishonchli yoki ishonchli emasligini qanday aniqlash mumkinligi haqida ushbu havola orqali maʼlumot olish mumkin);
• Amalda qoʻllashning imkoniyati boʻlishi lozim.

Eslatma: Natijalar nomzodning ingliz tilini bilish darajasiga qarab baholanmaydi. Lekin nomzod oʻz yechimining kuchi tomonlari, asosiy gʻoyalari va oʻzining shaxsiy qarashlarini hakamlarga ingliz tilida toʻliq yetkazib berishi lozim.

Maqbullik shartlari bilan batafsil ushbu havola orqali maʼlumot olish mumkin.

• Mutlaq gʻoliblarga (3 nafar) 1,000 AQSh dollari miqdorida pul mukofoti beriladi va Tayvanda boʻlib oʻtadigan taqdirlash marosimiga taklif qilinadi (bunda barcha sayohat xarajatlari qoplanadi);
• 15 nafar finalchilarga sertifikat taqdim etiladi va jahon rasmiy ijtimoiy tarmoqlarida eʼlon qilinadi;
• Gʻolib boʻlgan innovatsion yechimlar jahon miqyosida tan olinadi hamda hamkorlik tashkilotlarining rasmiy ijtimoiy tarmoqlarida eʼlon qilinadi;
• Fikr almashish, mavzuni yangi nuqtai nazardan oʻrganish va oʻz tarmoqlarini kengaytirish imkonini beruvchi onlayn uchrashuvlarda qatnashish mumkin;

• Tanlovda ishtirok etish istagida boʻlganlar ushbu havola orqali ariza topshirishlari mumkin;
• Barcha hujjat va takliflar ingliz tilida boʻlishi lozim.

Ariza topshirishda quyidagilar soʻraladi:

• Taklif etilayotgan yechimning nomi (maksimal 30 ta soʻz);
• Belgilangan yoʻnalishlardan qaysi biriga mosligi kiritiladi:
  • Marine biodiversity and conservation;
  • Marine debris.
• Innovatsion yechimning barcha tafsilotlarini qamrab olgan ijod namunasi (maksimal 800 MB);
• Taqdim etilayotgan yechimning tafsilotlari haqida (maksimal 500 ta soʻz):
  • Gʻoyaning maqsadi;
  • Loyihani amalga oshirish usullari;
  • Uni amalga oshirishda kimlar ishtirok etishi batafsil yoritilishi kerak.
• Gʻoyani amalga oshirish imkoniyatlari haqida (maksimal 300 ta soʻz);
• Ishlab chiqilgan yechimlarning ishonchli tadqiqot manbasi haqida (maksimal 300 ta soʻz);
• Loyihani muvaffaqiyatli amalga oshirish uchun talab etiladigan resurslar haqida (maksimal 150 ta soʻz).

• 2024-yilning 22-mayida tanlov tashkilotchilari tomonidan mazkur tanlovga qatnashish va kuchli taklif ishlab chiqish yoʻl-yoʻriqlari haqida vebinar oʻtkaziladi. Vebinarga ushbu havola orqali roʻyxatdan oʻtish mumkin.
• Yaxshi innovatsion yechimlar yaratishga gʻoya olish uchun quyidagilarni oʻrganib chiqish mumkin:
  • About EE and Why It Matters;
  • Guidelines for Excellence: Community Engagement.
• Gʻoliblar 2024-yil sentyabr oyida eʼlon qilinadi;
• Mukofotlar 2024-yil sentyabr oyida topshiriladi;
• Qanday qilib kuchli innovatsion taklif yuborishni oʻrganish uchun ushbu videoni tomosha qilish mumkin;
• Takroran soʻraladigan savollarga javob bu yerda;
• Email: GEEP@naaee.org;
• Oxirgi muddat: 13-iyun, 2024-yil (08:59).