-
20/09/2022 Qabul boshlanishi
-
Toʻliq Moliyalash turi
-
Oʻzbekiston Davlat
-
20.10.2022 Oxirgi muddat
Umumiy maʻlumotlar
"El-yurt umidi” jamgʻarmasi 2022-yil 20-sentabrdan boshlab xorijiy davlatlarda bakalavriat, magistratura va doktorantura dasturlari asosida taʼlim olish uchun 226 oʻringa moʻljallangan 3-ochiq stipendiya tanlovlarini eʼlon qiladi.
Tanlov kvotasiga koʻra iqtidorli qizlarimizni xorijiy oliy taʼlim muassasalarida bakalavriat dasturi boʻyicha 27 oʻrin, magistratura dasturi boʻyicha 10 oʻrin, jami 37 ta qoʻshimcha oʻrinlar ajratilmoqda.
“El-yurt umidi” jamgʻarmasi tanlovida nomzodlar Oʻzbekiston Respublikasi uchun eng ustuvor sohalar, jumladan:
- kosmik texnologiyalar, nanotexnologiyalar, IT va raqamlashtirish, sunʼiy intellekt sohalari;
- atom va quyosh energetikasi hamda energiyaning tiklanadigan manbalaridan foydalanishning boshqa innovatsion yoʻnalishlari;
- sogʻliqni saqlash, farmatsevtika, telemeditsina, virusologiya, mikrobiologiya, immunologiya sohalari;
- elektroenergetika, neft-gaz, neft-kimyo, kimyo, metallurgiya sohasining ustuvor tarmoqlari;
- mashinasozlik, avtomobil, elektrotexnika, toʻqimachilik va mahsulotlarni standartlashtirish, tabiiy resurslardan oqilona foydalanish, suv tejovchi texnologiyalarni keng joriy etish kabi muhim mutaxassisliklar boʻyicha ishtirok etadilar.
Stipendiya AQSH, Buyuk Britaniya, Germaniya, Fransiya, Kanada, Yaponiya, Ispaniya, Janubiy Koreya va boshqa rivojlangan mamlakatlarning nufuzli taʼlim va tadqiqot, innovatsiya va amaliyot maskanlarida to‘liq grant asosida taʼlim olish imkoniyatini beradi.
Maqbullik shartlari
- Xorijda bakalavriat, magistratura va doktorantura dasturlari boʻyicha taʼlim olishni istaydigan Oʻzbekiston Respublikasi fuqarolari ariza topshirishlari mumkin;
- Bakalavr dasturlari boʻyicha: 25 yoshgacha boʻlgan, oldin oʻxshash mutaxassislik boʻyicha xorijda bakalavr dasturlarida tahsil olmagan;
- Magistratura dasturlari boʻyicha: 20-45 yosh oraligʻida boʻlgan, oldin oʻxshash mutaxassislik boʻyicha xorijda magistratura dasturlarida tahsil olmagan. Tanlagan mutaxassisligi boʻyicha kamida ikki yil mehnat tajribasiga ega boʻlganlar (oliy taʼlim muassasasi tavsiya etadigan nomzodlar bundan mustasno);
- Doktorantura dasturlari boʻyicha: 22-45 yosh oraligʻida boʻlgan, oldin xorijda PhD yoki fan doktori ilmiy darajasiga ega boʻlmaganlar. Tanlagan mutaxassisligi boʻyicha kamida ikki yil mehnat tajribasiga ega boʻlganlar (oliy taʼlim muassasasi tavsiya etadigan nomzodlar bundan mustasno).
Dasturga qabul talablari va boshqa ko'plab savollarga javobni bu yerda batafsil o'qish mumkin.
Foydali tomonlari
- Bakalavr, magistratura yoki doktoranturada oʻqish puli toʻliq qoplanadi;
- Shuningdek, vizalar olish, stipendiatlarning barcha turdagi transport vositalari bilan taʼlim olish joyigacha boʻlgan yoʻlkira xarajatlari (ikkala tomonga, koʻpi bilan yiliga bir marta);
- Taʼlim olish davrida yashash, ovqatlanish, tibbiy sugʻurta va transport xarajatlari;
- Zarur oʻquv va ilmiy adabiyotlarni xarid qilish, shu jumladan darsliklar sotib olish, stipendiat taʼlim olayotgan xorijiy taʼlim, ilmiy yoki boshqa muassasa talablariga binoan ilmiy maqolalar chop ettirish, ilmiy maqolalarni koʻchirib (elektron tarzda yuklab) olish, maqolalar hamda ilmiy adabiyotlarning elektron bazasiga obuna boʻlish;
- Jamgʻarma Vasiylik kengashi qaroriga koʻra stipendiatlarning xorijda taʼlim olishi bilan bevosita bogʻliq boshqa xarajatlari;
- Har bir taʼlim dasturi boʻyicha bitta stipendiatga ajratiladigan xarajatlarning cheklangan miqdori Jamgʻarmaning Vasiylik kengashi tomonidan belgilanadi.
Qoʻshimcha maʻlumotlar
“El-yurt Umidi” jamgʻarmasiga murojaat qilish uchun:
- Telefon raqamlari:
- +998 71 203 14 41
- +998 71 203 00 47
- Veb-sayt: www.eyuf.uz
- Email: info@eyuf.uz
- Telegram bot: @Eyuf_admission_bot
- Manzil: Toshkent shahri Amir Temur koʻchasi 13 uy