“El-yurt umidi” jamgʻarmasi” tomonidan bakalavr, magistratura, doktorantura bosqichlarida top universitetlarda o'qish uchun to'liq moliyalashtiriluvchi 420 oʻrinli grant

“El-yurt umidi” jamgʻarmasi ilgʻor xorijiy davlatlar nufuzli universitetlari va ilmiy markazlarida bakalavriat, magistratura va doktoranturada bosqichida taʼlim olish uchun jami 420 o‘ringa mo‘ljallangan 1-stipendiya tanlovini eʼlon qiladi!

“Yangi Oʻzbekistonning 2022–2026-yillarga moʻljallangan taraqqiyot strategiyasi” loyihasida “El-yurt umidi” jamgʻarmasi orqali erkin va ijodiy fikrlaydigan yoshlarni nufuzli xorijiy oliygohlarga oʻqishga yuborish koʻlamini 2 baravarga oshirilgan va bu yil quyidagi yo‘nalishlar bo‘yicha stipendiyalar ajratilishi nazarda tutilgan:

• kosmik texnologiyalar, nanotexnologiyalar, IT va raqamlashtirish, sunʼiy intellekt sohalari;
• atom va quyosh energetikasi hamda energiyaning tiklanadigan manbalaridan foydalanishning boshqa innovatsion yoʻnalishlari;
• sogʻliqni saqlash, farmatsevtika, telemeditsina, virusologiya, mikrobiologiya, immunologiya sohalari;
• elektroenergetika, neft-gaz, neft-kimyo, kimyo, metallurgiya sohasining ustuvor tarmoqlari;
• mashinasozlik, avtomobil, elektrotexnika, toʻqimachilik va mahsulotlarni standartlashtirish yoʻnalishlari;
• tabiiy resurslardan oqilona foydalanish, suv tejovchi texnologiyalarni keng joriy etish, bogʻdorchilik, chorvachilik, parrandachilik kabi agrar sohaning muhim tarmoqlari.

Har bir bosqichi uchun ajratilgan o‘rinlar soni:

• bakalavriat taʼlim dasturi uchun - 120 ta;
• magistratura taʼlim dasturi uchun - 180 ta;
• doktorantura taʼlim dasturi uchun - 120 ta stipendiyalar ajratilishi nazarda tutilgan.

Eslatma: Barcha taʼlim dasturlari boʻyicha nogironligi boʻlgan shaxslar uchun kamida 20 ta oʻrin ajratilib, bunday yoshlarga alohida eʼtibor qaratiladi.

Nomzodlarning hujjatlari 2022-yil 10-yanvardan – 10-fevralga qadar, respublikaning barcha hududlari vakillari uchun yagona tartib va teng imkoniyat asosida, onlayn rejimda va elektron tarzda qabul qilinadi.

Nomzodlarga qoʻyiladigan umumiy talablar:

• Xorijda bakalavriat, magistratura va doktorantura dasturlari boʻyicha taʼlim olishni istaydigan Oʻzbekiston Respublikasi fuqarolari ariza topshirishlari mumkin;
• Bakalavr dasturlari boʻyicha: 25 yoshgacha boʻlgan, oldin oʻxshash mutaxassislik boʻyicha xorijda bakalavr dasturlarida tahsil olmagan;
• Magistratura dasturlari boʻyicha: 20-45 yosh oraligʻida boʻlgan, oldin oʻxshash mutaxassislik boʻyicha xorijda magistratura dasturlarida tahsil olmagan. Tanlagan mutaxassisligi boʻyicha kamida ikki yil mehnat tajribasiga ega boʻlganlar (oliy taʼlim muassasasi tavsiya etadigan nomzodlar bundan mustasno);
• Doktorantura dasturlari boʻyicha: 22-45 yosh oraligʻida boʻlgan, oldin xorijda PhD yoki fan doktori ilmiy darajasiga ega boʻlmaganlar. Tanlagan mutaxassisligi boʻyicha kamida ikki yil mehnat tajribasiga ega boʻlganlar (oliy taʼlim muassasasi tavsiya etadigan nomzodlar bundan mustasno).

Dasturga qabul talablari va boshqa ko'plab savollarga javobni bu yerda batafsil o'qish mumkin.

• Bakalavr, magistratura yoki doktoranturada oʻqishi qiymati toʻlovi toʻliq qoplanadi;
• Shuningdek, vizalar olish, stipendiatlarning barcha turdagi transport vositalari bilan taʼlim olish joyigacha boʻlgan yoʻlkira xarajatlari (ikkala tomonga, koʻpi bilan yiliga bir marta);
• Taʼlim olish davrida yashash, ovqatlanish, tibbiy sugʻurta va transport xarajatlari;
• Zarur oʻquv va ilmiy adabiyotlarni xarid qilish, shu jumladan darsliklar sotib olish, stipendiat taʼlim olayotgan xorijiy taʼlim, ilmiy yoki boshqa muassasa talablariga binoan ilmiy maqolalar chop ettirish, ilmiy maqolalarni koʻchirib (elektron tarzda yuklab) olish, maqolalar hamda ilmiy adabiyotlarning elektron bazasiga obuna boʻlish;
• Jamgʻarma Vasiylik kengashi qaroriga koʻra stipendiatlarning xorijda taʼlim olishi bilan bevosita bogʻliq boshqa xarajatlari;
• Har bir taʼlim dasturi boʻyicha bitta stipendiatga ajratiladigan xarajatlarning cheklangan miqdori Jamgʻarmaning Vasiylik kengashi tomonidan belgilanadi.

Hujjat topshirish onlayn va quyidagi bosqichda amalga oshiriladi:

Onlayn hujjat topshirish platformasidagi barcha kerakli maʼlumotlar bu yerda;

• Hujjatlar roʻyxati bu yerda;
• Topshirish boʻyicha qoʻllanma bu yerda;
• Video qoʻllanma bu yerda;

Taʼlim sohalari kesimida ajratilgan stipendiya kvotalari haqida batafsil bu yerda;

Barcha nomzodlar uchun birinchi darajali soʻraladigan hujjatlar roʻyxati bu yerda;

• Bakalavr boʻyicha bu yerda;
• Magistratura boʻyicha bu yerda;
• Doktorantura boʻyicha bu yerda.

Hujjatlar 10-yanvardan 1-fevralga qadar qabul qilinadi.

“El-yurt Umidi” jamgʻarmasiga murojaat qilish uchun:

• Telefon raqamlari:
• +998 71 203 14 41
• +998 71 203 00 47
• Veb-sayt: www.eyuf.uz
• Email: info@eyuf.uz
• Telegram bot: @Eyuf_admission_bot
• Manzil: Toshkent shahri Amir Temur koʻchasi 13 uy