Elektron ommaviy axborot vositalari Milliy assotsiatsiyasidan “Doʻstlik” videoroliklar tanlovi
  • 02/07/2021 Qabul boshlanishi
  • Mukofot Moliyalash turi
  • Oʻzbekiston Davlat
  • 20/07/2021 23:59 Oxirgi muddat

Umumiy maʻlumotlar

Oʻzbekiston elektron ommaviy axborot vositalari milliy assotsiatsiyasi (OʻzEOAVMA) Oʻzbekiston Respublikasi Vazirlar Mahkamasi huzuridagi Millatlararo munosabatlar va xorijiy mamlakatlar bilan doʻstlik aloqalari qoʻmitasi va Oʻzbekiston Kinematografiya agentligi qator hamkor tashkilotlar bilan birgalikda “Doʻstlik” videoroliklar tanlovini eʼlon qiladi.
30 iyul – “Xalqlar doʻstligi kuni”ga bagʻishlangan mazkur tanlov Oʻzbekistonda istiqomat qiluvchi turli millat va elatlar oʻrtasidagi totuvlikni mustahkamlash yoʻnalishida amalga oshirilayotgan islohotlar, milliy madaniy markazlar, doʻstlik jamiyatlarining faoliyati, xorijiy mamlakatlar bilan madaniy-gumanitar va doʻstlik aloqalarini rivojlantirish, aholi, ayniqsa, yoshlar orasida turli millatlar tili, madaniyati, anʼanalari, urf-odatlarini asrab-avaylash va hurmat qilish gʻoyalarini aks ettiradi.

Maqbullik shartlari

Tanlov qo‘yidagi nominatsiyalar bo‘yicha o‘tkaziladi:

  • “Eng yaxshi videorolik”;
  • “Havaskor yoshlar tayyorlagan eng yaxshi videorolik”;
  • “3D” o‘lchamdagi eng yaxshi videorolik”.

Tanlovda barcha ishtirok etishi mumkin.

Foydali tomonlari

Har bir nominatsiyalar boʻyicha tanlov gʻoliblari alohida tartibda:

1- oʻrin — 50 million;
2- oʻrin — 30 million;
3- oʻrin — 15 million.

Shuningdek, 10 ta ragʻbatlantiruvchi oʻrin — 5 million soʻmdan mukofotlanadi.

“Doʻstlik” videoroliklar tanlovi gʻoliblari 2021 yil 28 iyul kuni — “Xalqlar doʻstligi kuni” munosabati bilan oʻtkaziladigan bayram tadbirlarida taqdirlanadilar.

Hujjat topshirish

Videoroliklar 2021 yilning 20-iyuliga qadar Oʻzbekiston elektron ommaviy axborot vositalarining milliy assotsiatsiyasiga telegram orqali +998 94 652 66 95 raqamga yoki https://t.me/yuldosheva0 havola orqali yuborilishi lozim.

Qoʻshimcha maʻlumotlar

Manzil: Toshkent shahri, Chilonzor tumani, Chilonzor koʻchasi, 1a uy (Oʻzbekiston Kinematografiya agentligi binosi).

Murojaat uchun telefonlar: + 998 94 652 66 95; + 998 94 642 22 12;

Telegram raqam: (94) 652-66-95, elektron manzili ozeoavma@gmail.com.

Oʻzbekiston
Elektron ommaviy axborot vositalari Milliy assotsiatsiyasidan “Doʻstlik” videoroliklar tanlovi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar