EPAM kompaniyasidan Dastur funksiyasini testlash (Software Functional Testing) bo'yicha onlayn trening

QA muhandisi ishlab chiqilgan mahsulot sifatini ta'minlaydigan mutaxassisdir. Sinovchilar dasturiy ta'minotni ishlab chiqish guruhi bilan yaqindan hamkorlik qilib, mahsulotni foydalanuvchilarga chiqarishdan oldin uning to'g'ri ishlashini tasdiqlashadi. EPAM kompaniyasi ana shunday mutaxassislarni tayyoralsh uchun trening tashkil etmoqda.

Trening shakli: onlayn, bepul.

Trening ishchi tili: ingliz tili

Ta'lim jarayoni: Dastur ikki bosqichni o'z ichiga oladi. Birinchisida uch hafta davomida mustaqil o'rganish uchun berilgan materiallar o'zlashtiriladi.
Yakuniy test natijasi va suhbat asosida ikkinchi bosqichga o'tiladi. Uch oy davomida tajribali ustozlar yordami bilan QA ko'nikmalari oshiriladi.

Treningning ikki bosqichini muvaffaqiyatli tugatgan talabalar dasturiy ta'minotni sinovdan o'tkazish laboratoriyasida o'qishni davom ettiradilar. Eng yaxshi bitiruvchilar loyiha amaliyotiga taklif qilinadi va EPAMda ochiq ish o'rinlari uchun ko'rib chiqiladi.

• Treningda faqat Qozog'iston, O'zbekiston, Gruziya, Qirg'iziston fuqarolari yoki ushbu mamlakatlarda vaqtincha yashayotgan shaxslar qatnashishi mumkin;
• Ingliz tilini minimum o'rta darajada bilish (B1); sertifikat shart emas;
• Kuchli muloqotga kirishuvchanlik qobiliyati;
• Kompyuterda erkin ishlay olish;
• Dasturlash asoslari, tarmoqlar va ma'lumotlar bazasidan xabardor bo'lish (majburiy emas, ammo ustunlik beradi). 

• Soha bo'yicha chuqur fundamental bilim: talablarni tahlil qilish, test hujjatlarini ishlab chiqish, nuqsonlarni qidirish va hujjatlashtirish, ma'lumotlar bazalari bilan ishlash, mobil va veb-xizmatlarni sinovdan o'tkazish;
• O‘qishni muvaffaqiyatli tamomlagan talabalar Software Testing laboratoriyasida 3-4 oy davomida o‘qishni jonli davom davom ettiradilar. U yerda EPAM kompaniyasi mutaxassislari nazariy bilimlarni mustahkamlash va amaliy tajriba orttirishda yordam berishadi;
• Eng yaxshi bitiruvchilar loyiha amaliyotiga taklif qilinadi va EPAMda ochiq ish o'rinlari uchun ko'rib chiqiladi.

Darslarni qanday boshlash mumkin?
1. Ushbu sahifada ro'yxatdan o'tiladi.
2. Profilda berilgan ingliz tili testidan o'tiladi.
3. Kursni o'qish boshlanadi (faqatgina sinovdan muvaffaqiyatli o'tgach materiallarga havola beriladi).

Agar birinchi urunishdayoq sinovdan o'ta olmasa, bilimlarni chuqurlashtirish uchun quyidagi materiallarni o'rganish tavsiya etiladi:

• Svyatoslav Kulikov " Software Testing. Basic course " 3rd edition
• Online course Computer Science Basics
• About testing and testers without myths and stereotypes

Ingliz tilini o'rganishga yordam beruvchi resurslar:

• Self-Study English Resources
• About common difficulties while studying English
• Improving English with audiobooks

QA muhandisi sifatida kompaniyaning YouTube Stream Shaping Career'ini tomosha qilish tavsiya etiladi, bu yerda QA bo‘yicha yetakchi mutaxassislar sinovlar, kasb haqidagi keng tarqalgan afsonalar va yangi boshlanuvchilar uchun foydali manbalar haqida gapiradilar.

Savollar uchun: SupportRDPortal@epam.com