EPAM kompaniyasidan Python bo'yicha bepul fundamental kurs

Ushbu dastur dasturlash sohasida katta tajribaga ega boʻlgan EPAM jamoasi tomonidan ishlab chiqilgan. Kurs nazariy materiallarni oʻrganish bilan boshlanadi, soʻngra viktorina va amaliy topshiriqlar yordamida olgan bilimlar mustahkamlanadi.

Ushbu Python Core oʻquv kursi Python asoslarini oʻrganishinga va ularni amalda qoʻllashga yordam beradi. Zarur oʻquv materiallardan kunning istalgan vaqtida foydalanish mumkin. Vazifalar ularni tugatish bilan avtomatik ravishda tekshiriladi.

Dastur tili: Ingliz tili

Oʻtkazilish joyi: Masofaviy

Ma’lumot uchun: TIOBE va PYPL reytinglarining 2022-yil iyun oyidagi xulosasiga koʻra, Python dunyodagi eng mashhur dasturlash tili hisoblanadi. Bu Web Development, Data Science, DevOps, GameDev va boshqa koʻplab sohalarda qoʻllaniladigan sodda va ahamiyatli dasturlash tilidir.

Dastur rejasi quyidagi mavzularni oʻz ichiga oladi:

• Python bilan tanishish;
• Rivojlanish muhiti;
• Ma’lumotlar turlari;
• Funksiyalar;
• Modullar va paketlar;
• Python’da OOP.

• Ushbu dasturga Gruziya, Oʻzbekiston, Armaniston, Qozog'iston hamda Qirg'iziston davlati fuqarolari va shu mamlakatlarda yashaydiganlar ariza topshirishlari mumkin.   
• Ma'lumotlar tuzilishi va algoritmlari bilan tanish bo'lish, ingliz tilini kamida A2 darajada bilish, OOP (obyektga yo'naltirilgan dasturlash)dan xabardor bo'lish.

• Dasturda mutlaqo bepul qatnashish;
• Darslarni 24/7 formatda istalgan payt onlayn o'qish va dars bo'yicha muntazam fikr-mulohazalar olib turish;
• EPAM’ning tajribali mentorlaridan dars olish.

Hujjat topshirish:

1. Sayt orqali roʻyxatdan oʻtish.
2. Soʻngra ingliz tilidan berilgan testni yakunlash (natijangiz A2 yoki undan yuqori boʻlishi kerak);
3. Testni tugatgach foydalanuvchiga havola taqdim qilinadi. Shu havola orqali kursni boshlashingiz mumkin.

Eng koʻp soʻralgan savollarga javob bu yerda.

Tanlov boʻyicha savollarni SupportRDPortal@epam.com yuborish mumkin.

• Telegram