EPAM kompaniyasidan SAP Development bo'yicha bepul onlayn kurs

10 yildan ortiq tajribaga ega EPAM o'quv markazi SAP dasturini endi o'rganishni boshlaganlar uchun bepul onlayn kursni taqdim qiladi. Hozirda bu markaz 300 dan ortiq SAP muhandislarini yetkazib berdi va ular EPAM kompaniyasida muvaffaqiyatli faoliyat olib bormoqdalar.

SAP dasturchilarining asosiy vazifasi yangi mahsulotlarni yaratish va mijoz tomonidan talab qilinadigan variantlar bilan mavjud funksionallikni kengaytirishdan iborat. Ular ABAP tilida malakaga ega bo'lishlari va SQL tilidan mustaqil foydalana olishlari lozim. SAP dasturchilari biznes sohasini va uning o'ziga xos imkoniyatlarini tushunishlari, shuningdek, mijozning uchun mahsulotni yetkazib berishning samarali yechimlarini topishlari lozim.

Ma'lumot uchun: SAP — biznes boshqaruvi uchun zamonaviy texnologiyalar yordamida korporativ yechimlar yaratish uchun foydalaniladigan ilovalarni ishlab chiqaruvchi jahonning yetakchi platformalaridan biridir. Forbes ma'lumotlariga ko'ra, SAP korporativ amaliy dasturlarning eng yirik ishlab chiqaruvchisi hisoblanadi. Uning mijozlari orasida Adidas, Google, Coca-Cola, Volkswagen ham bor.

Kurs haqida batafsil ushbu havola orqali ma'lumot olish mumkin.

• Dasturda SAP dasturiga qiziqqan va o'rganishni endi boshlagan yuqori kurs talabalari, aspirantlar, bitiruvchilar, shuningdek, kasbini o'zgartirishga tayyor bo'lgan mutaxassislar qatnashishi mumkin;
• Ingliz tilini A2 (Pre-Intermediate) va undan yuqori darajadan bilish talab qilinadi;
• Ishtirokchillar har hafta mashg'ulotlar uchun 10-20 soat yoki undan ko'proq vaqt ajrata olishlari lozim.

Eslatma: Texnik bilim majburiy emas, lekin boshlang'ich bilimga egalik kursni tezroq o'zlashtirish imkonini beradi.

• Ushbu fundamental kursda mavzuga oid barcha materiallar beriladi;
• Ishtirokchilar mavzularni o'z bilim olish tezligida onlayn o'rganishlari mumkin;
• Har bir nazariy materiallarni o'rgangandan so'ng test va amaliy topshiriqlar yordamida o'z mahoratini tekshirish imkoniyati mavjud;
• Kurs SAP ishlab chiqish vositalari va tegishli texnologiyalari haqida muhim bilimlarni olishga yordam beradi va sohani chuqurroq o'rganish uchun asos yaratadi;
• Kursni tamomlagandan so'ng ishtirokchilar keyingi bosqichlarda o'qishni davom ettirishlari mumkin va SAP dasturiy ta'minoti bo'yicha yosh muhandislardan talab qilinadigan ko'nikmalarini o'rganish imkoniyatiga ega bo'ladilar.

• Nomzodlar 2023-yil 1-iyungacha ushbu havola orqali ro'yxatdan o'tishlari lozim;
• Ro'yxatdan o'tgan ishtirokchilar 3 kun ichida ingliz tilidan test topshirishlari kerak (u har bir ishtirokchining profilida joylangan bo'ladi);
• Nomzodlarning til ko'nikmalari baholangandan so'ng saralangan nomzodlarga ta'lim platformasi kirish uchun havola beriladi. Ushbu havola orqali ular kursdan foydalanishlari mumkin.

Tez-tez beriladigan savollarga javob bu yerda.

Email: SupportRDPortal@epam.com

Tel: +12677599000.