Erasmus loyihalari boʻyicha tadqiqot qilish imkoniyati — National Erasmus Programme

Oʻzbekistondagi Erasmus loyihalari boʻyicha tadqiqot qilish imkoniyati — National Erasmus Programme taqdim etiladi.

Dasturda asosiy maqsad Erasmus boʻyicha taqdim etilgan loyihalarning (2021-2026-yillardagi) Oʻzbekistondagi tarkibiy, institutsional va individual taʼsirini baholash uchun keng qamrovli tadqiqotini oʻtkazish uchun imkoniyat yaratishdan iborat.

Quyidagi dasturlar tahlil qilinadi:

• Capacity Building in Higher Education (CBHE);
• International Credit Mobility (ICM);
• Jean Monnet Actions (JMA);
• Erasmus Mundus Joint Master Degrees (EMJM);
• Erasmus Mundus Design Measures (EMDM).

Tadqiqot davomida nomzodlar quyidagilarni tayyorlashadi:

1. National Impact Study Book (Milliy taʼsir tadqiqoti kitobini) yozish, tahrirlash va dizayn yaratish (ingliz tilida);
2. PowerPoint taqdimotini tayyorlash (ingliz va oʻzbek tilida)
3. Poster (ingliz va oʻzbek tillarida).

Dastur jami 3 oy davomida yaʼni 2026-yil 1-iyuldan 31-sentyabrgacha davom etadi va quyidagi bosqichlarga boʻlinadi:

1-oy: metodologiya ishlab chiqish, tadqiqotlar, intervyular, dala tashriflari;

2-oy: maʼlumot toʻplash, intervyular;

3-oy: tahlil, hisobot yozish, tasdiqlash, yakunlash.

Dastur haqida batafsil ushbu havola orqali maʼlumot olish mumkin.

• Alohida mutaxassis yoki ikki mutaxassisdan iborat jamoa koʻrinishida qatnashish mumkin;
• Oliy taʼlim siyosatini tahlil qilish boʻyicha tajriba (dalillar bilan isbotlanishi kerak);
• Taʼsirni baholash boʻyicha tajriba;
• Katta hajmli maʼlumotlar toʻplamini tahlil qilish qobiliyati;
• Ingliz tilida tahliliy hisobotlar tayyorlash tajribasi;
• Kuchli tahliliy va metodologik koʻnikmalarga ega boʻlish talab etiladi.

Jamoalarga qoʻyilgan talablar:

• Masʼuliyatlarning aniq taqsimoti koʻrsatilishi kerak;
• Bitta mutaxassis jamoa rahbari sifatida belgilanishi lozim.

Nomzodga ustunlik beradigan koʻnikmalar:

• Markaziy Osiyo mintaqasida ishlash tajribasi;
• Statistik dasturiy taʼminot yoki maʼlumotlarni tahlil qilish vositalaridan foydalanish tajribasi;
• Professional nashrlar tayyorlash tajribasiga ega boʻlish.

Tadqiqotda quyidagilar baholanishi kerak:

• Erasmus+ loyihalarining tizimli taʼsiri;
• Institutsional oʻzgarishlar;
• Shaxsiy darajadagi foyda;
• Barqarorlik va koʻpaytiruvchi taʼsirlar;
• Milliy oliy taʼlim islohotlariga hissa;
• Mintaqaviy hamkorlik.

Muhim: Tadqiqotda 2021-2026-yillardagi barcha Oʻzbekistonga taalluqli Erasmus+ loyihalari tahlil qilinishi kerak.

• Tadqiqot olib borish uchun 4,000 yevro beriladi;
• Oʻzbekistonning tanlangan hududiga sayohat tashkillashtirilishi mumkin (sayohat xarajatlari qoplanadi).

Dasturga qiziqqanlar quyidagi elektron pochta manzillarga kerakli hujjatlarni yuborib ariza topshirishlari mumkin:

• coordinator@erasmusplus.uz;
• neo.bonuabdusalomova@gmail.com;
• neo@erasmusplus.uz.

Talab qilinadigan hujjatlar:

• Texnik taklif. U quyidagilarni oʻz ichiga olishi lozim:
  • Topshiriqni tushunish darajasi;
  • Taklif etilayotgan metodologiya;
  • 3 oylik ish rejasi;
  • Jamoa tarkibi va rollar taqsimoti tavsifi (agar mavjud boʻlsa).
• Yangilangan rezyume (CV). Ushbu hujjatda tegishli tajribani aniq koʻrsatish, oldingi oʻxshash topshiriqlarni ajratib koʻrsatish va amalga oshirilgan nashrlar yoki tadqiqotlarini kiritish soʻraladi;
• Tegishli tajriba haqida maʼlumotlar;
• Moliyaviy taklif.

Muhim: Arizaning mavzu qismiga “Application – Erasmus+ National Impact Study 2021–2026” deb yozilishi kerak.

Toʻliq boʻlmagan arizalar koʻrib chiqilmaydi.

• Dasturga hujjat topshirish uchun oxirgi muddat: 30-mart 2026-yil;
• Faqat saralangan nomzodlar bilan bogʻlaniladi.