Erasmus Mundus Joint Master - fizika va shunga yaqin soha vakillari uchun magistratura bosqichini Yevropaning markaziy uch shahrida o‘qish imkonini beruvchi qo‘shma dastur

Erasmus Mundus Joint Master Advanced Methods in Particle Physics dasturi 2025-2026-o‘quv yilida magistratura bosqichini zarralar fizikasi sohasida o‘qish uchun grant e’lon qiladi. Grant yutgan nomzodlar magistratura bosqichini Yevropaning markazida joylashgan uch davlat (Bologna, Dortmund, Clermont-Ferrand)da o‘qish, tajriba oshirish va madaniyatini o‘rganish imkoniga ega bo‘ladi. Dasturga bakalavr bosqichini fizika yoki shunga yaqin sohalarda tamomlagan, yuqori akademik ko‘rsatkichlarga ega nomzodlar ariza topshirishlari mumkin. Dastur doirasida jami 18 talaba (bir millatdan 2 tadan ortiq olinmaydi) saralab olinadi. Saralab olingan nomzodlarning kontrakt to‘lovi dastur ma’muriyati tomonidan to‘liq to‘lab beriladi. 

Dasturga qabul jarayoni 2025-yil 16-martgacha davom etadi. 

Dastur haqida ushbu havola orqali to‘liq ma’lumot olish mumkin. 

Dasturda qatnashish uchun quyidagi talablar mavjud: 

• Dasturga bakalavr bosqichini fizika yoki shunga yaqin sohalarda tamomlagan yoki tamomlash arafasida bo‘lgan nomzodlar ariza topshirishlari mumkin;
• Nomzodlar yuqori akademik ko‘rsatkichlarga ega bo‘lishlari kerak, chunki saralash jarayonida bu 100 dan 60 ballgacha baholanadi;
• Dasturga qabul qilingan nomzodlarga ba’zi moliyaviy talablar qo‘yiladi, nomzod mana shu talablarga javob bera olishi lozim. 

Saralash jarayoni haqida ushbu havola orqali to‘liq ma’lumot olish mumkin. 

Dasturning quyidagi foydali jihatlar mavjud: 

• Dastur universitetda o‘qish uchun kontrakt to‘lovini to‘liq qoplab beradi;
• Zarralar fizikasi sohasida eng zamonaviy bilimlarni o‘rganish imkoniyati paydo bo‘ladi;
• Hozir dolzarb bo‘lgan statistika, sun’iy intellekt, detektor, elektronika va kompyuter fanlarini ham o‘rganish mumkin bo‘ladi;
• Yevropaning markazida joylashgan uch davlat (Bologna, Dortmund, Clermont-Ferrand)da tajriba oshirish, madaniyatini o‘rganish va ta’lim olish imkoni mavjud bo‘ladi. 
• Tadqiqot uchun dunyo bo‘ylab turli laboratoriya va universitetlardan birini tanlash mumkin bo‘ladi;
• Xalqaro qo‘shma magistratura bosqichini o‘qish orqali CVni boyitish imkoniyati paydo bo‘ladi;
• Xalqaro miqyosda turli talabalar bilan muloqot qilish va fikr almashish mumkin bo‘ladi. 

Eslatma! Turar-joy, transport, oziq-ovqat va sug‘urta kabi xarajatlar dastur ma’muriyati tomonidan qoplanmaydi. 

Dasturga qabul jarayoni 2025-yil 2-yanvardan 16-martgacha davom etadi. 

Ariza topshirish uchun quyidagi hujjatlar talab qilinadi: 

• Shaxsiy ma’lumotlar;
• CV;
• Motivatsion xat;
• 2 ta tavsiyanoma;
• Baholar transkripti;
• ID yoki pasport;
• Fuqarolik ma’lumotnomasi. 

Eslatma! Ariza topshirish jarayonida qo‘shimcha hujjat yoki ma’lumotlar ham so‘ralishi mumkin. Bakalavr bosqichining so‘nggi bosqichida tahsil olayotgan nomzodlar ariza topshirish jarayonigacha bo‘lgan baholar transkriptini topshirishlari mumkin. Grant uchun ikkita alohida ariza topshirilishi kerak. Bu haqida ushbu havola orqali to‘liq ma’lumot olish mumkin. 

Saralash jarayonida nomzodlar quyidagicha baholanadi:

• Akademik ko‘rsatkichlar va baholar uchun 60 ball;
• Motivatsion xat va CV uchun 20 ball;
• 2 ta tavsiyanoma uchun 20 ball. 

Saralash qoidalari bilan ushbu havola orqali batafsil ma’lumot olish mumkin. 

Dasturning yakuniy natijalari 2025-yil 1-aprelda e’lon qilinadi. 

Dastur haqida quyidagi ijtimoiy tarmoqlar orqali ham ma’lumot olish mumkin: 

-Facebook;

-You Tube;

-Instagram;

-Twitter;

-LinkedIn.