Estoniyada joylashgan nufuzli universitetlardan biri — University of Tartu tomonidan xalqaro aloqalar sohasi bo'yicha bepul onlayn kurs
-
18/01/2022 Qabul boshlanishi
-
Bepul Moliyalash turi
-
Estoniya Davlat
-
24.02.2022 Oxirgi muddat
Umumiy maʻlumotlar
Estoniyada joylashgan xalqaro aloqalar sohasida yetakchi hisoblangan University of Tartu tomonidan bakalavr va magistratura bosqichi talabalari uchun bepul onlayn kurs.
Kurs mavzusi: “Impact of Changing EU-Russia Relations on the Development of Eastern Partnership” (Yevropa Ittifoqi va Rossiya munosabatlari oʻzgarishining Sharqiy sheriklik rivojlanishida oʻrni).
Ishtirokchilardan talab qilinadigan koʻnikmalar:
- Yevropa Ittifoqi va uning integratsiyasi, terminologiyasi haqida asosiy tushunchalarga ega boʻlish;
- Darslar butunlay onlayn boʻlganligi sababli onlayn oʻquv platformalarida (Zoom, Moodle) mustaqil ishlay olishlari soʻraladi;
- Shuningdek, koʻp millatli muhitda ishlash qobiliyatiga ega boʻlishi kerak.
Kursni tamomlagan ishtirokchilar sharqiy sheriklik va Yevropa Ittifoqi hamda Rossiya munosabatlari, asoslari, tarixi va asosiy siyosiy oʻzgarishlar haqida mustahkam tushunchaga ega boʻladilar.
Kurs 28-fevraldan 3-aprelga qadar davom etadi.
Maqbullik shartlari
- Kursga mintaqashunoslik, Yevropa Ittifoqi va Rossiya munosabatlariga qiziqqan barcha yoshlar ariza yuborishi mumkin;
- Ishtirokchilar bakalavr yoki magistratura bosqichida oʻqiydigan va kurs mavzusi boʻyicha tajribaga ega boʻlishlari maqsadga muvofiq hisoblanadi;
- Darslar butunlay onlayn formatda boʻlganligi sababli, ishtirokchilar onlayn oʻquv platformalari va qidiruv tizimi haqida qoniqarli maʼlumotga ega boʻlishlari soʻraladi.
Foydali tomonlari
Ishtirokchilar kurs davomida quyidagi bilimlarga ega boʻladilar:
- Kurs mavzusi boʻyicha ixtisoslashgan akademiklar va amaliyotchilarning video maʼruzalaridan foydalanish imkoniyatiga ega boʻlishadi;
- Sharqiy hamkorlik mavzusi bo‘yicha amaliy tajribaga ega bo‘lgan va aniq istiqbollarni taqdim etgan mintaqadagi (Ukraina va Armaniston kabi) akademik vakillarning sharhlari va davra suhbatlarida ishtirok etish imkoniyatiga ega boʻlishadi;
- Sharqiy hamkorlikning hozirgi va kelajakdagi holati haqida batafsil maʼlumotga ega boʻlishadi;
- Darslarda muvaffaqiyatli qatnashgan ishtirokchilarga University of Tartu tomonidan elektron sertifikat beriladi.
Kurs haqida bu yerda batafsil maʼlumotga ega boʻlish mumkin.
Qoʻshimcha maʻlumotlar
Kurslar, dars jadvali, imtihon kunlari va barchasi haqida bu yerda batafsil tanishib chiqish mumkin.