Talabalar va yosh mutaxassislar uchun ilmiy-innovatsion gʻoyalar tanlovi. Gʻoliblar Germaniyaga yoʻllanmani qoʻlga kiritadi!

Germaniyaning Toshkentdagi elchixonasi Toshkentdagi Xalqaro Vestminster universiteti bilan hamkorlikda Falling Walls Lab — ilmiy-innovatsion gʻoyalar tanlovini taqdim etadi. Ushbu dasturda taniqli olimlar, tadqiqotchilar, tadbirkorlar, talabalar va innovatorlar barcha sohalar boʻyicha qatnashishi mumkin. 

Ishtirokchilar ilm-fan va jamiyat hayotiga ijobiy taʼsir koʻrsatadigan tadqiqotlarni atigi 3 daqiqa ichida hakamlar hayʼatiga namoyish qilish orqali innovatsion gʻoyasini amalga oshirish imkoniyatiga ega boʻlishlari mumkin. Bundan tashqari, gʻoliblar final bosqichiga Germaniyaga yoʻllanmani qoʻlga kiritadi.

Tanlov haqida batafsil ushbu havola orqali maʼlumot olish mumkin.

Ariza topshiruvchilar quyidagi talablardan kamida bittasiga toʻgʻri kelishlari kerak:

• 18 yoshdan katta boʻlishi;
• Hozir universitetda oʻqiyotgan boʻlishi;
• Doktorantura bosqichidan keyingi tadqiqotlar bilan shugʻullanayotgan boʻlishi;
• Oxirgi 10 yil ichida olingan bakalavr diplomiga ega boʻlishi;
• Oxirgi 7 yil ichida olingan magistratura diplomiga ega boʻlishi;
• Oxirgi 5 yil ichida olingan PhD (doktorantura) diplomiga ega boʻlishi;
• Ingliz tilini bilish lozim (sertifikat soʻralmaydi).

Eslatma: Doktorlik dissertatsiyasiga ega boʻlmagan Tibbiyot Fanlari doktori darajasi magistratura bosqichiga teng deb hisoblanadi. Dissertatsiyaga ega Tibbiyot Fanlari doktori darajasi esa PhD (doktorantura) bosqichiga teng deb hisoblanadi.

Muhim: Loyihaga faqat 1 marta qatnashish imkoniyati beriladi, dasturda avval qatnashgan nomzodlar ariza topshira olmaydi.

Dastur talablari haqida batafsil ushbu havola orqali ma'lumot olish mumkin.

• Gʻoliblar Germaniyaga borish va final bosqichida qatnashish imkoniyatiga ega boʻladi.

Eslatma: Xalqaro Falling Walls Lab uchun sayohat va turar joy xarajatlari qoplanmaydi. Biroq bu xarajatlar mahalliy tashkilotchilar tomonidan qoplanishi mumkin.

• Tanlovda qatnashish istagida boʻlganlar ushbu havola orqali ariza topshirishlari mumkin;
• Hujjat topshirishda CV (PDF formatda maksimal 3MB) yuklanishi va kerakli maʼlumotlar kiritilishi kerak;
• Barcha arizalar ingliz tilida taqdim etilishi kerak;
• Nomzodlar faqat bir marta ariza topshirishi mumkin.

Eslatma: Dasturga ariza topshirayotganda bilet olish shart emas.

Ariza topshirishning bosqichlari bilan ushbu havola orqali tanishib chiqish mumkin.

Dastur uchun hujjat topshirishning oxirgi muddati: 10-sentabr, 2023-yil;

Email: mboymurodov@wiut.uz;

Tel: +49 30 60 988 39 70.