Falling Walls Lab — ilmiy-innovatsion gʻoyalar tanlovi. Gʻoliblar final bosqichiga Germaniyaga yoʻllanmani qoʻlga kiritadi
-
18/03/2021 Qabul boshlanishi
-
Mukofot Moliyalash turi
-
Germaniya Davlat
-
15.05.2021 Oxirgi muddat
Umumiy maʻlumotlar
Ushbu dasturda taniqli olimlar, tadqiqotchilar, tadbirkorlar, talabalar va innovatorlar barcha sohalar boʻyicha qatnashishi mumkin. Ilm-fan va jamiyat hayotiga ijobiy taʼsir koʻrsatadigan tadqiqotlaringizni atigi 3 daqiqa ichida hakamlar hayʼatiga namoyish qiling va innovatsion gʻoyangizni amalga oshirish imkoniyatiga ega boʻling.
Maqbullik shartlari
Ariza topshiruvchilar quyidagi talablardan kamida bittasiga toʻgʻri kelishlari kerak:
- 18 yoshdan katta boʻlishi;
- Hozir universitetda oʻqiyotgan boʻlishi;
- Doktorantura bosqichidan keyingi tadqiqotlar bilan shugʻullanayotgan boʻlishi;
- Oxirgi 10 yil ichida olingan bakalavr diplomiga ega boʻlishi;
- Oxirgi 7 yil ichida olingan magistratura diplomiga ega boʻlishi;
- Oxirgi 5 yil ichida olingan PhD (doktorantura) diplomiga ega boʻlishi;
Eslatma: Doktorlik dissertatsiyasiga ega boʻlmagan Tibbiyot Fanlari doktori darajasi magistratura bosqichiga teng deb hisoblanadi. Dissertatsiyaga ega Tibbiyot Fanlari doktori darajasi esa PhD (doktorantura) bosqichiga teng deb hisoblanadi.
Foydali tomonlari
Gʻoliblar Germaniyaga borish va final bosqichida qatnashish imkoniyatiga ega boʻladi.
Qoʻshimcha maʻlumotlar
- Barcha arizalar ingliz tilida taqdim etilishi kerak;
- Xalqaro Falling Walls Lab uchun sayohat va turar joy xarajatlari qoplanmaydi. Mahalliy tashkilotchilar tomonidan qoplanishi mumkin;
- Loyihaga faqat 1 marta qatnashish imkoniyati beriladi, agar siz oldin qatnashgan boʻlsangiz ariza topshira olmaysiz;
- Dasturga ariza topshirayotganingizda bilet olishingiz shart emas.
Qoʻshimcha savollar yuzasidan quyidagi manzilga murojaat qiling: fallingwallstashkent@gmail.com