Fan doktorlari va tajribali tadqiqotchilar uchun The Humboldt Research Fellowship dasturi. Oylik stipendiya — €3,200!

The Humboldt Research Fellowship dasturi barcha tadqiqot yoʻnalishidagi tajribali tadqiqotchilar va fan doktor/doktorantlar uchun moʻljallangan dastur hisoblanadi. 

Mazkur dastur gʻoliblari Germaniyada oʻz sohasi boʻyicha 6 oydan 24 oygacha boʻlgan muddatda tadqiqot olib borish imkoniga ega boʻladi. Ushbu muddat davomida dastur gʻoliblariga oylik stipendiya va qoʻshimcha yordam toʻlovlari beriladi.

Tadqiqot rejasi Germaniyadagi ilmiy muassasalarda akademik mezbonlar bilan hamkorlikda amalga oshiriladi. Dasturga ariza beruvchilar oʻzlarining tadqiqot mavzusini va Germaniyadagi akademik mezbonlarini (host academics) tanlaydilar. 

Mazkur dasturda barcha davlat fuqarolari qatnashishi mumkin. Dasturda ishtirok etish uchun ingliz yoki nemis tilini bilish kerak. 

The Humboldt Research Fellowship dasturi haqida batafsil maʼlumotni ushbu havola orqali oʻqish mumkin.

• Mazkur dasturda har qanday sohadagi fan doktorlari/doktorantlar va tajribali tadqiqotchilar qatnashishi mumkin;
• Dasturda Germaniyadan tashqari barcha davlat fuqarolari qatnasha oladi;
• Nomzod ariza topshirayotgan paytda soʻnggi 18 oy ichida 6 oydan ortiq Germaniyada yashamagan boʻlishi kerak;
• Fan doktorlari doktoranturani tamomlaganiga 4 yildan oshmagan boʻlishi lozim;
• Tajribali tadqiqotchilar doktoranturani tamomlaganiga 12 yildan oshmagan boʻlishi kerak;
• Nemis yoki ingliz tilini yaxshi bilish kerak; Gumanitar va ijtimoiy fanlar boʻyicha fan doktori va tadqiqotchilardan nemis tilini bilishini tasdiqlovchi til sertifikati talab etilishi mumkin. 

Muvofiqlik talablari (Eligibility requirements) haqida batafsil maʼlumotni ushbu havola orqali oʻqish mumkin.

• Dasturda qatnashish bepul;
• Tajribali tadqiqotchilar uchun oyiga €3,200, fan doktori/doktorantlar uchun €2,700 miqdorida oylik stipendiya beriladi;
• Safar xarajatlari qoplab beriladi;
• Germaniyada va xorijda zarur konferensiya va tadqiqot safarlari, arxiv va kutubxonalardan foydalanish kabi xarajatlar uchun subsidiya sifatida bir martalik toʻlov beriladi;
• Sugʻurta bilan bogʻliq xarajatlar qoplanadi;
• Germaniyadagi tanlangan til institutlarida ikki oydan toʻrt oygacha davom etadigan intensiv til kursi uchun stipendiya beriladi. Mazkur stipendiya hamrohlik qilayotgan turmush oʻrtoqlarga ham berilishi mumkin!
• Kamida uch oy birga yashaydigan oila aʼzolari uchun toʻlov berilishi mumkin;
• 12 yoshgacha boʻlgan bolalar hamrohligidagi dastur ishtirokchilar uchun uchun stipendiya muddatini 12 oygacha uzaytirish imkoniyati mavjud;
• Yevropaning boshqa davlatidagi ilmiy tadqiqot institutida boʻlish uchun maxsus toʻlov; ushbu toʻlov tadqiqotning muvaffaqiyatini taʼminlash uchun zarur boʻlsa, stipendiya davomida belgilangan muddatda ham berilishi mumkin.

Dasturning foydali jihatlari haqida batafsil maʼlumotni ushbu havola orqali oʻqish mumkin.

• Mazkur dasturda qatnashish uchun onlayn ariza shaklini toʻldirish kerak; 
• Onlayn ariza shaklini toʻldirish uchun shaxsiy hisob (account) ochish lozim. Ushbu havola orqali shaxsiy hisob ochish mumkin.

Ariza shaklida quyidagi hujjatlarni yuklash kerak:

• CV — maksimum 2 bet;
• Tadqiqot rejasi — maksimum 5 bet;
• Nashr etilgan ishlarning toʻliq roʻyxati (namuna);
• Tanlangan asosiy nashrlar roʻyxati (namuna);
• Asosiy nashrlar;
• Doktorlik sertifikati yoki doktoranturani muvaffaqiyatli tamomlaganlik haqidagi maʼlumotnoma yoki bu keyingi olti oy ichida boʻlishini tasdiqlovchi hujjat;
• 2 ta ekspert taqrizi — fan doktorlari/doktorantlar uchun ilmiy rahbari va oʻz institutidan boʻlmagan fan doktori tomonidan yozilgan boʻlishi kerak. Tajribali tadqiqotchilar uchun hamkorlikdagi fan doktori va/yoki oʻz institutidagi yoki boshqa institut tadqiqotchi akademik, olimlar tomonidan yozilgan boʻlishi lozim;
• Germaniyada tadqiqot olib borish uchun yetarli sharoitlar mavjudligini tasdiqlovchi maʼlumotnoma (host confirmation) va mentorlik shartnomasi.
• Agar talab etilsa: Nashr etuvchining qabul qilganligi toʻgʻrisidagi bildirishnomalari va/yoki nemis yoki ingliz tilida boʻlmagan asosiy nashrlarning qabul qilinganligi toʻgʻrisidagi xulosalar/tarjimalar.

Dasturga ariza topshirish haqida batafsil ma'lumotni ushbu havola orqali o'qish mumkin.

The Humboldt Research Fellowship dasturi haqida eng koʻp soʻralgan savollarga javoblarni (FAQs) ushbu havola orqali oʻqish mumkin.

Dasturda qatnashish bilan bogʻliq qoʻshimcha savola va takliflarga +49 228 833-0 raqamiga qoʻngʻiroq qilish orqali javob olish mumkin.

Mazkur dastur gʻoliblarini aniqlash turli sohalardagi 60-70 tadqiqotchilardan iborat tanlov komissiyasi tomonidan qabul qilinadi. Qoʻmita qarori, odatda, shaxsiy akademik maʼlumotlarni baholaydigan ikkita mustaqil ekspert tekshiruviga asoslanadi. 

Baholash ishtirokchining martaba darajasiga qarab quyidagi tanlov mezonlariga asoslanadi:

• Hozirgi kunga qadar akademik faoliyat  (harakatchanlik, qatʼiyat, tematik koʻlam, akademik unumdorlik);
• Arizada koʻrsatilgan asosiy nashrlarning sifati (originalligi, innovatsionligi, bir nechta mualliflar ishtirokidagi nashrlarga qoʻshilgan hissalar);
• Taklif etilayotgan tadqiqotning oʻziga xosligi va innovatsion salohiyati (mavzu yoʻnalishini yanada rivojlantirish uchun ahamiyati, ilmiy usullarning ishonchli tanlovi, ilmiy ishlanma salohiyati, homiylik soʻralgan muddatda aniq yoʻnaltirilganligi va amalga oshirilishi mumkinligi, qabul qiluvchi institutda hayotiyligi);
• Nomzodning kelajakdagi karyerasi (akademik salohiyat, shaxsiy rivojlanish, martaba istiqbollari);
• Mustaqil tadqiqot profil (tajribali tadqiqotchilar uchun).