Faol talaba yoshlar oʻrtasida “Wikipedia” portalining oʻzbek tilidagi segmentiga yangi maʼlumotlar va maqolalarni joylashtirish hamda ularni ommalashtirish boʻyicha tanlov
-
01/05/2022 Qabul boshlanishi
-
Mukofot Moliyalash turi
-
Oʻzbekiston Davlat
-
10.06.2022 Oxirgi muddat
Umumiy maʻlumotlar
Oʻzbekiston Respublikasi Innovatsion rivojlanish vazirligi internet tarmogʻida oʻzbek tilidagi maʼlumotlar hajmi va koʻlamini kengaytirish hamda global innovatsion indeksda respublikamiz oʻrnini mustahkamlashga jalb qilish, shuningdek, yosh avlodning ijtimoiy faolligi, internet savodxonligi va izlanuvchanligini ragʻbatlantirish maqsadida tanlov eʼlon qiladi.
Tanlov 2022-yilning 10-mayidan 10-iyuniga qadar faol talaba yoshlar oʻrtasida “Wikipedia” portalining oʻzbek tilidagi segmentiga yangi maʼlumotlar va maqolalarni joylashtirish hamda ularni ommalashtirish boʻyicha oʻtkaziladi.
Tanlovda barcha oliy taʼlim muassasalari hamda ular qoshidagi akademik litsey, kasb-hunar maktablari va texnikum talabalari ishtirok etishi mumkin.
Tanlov yakuniga koʻra eng koʻp maqola joylashtirgan 10 nafar talaba-yoshlar va talabalari eng koʻp maqola joylashtirgan 3 nafar oliy taʼlim muassasasi munosib taqdirlanadi.
Gʻoliblarga sertifikat hamda qimmatbaho sovgʻalar beriladi.
Dastur haqida batafsil ushbu havola orqali tanishish mumkin.
Maqbullik shartlari
Dasturda ishtirok etish uchun nomzodlardan quyidagilar talab etiladi:
- Tanlovda Oʻzbekiston Respublikasining mulkchilik shaklidan qatʼi nazar oliy oʻquv yurtlari hamda ularning qoshidagi oʻquv taʼlim muassasalari (texnikum, akademik litsey) talabalari ishtirok etishi mumkin;
- Dasturda qatnashish uchun yosh chegarasi belgilanmagan;
- Vazirlik tizimidagi xodimlarning tanlovda ishtirok etishi taqiqlanadi;
- Dastur uchun topshiriladigan maqolalar va materiallar mavzusi erkin boʻlib, tematik jihatdan cheklov mavjud emas;
- Tanlovga ishlar lotin alifbosiga asoslangan oʻzbek tilida topshirilishi lozim;
- Avval joylashtirilgan maqolalar, materiallar va tahrirlarni qayta topshirish taqiqlanadi. Avval topshirilgan ishlarga oʻzgartirish kiritish yoki oʻzbek tiliga tarjima qilingan variantini joylashtirishga ruxsat beriladi.
Dastur maqbullik shartlari bilan batafsil ushbu havola orqali tanishish mumkin.
Foydali tomonlari
Dasturga qabul qilingan nomzodlar quyidagi imtiyozlarga ega boʻladi:
- Tanlov gʻoliblariga gʻoliblikni tasdiqlovchi hujjat;
- Qimmatbaho hamda ragʻbatlantiruvchi sovgʻalar topshiriladi.
Dastur manfaatli jihatlari haqida batafsil ushbu havola orqali tanishish mumkin.
Qoʻshimcha maʻlumotlar
Tanlov 2022-yilning 10-mayidan 10-iyuniga qadar davom etadi.