Fargʻona shahrida dasturlash boʻyicha oʻtkaziladigan umummilliy tanlov — National AI Hackathon

Yoshlar, dasturchi, startapchi va sunʼiy intellekt ixlosmandlari uchun “National AI Hackathon”ning navbatdagi hududiy bosqichi boʻlib oʻtadi.

Ishtirokchilar jamoalari bilan birgalikda real muammolar uchun sunʼiy intellektga asoslangan innovatsion yechimlar ishlab chiqish, tajribali mentorlar bilan ishlash hamda loyihalarini ekspertlar oldida taqdim etish imkoniyatiga ega boʻladilar.

Fargʻona bosqichi quyidagi yoʻnalishlarni qamrab oladi:

• Sogʻliqni saqlash;

• Taʼlim;

• Tadbirkorlik;

• Kosmik texnologiyalar.

Dastur 2026-yilning 20–23-may kunlari Fargʻona shahrida oʻtkaziladi.

Dastur haqida batafsil ushbu havola orqali maʼlumot olish mumkin.

• 16 yosh va undan yuqori Fargʻona viloyatida istiqomat qiluvchi yoshlar qatnashishi mumkin;

• Nomzodda pasport yoki ID-karta mavjud boʻlishi kerak;

• Dasturda 3-5 kishidan iborat jamoa koʻrinishida qatnashish tavsiya etiladi;

• Ishtirokchilar shaxsiy noutbugiga ega boʻlishi kerak;

• Barcha dasturchi, startapchi va sunʼiy intellekt ixlosmandlari birday ishtirok etishi mumkin;

• Sunʼiy intellektga qiziqish va yangi narsalarni yaratish istagi boʻlishi lozim.

Loyihalarni baholash mezonlari:

• Loyihalarni innovatsionligi;

• Loyihaning texnik amalga oshirilishi;

• Taqdim etilayotgan ishning potensiali, taqdimot sifati va real hayotda qoʻllash imkoniyati.

• Dasturda bepul qatnashish mumkin;

• Oziq-ovqat, ish joyi va loyihalar ustida qulay ishlash uchun zarur boʻlgan barcha narsa bilan taʼminlanadi;

• Gʻoliblar pul mukofotlari, loyihalarini keyinchalik rivojlantirish uchun mentorlik yordami, akseleratsiya dasturlarida qatnashish va investorlar bilan uchrashish imkoniyatini qoʻlga kiritadilar;

• Eng yaxshi jamoalar uchun yangi imkoniyatlar;

• Kuchli mentorlar bilan ishlash tajribasi;

• Loyihalarni keyingi bosqichga olib chiqish imkoniyati.

Dasturga qiziqqanlar ushbu havola orqali ariza topshirishlari mumkin.

Dastur quyidagi bosqichlarda oʻtkaziladi:

1.Ochilish va saralash. Bunda ishtirokchilarni roʻyxatga olish, kirish maʼruzalari va jamoalarni shakllantirish ishlari olib boriladi:

• Roʻyxatga olish va networking;

• Ishchi seminarlar va maʼruzalar;

• Loyihalarni saralash;

• Jamoalarni shakllantirish.

2.Ishlash va oʻrganish. Bunda taʼlim sessiyalari va gʻoyalarni rivojlantirish ishlari olib boriladi:

• Ertalabki maʼruzalar va master-klasslar;

• Loyihalar ustida ishlash;

• Mentorlik yordami;

• Jamoalarni oraliq tanlash.

3.Finalga tayyorgarlik. Bunda yakuniy maʼruzalar va taqdimotlarni repetitsiya qilish ishlari olib boriladi:

• Amaliy master-klasslar;

• Prototip ustida ishlash;

• Sinov taqdimotlari;

• Final uchun jamoalarni tanlash.

4.Final va yakunlash. Bunda AI boʻyicha maʼruzalar va loyihalar ustida yakuniy ishlar olib boriladi:

• AI boʻyicha taʼlim maʼruzalari;

• Prototip ustida ishlash;

• Yakuniy taqdimotlar;

• Gʻoliblarni aniqlash.

• Email: info@ai-hackathon.uz;

• Manzil: IT Park Fargʻona filiali.

Quyidagi ijtimoiy tarmoqlar orqali qoʻshimcha maʼlumot olish mumkin:

• Facebook;

• Instagram;

• Telegram;

• Twitter;

• Linkedin.