Finlandiyada kompyuter fanlari bo'yicha magistratura bosqichini toʻliq moliyalashtirilgan oʻqish imkoniyatini beruvchi Erasmus Mundus granti

Dunyoning eng boy va rivojlangan davlatlaridan biri boʻlgan Finlyandiyada magistratura bosqichini talab yuqori boʻlgan sohalarda: axborot xavfsizligi va bulutli hisoblash (cloud computing) yoʻnalishlarida toʻliq moliyalashtirilgan holda oʻqish imkonini beruvchi Erasmus Mundus qoʻshma hamkorlik dasturi granti eʼlon qilindi.

Dasturga hujjat topshirish uchun nomzodlardan shu sohalarga yaqin boʻlgan yoʻnalishlarda bakalavr bosqichini rasman tasdiqdan oʻtgan universitet yoki institutlarda yuqori baholarga tamomlagan boʻlishlari talab etiladi.

Asosiy talablar:

• Bakalavr bosqichini yuqori baholarga kompyuter fanlari, axborot texnologiyalari va matematika sohalari boʻyicha tamomlagan boʻlish;
• Ingliz tilini eng kamida IELTS 6.5, TOEFL iBT 92, TOEFL PDT (Reading 22, Listening 22), C1 Advanced, C2 Proficiency, Pearson Test of English 62 darajada bilish talab etiladi.

Muhim eslatmalar:

• Dasturga qabul qilingan so‘ng o‘tiladigan kurslar jadvali va univerisitet hayot tarzi haqida batafsil bu yerda o'qish mumkin;
• Hujjatlar onlayn holatda 2024-yil 4-yanvar Toshkent vaqti bilan 18:00 ga qadar yuborilishi kerak.

Grant haqidagi maʼlumotlar bilan GrantGO tomonidan tayyorlangan quyidagi video/ovozli chat orqali ham tanishish mumkin:

• Nomzodlardan kompyuter fanlari, axborot texnologiyalari va matematika sohalari boʻyicha bakalavr bosqichini 2024-yil 31-iyulgacha tamomlashlari soʻraladi;
• Til boʻyicha talablar: IELTS eng kamida 6.5 (Writing boʻlimidan eng kamida 6), TOEFL iBT 92 (Writing boʻlimidan eng kamida 22).

• Erasmus Mundus grant gʻoliblariga yiliga kontrakt puli uchun — €9000, joylashib olish uchun — €1000, sayohat xarajatlari uchun — €3000, yashash xarajatlari uchun — oyiga €1000 miqdorida moddiy yordam koʻrsatadi.
• Grant gʻoliblari umumiy hisobda 2 yil uchun taxminan €49000 miqdorida moliyalashtiriladi.

Birinchi bosqichi — barcha talablar bilan batafsil tanishib chiqish:

• Hujjat topshirishdan oldin barcha talablar bilan ushbu link orqali batafsil tanishib chiqish tavsiya etiladi.

Ikkinchi bosqichi — til sertifikatlarini taqdim etish:

• Ingliz tilini bilish haqida sertifikat taqdim etish soʻraladi. Agarda hujjat topshirish davomida sertifikat yoʻq boʻlsa, tezroq olib taqdim etish soʻraladi.

Uchinchi bosqich — onlayn ariza yuborish:

• Onlayn ariza shaklini 2023-yil 22-noyabrdan 2024-yil 4-yanvarga qadar toʻldirib yuborish;

Onlayn ariza shaklini toʻldirish davomida quyidagilar soʻraladi:

• shaxsiy maʼlumotlar;
• oldingi oliy maʼlumot;
• SECCLO tadqiqotlari uchun motivatsion xat;
• olingan tegishli kurslarning kurs tavsiflari va baholari;
• ariza bermoqchi boʻlgan stipendiyalar roʻyxati (jumladan, Erasmus Mundus stipendiyalari).

Shuningdek, ushbu roʻyxatdagi hujjatlarni yuklash talab etiladi.

Qoʻshimcha savollar boʻyicha murojaat uchun quyidagi manzillarga murojaat qilish mumkin:

• Elektron adres: secclo@aalto.fi
• Manzil: Konemiehentie 2, 02150 Espoo, Finland
  Pochta manzili: PO Box 15400, FI-00076 Aalto