Fotojurnalistlar uchun Eyewitness Photojournalism Grant tanlovida ishtirok etib $2,500 yutib olish imkoniyati

Eyewitness Photojournalism Grant dasturi Diversify Photo va Pulitzer Center tomonidan jurnalistika sohasidagi vizual loyihalarni qoʻllab-quvvatlash maqsadida tashkil etilgan onlayn tanlov hisoblanadi. Ushbu tanlovda fotojurnalistlar kam yoritilgan mavzularga, jumladan, irqiy tenglik, iqlim oʻzgarishi, gender tengligi va inson huquqlariga oid vizual loyihalarni yuborishlari lozim.

Tanlovda gʻolib boʻlgan 3 nafar ishtirokchilar $2,500 miqdordagi grantga ega boʻladilar.

Tanlovning oʻtgan yilgi gʻoliblari haqida batafsil ushbu havola orqali maʼlumot olish mumkin.

Tanlovda ishtirok etish uchun nomzodlar quyidagi talablarga javob berishi lozim:

• Tanlovda istalgan davlat fuqarolari qatnasha oladi;
• Nomzod frilanser-fotojurnalist boʻlishi kerak;
• Nufuzli ommaviy axborot agentligi bilan shartnomaga ega boʻlishi lozim;
• Tanlovda irqiy tenglik, iqlim oʻzgarishi, gender tengligi va inson huquqlariga oid vizual loyihalar bilan ishtirok etish mumkin.

• Tanlovda gʻolib boʻlgan 3 ta nomzodga vizual loyihalarni qoʻllab-quvvatlash maqsadida $2,500 miqdorda grant beriladi.

Tanlovda qatnashish uchun nomzodlar ushbu havola orqali bepul ariza topshirishlari mumkin. Arizalar ingliz tilida qabul qilinadi.

Qoʻshimcha savol va murojaatlar uchun: jcalderon@pulitzercenter.org