Fransiya, Italiya va Germaniya davlatlarida magistratura qo‘shma dasturini o‘qish imkonini beruvchi MemBioMed Erasmus Mundus Joint Master dasturi

The International MemBioMed Master’s Programme bu biomembranalar bo‘yicha ko‘p tarmoqli tadqiqotlarga asoslangan hamda uch nufuzli universitet: Université Côte d’Azur (UniCA, Fransiya), Genuya universiteti (UniGe, Italiya) va Osnabryuk universiteti (UOS, Germaniya) tomonidan hamkorlikda tashkillashtirilgan dastur hisoblanadi. Ushbu muassasalarning bir-birini to‘ldiruvchi kuchli tomonlari o‘qitish tajribasi, akademik resurslari, ilg‘or tadqiqot markazlari va texnologik platformalari hisoblanadi va bular membrana biologiyasi bo‘yicha keng qamrovli va dinamik ta’limni ta’minlaydi. 

Dastur davomiyligi 2 yil va talabalar har semestrni quyidagi tartibda 3 universitetda o‘qishadi: 

• 1-semestr: Université Côte d’Azur, Fransiya;
• 2-semestr 2: University of Genova, Italiya;
• 3-semestr 3: Osnabrück University, Germaniya;
• 4-semestr 4: Magistrlik dissertatsiyasi tayyorlanadi va uning himoyasi yuqoridagi 3 universitet yoki hamkor universitetlardan birida bo‘lib o'tadi. 

Dastur g‘oliblarining kontrakt xarajatlari qoplanadi. Dasturga qabul jarayoni 2025-yil 6-aprel, O‘zbekiston vaqti bilan 7-aprel 03:00 gacha davom etadi. 

Dastur haqida ushbu havola orqali batafsil ma’lumot olish mumkin. 

• Nomzodlar hujayra biologiyasi, biokimyo, genetika, molekulyar biologiya, biofizika, biotexnologiya, bioinjiniring, hujayra tibbiyot biologiyasi, farmakologiya va statistika kabi fanlarni o‘z ichiga olgan biologiya sohasida bakalavr bosqichini yakunlagan bo‘lishlari kerak. Bakalavrning so‘nggi bosqichida tahsil olayotgan va o‘qishini iyul oyigacha yakunlaydigan nomzodlar ham ariza topshirishlari mumkin;
• Dasturda qatnashish uchun quyidagi sertifikatlardan biri talab qilinadi:

- TOEFL-580;

-IELTS-6.5;

-CEFR-B2 va b. 

Til talablari haqida ushbu havola orqali to‘liq ma’lumot olish mumkin. 

• Kontrakt xarajatlari qoplanadi;
• Universitetda ro‘yxatdan o‘tish ta’minlanadi;
• Darslar, seminarlar va mashg‘ulotlarda ishtirok etish uchun imkoniyat yaratiladi;
• Talaba xizmatlari va kutubxonaga kirish uchun imkoniyat beriladi;
• Ma’muriy va migratsiya jarayonlarida yordam beriladi;
• Barcha nomzodlar uchun sog‘liq, qonuniy jarayonlar, halokatlar va yordam sug‘urtasi dastur tomonidan to‘lanadi;
• Alohida saralangan nomzodlar dasturda qatnashishlari mumkin, lekin kontrakt va yashash xarajatlarini o‘zlari to‘lashlari kerak bo‘ladi. 

Dasturga ariza topshirish jarayonida quyidagi hujjatlar talab qilinadi: 

• CV;
• Motivatsion xat;
• Pasport yoki ID nusxasi;
• Diplom nusxasi (ingliz tilida);
• Sertifikatlar va diplomlar nusxasi;
• Bakalavr bosqichida o‘qitilgan fanlar ro‘yxati (ingliz tilida);
• 2 ta tavsiyanoma;
• Ingliz tilini bilish sertifikati.

Eslatma! Tugallanmagan arizalar ko‘rib chiqilmaydi. Bakalavr bosqichining so‘nggi kursida tahsil olayotgan va hali diplom olmagan nomzodlar diplom o‘rniga ma’lumotnoma taqdim etishlari mumkin. 

Dasturga qabul jarayoni 2025-yil 6-aprel, O‘zbekiston vaqti bilan 7-aprel 03:00 gacha davom etadi. 

Dastur bo‘yicha eng ko‘p beriladigan savollarga ushbu havola orqali javob topish mumkin. 

Qo‘shimcha savollar tug‘ilgan taqdirda ushbu havola orqali murojaat qilish mumkin. 

Muhim sanalar: 

• 2025-yil, 6-yanvar: Ariza topshirish boshlanishi;
• 2025-yil, 6-aprel: Ariza topshirish yakunlanishi;
• 2025-yil, fevral o‘rtasidan aprel o‘rtalariga qadar: Intervyu;
• 2025-yil, aprel oxiri: Natijalar e‘loni; 
• 2025-yil, apreldan iyungacha: Saralangan nomzodlarning qo‘shimcha hujjatlarni taqdim etish sanasi;
• 2025-yil, avgust: Dastur boshlanishi.

Ma‘lumot uchun:

• Tel: 0489150023;
• Instagram;
• Linkedin;
• EUR Life