Yevroрada biologiya va kimyo yoʻnalishi bo'yicha magistratura bosqichini toʻliq moliyalashtirilgan holda oʻqish uchun Erasmus Mundus Joint Master Degree scholarship granti

Bioref dasturi Fransiyaning nufuzli universitetlaridan biri hisoblanadigan Lill universitetida biologiya va kimyo yoʻnalishida magistratura bosqichini toʻliq moliyalashtirilgan holda oʻqish imkonini beruvchi EMJMD (Erasmus Mundus Joint Master Degree) scholarship grantini taqdim etadi. Grant gʻoliblarining xarajatlari dastur tomonidan qoplanadi va taʼlim olishi uchun keng imkoniyatlar yaratiladi.

Dastur ikki xil turdagi EMJMD stipendiyalarini taklif qiladi:

• Scholarships for Program Country students;
• Scholarships for Partner Country students.

Maʼlumot uchun: Bioref dasturi magistratura boʻyicha turli grantlar taqdim qilishga qaratilgan dastur boʻlib, Fransiyaning Lill universiteti (ULILLE), Italiyaning Bari universiteti (UNIBA), Fransiyadagi Troyes texnologiya universiteti (UNIBA) va Polshadagi Tadeusz Kościuszko texnologiya universiteti (PK) bilan hamkorlikda ishlab chiqilgan.

Dastur haqida batafsil ushbu havola orqali maʼlumot olish mumkin.

Grant haqidagi maʼlumotlar bilan GrantGO tomonidan tayyorlangan quyidagi video/ovozli chat orqali ham tanishish mumkin:

• Dasturda Yevropa Ittifoqiga aʼzo davlat fuqarolari va xalqaro talabalar qatnashishi mumkin (Oʻzbekiston fuqarolari topshirishi mumkin);
• Kimyo, biokimyo, kimyo muhandisligi va biologiya yoki tegishli sohalarda fanlar bakalavri darajasiga ega boʻlish kerak yoki bitiruvchi kurs talabasi boʻlishi kerak.
• Ingliz tilini B2 darajada bilish lozim:
  • IELTS 6.5 (birorta boʻlim 5.5 dan past boʻlmasligi kerak);
  • TOEFL 575.

Nomzodlar quyidagi mezonlar orqali saralanadi:

• Bakalavriat yoʻnalishi boʻyicha taʼlim olib borilgan ilmiy muassasalar reytingi (Shanxay reytingi asosida) (5%);
• Oldingi tadqiqotlarning akademik transkriptlari (40%);
• Oldingi tadqiqotlarning ilmiy asoslari (20%);
• Olingan amaliy tajriba (5%);
• Motivatsion xat (10%);
• Tavsiyanomalar (10%);
• Mukofot va yutgan grantlari (10%);
• Ingliz tilini bilishi (majburiy).

Muhim: Agar nomzodning ona tili ingliz tili boʻlsa yoki hozirda ingliz tilini oʻrganayotgani haqida kerakli hujjat taqdim etsa, til bilish sertifikatlari soʻralmaydi.

Dasturning Partner Country students turi quyidagilarni taqdim etadi:

• 2 yillik magistratura uchun 18,000 yevro beriladi;
• 1000 yevro koʻrinishidagi bir martalik pul beriladi (dastur taqdim qilgan mamlakatda yashovchilar bundan mustasno);
• Yashash xarajatlari uchun 1000 yevro taqdim qilinadi (maksimal 24 oy);
• Yoʻl xarajatlari uchun pul ajratiladi:
  • agar yashash joyi universitetdan 4000 kmʼdan kam uzoqlikda boʻlsa, 2000 yevro;
  • agar yashash joyi universitetdan 4000 kmʼdan ortiq uzoqlikda boʻlsa, 3000 yevro;
  • dastur oʻtkaziladigan mamlakatda yashovchilar uchun 1000 yevro.

Dasturning Program Country students turi quyidagilarni taqdim etadi:

• 2 yillik magistratura uchun 9000 yevro beriladi;
• Yoʻl xarajatlari uchun yiliga 1000 yevro ajratiladi;
• Yashash xarajatlari uchun oyiga 1000 yevrodan maksimal 24 oy taqdim qilinadi (oʻzi yashaydigan mamlakatda oʻqiyotganlar bundan mustasno).

Dasturda qatnashishni istaganlar ushbu havola orqali ariza topshirishlari mumkin.

Quyidagi hujjatlarni PDF formatida topshirish talab qilinadi:

• Diplom/olingan daraja/sertifikat(lar)ning nusxasi yoki universitetdan roʻyxatdan oʻtgani haqida sertifikat (oʻtgan kurs talabalari uchun);
• Akademik transkriptlar;
• Agar nomzodning reytingi transkriptlarda koʻrinmasa, reytingini tasdiqlovchi universitet tomonidan berilgan xat;
• Til bilish sertifikatlari;
• CV (Yevropa formatida);
• Pasport nusxasi;
• Joriy va aniq yashash joyini tasdiqlovchi hujjat;
• Ikkita tavsiyanoma;
• Declaration of honor;
• Ariza uchun tegishli deb hisoblagan boshqa hujjatlar.

Eslatma: Hujjatlar ingliz tilida taqdim qilinishi kerak.

Dasturga ariza topshirish uchun kerakli hujjatlarni ushbu havola orqali yuklab olish mumkin.

• Ariza uchun topshirilgan fayllar maxsus ilmiy kengash tomonidan har bir tanlov mezonlari uchun 1 (juda yomon) dan 5 (ajoyib) gacha boʻlgan shkala boʻyicha koʻrib chiqiladi va belgilanadi. Har bir fayl kamida ikki marta tekshiriladi, shuning uchun qoʻshiladigan va avtomatik ravishda oʻrtacha hisoblangan kamida ikkita ball oladi. Ilovalarning birinchi tahlili va reytingi oʻtkazilgandan soʻng suhbat oʻtkaziladigan talabalar aniqlaydi.
• Takroran soʻraladigan savollarga javob bu yerda;
• Email: Master-bioref@univ-lille.fr;
• Tel: 0970 808 911.

Muhim sanalar:

• Dasturga hujjat topshirish uchun oxirgi muddat: 1-fevral, 2024-yil (03:59);
• Natijalar eʼlon qilinadi: 2024-yil mart oyining oxiri yoki fevral oyining boshida;
• Dastur boshlanadi: 2024-yil sentyabr oyida.

Dastur haqida qoʻshimcha quyidagi ijtimoiy tarmoqlar orqali maʼlumot olish mumkin:

• Facebook;
• Twitter;
• Linkedin.