Fransiyada magistratura bosqichini grant asosida oʻqish uchun Ampère Scholarships of Excellence dasturi

06/11/2024 Qabul boshlanishi
Toʻliq Moliyalash turi
Fransiya Davlat
01/02/2025 03:59 Oxirgi muddat

Muhim tafsilotlar

Kimlar uchun

Bakalavr talabasi , Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
Dastur tili

Ingliz tili, Fransuz tili
Yosh chegarasi

26 yoshgacha

Doʻstlar bilan ulashing

Umumiy maʻlumotlar

Fransiyaning Lion shahridagi ENS de Lyon universiteti xalqaro talabalarga magistratura bosqichida oʻqish uchun Ampere Scholarship of Excellence dasturini eʼlon qiladi. Ushbu grant, asosan, aniq fanlar, sanʼat, gumanitar fanlar va ijtimoiy fanlar sohalarida oʻqishni xohlaydigan xalqaro talabalar uchun moʻljallangan. Dastur 12 oy davom etadi va grant sohiblariga 12 oy davomida har oy 1,000 yevro miqdorida stipendiya beriladi. Dasturga 26 yoshdan oshmagan, bakalavr bosqichining kamida 3-kursini tamomlayotgan va ingliz yoki fransuz tillaridan birini biladigan Fransiyada tashqari barcha davlat fuqarolari ariza topshirishlari mumkin.

Dasturga qabul jarayoni 2024-yil 6-noyabrdan 2025-yil 1-fevral Oʻzbekiston vaqti bilan soat 03:59 gacha davom etadi.

Dastur haqida ushbu havola orqali batafsil maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

Dasturda Fransiya davlati fuqarosi boʻlmagan barcha ishtirok etishi mumkin;
Ishtirokchilar 26 yoshdan oshmagan boʻlishi, yaʼni 1999-yil 1-yanvardan keyin tugʻilgan boʻlishi kerak;
Magistraturaning birinchi bosqichida oʻqish uchun ariza topshirish vaqtida nomzodlar bakalavr bosqichining kamida 3-bosqichini tamomlagan, ikkinchi bosqichida oʻqish uchun esa magistraturaning kamida birinchi bosqichini yakunlagan boʻlishi kerak;
Nomzodlar uchun til talablari ular tanlangan yoʻnalishlarga qarab farq qiladi. Baʼzi yoʻnalishlarda til sertifikati talab qilinmaydi, baʼzi yoʻnalishlarda esa fransuz yoki ingliz tilini bilish darajasini koʻrsatuvchi B1, B2 va C1 sertifikatlari soʻraladi. Davlat tili ingliz/fransuz boʻlgan davlatda yoki ingliz/fransuz tilida oʻqigan nomzodlardan sertifikat talab qilinmaydi.

Dastur talablari haqida ushbu havola orqali batafsil maʼlumot olish mumkin.

Til talablari haqida ushbu havola orqali batafsil maʼlumot olish mumkin.

Foydali tomonlari

Nomzodlar bir yil davomida Fransiyada magistratura bosqichida bepul oʻqish imkoniga ega boʻlishadi;
Grant sohiblariga 12 oy davomida har oy 1,000 yevro miqdorida stipendiya beriladi. Stipendiya dastur davomida 3 marta, oktyabr oxirida (4 oylik), fevralda (4 oylik), mayda (4 oylik) toʻlanadi.

Eslatma! Dasturning ikkinchi yilida ham, aniqrogʻi, magistraturaning birinchi yilini tugatib, ikkinchi yilini ham oʻqimoqchi boʻlgan nomzodlar ikkinchi yil qayta ariza topshirishlari mumkin. Ular magistratura boʻlimi boshligʻi tomonidan saralab olinadi.

Hujjat topshirish

Ariza topshirish jarayoni quyidagicha:

Dastur shartlari bilan tanishib chiqing;
Kerakli hujjatlarni tayyorlang;
Tegishli universitet va yoʻnalishni tanlang;
Quyidagi universitetlardan biriga onlayn ariza topshiring:

-ENS de Lyon universitetiga ushbu havola orqali ariza topshirish mumkin;

-Université Claude Bernard Lyon 1 universitetiga ushbu havola orqali ariza topshirish mumkin;

-Université Jean Monnet universitetiga ushbu havola orqali ariza topshirish mumkin.

Dasturda roʻyxatdan oʻtish jarayonida quyidagi hujjatlar talab qilinadi:

Pasport yoki ID;
Motivatsion xat;
CV;
Diplom va uning transkripsiyasi (ingliz yoki fransuz tilida boʻlishi kerak, boshqa tilda boʻlsa, ushbu tillarga tarjima qilib topshirilishi kerak);
Tegishli yoʻnalishdan roʻyxatdan oʻtganligini isbotlovchi hujjat;
Nomzodning tanlagan yoʻnalishiga qarab, boshqa qoʻshimcha hujjatlar ham soʻralishi mumkin.

Eslatma! Ariza topshirishdan oldin, dastur talablari va roʻyxatdan oʻtish jarayoni bilan batafsil tanishib chiqing. Hali oʻqishni tugatmagan va diplomini olmagan nomzodlar diplomlarini oʻquv yili oldidan topshirishlari mumkin. E-mail orqali yoki muddatidan keyin topshirilgan arizalar qabul qilinmaydi.

Dastur doirasida mavjud yoʻnalishlar bilan ushbu havola orqali tanishish mumkin.

Rasmiy havola Hujjat topshirish

Qoʻshimcha maʻlumotlar

Muhim sanalar:

2024-yil noyabr: Ariza topshirish jarayoni boshlanadi;
2025-yil 1-fevral Oʻzbekiston vaqti bilan 03:59: Ariza topshirish jarayoni yakunlanadi;
2025-yil mart oyining birinchi haftasi: Natijalar eʼlon qilinadi.

Dastur haqidagi maʼlumotning pdf varianti bilan ushbu havola orqali tanishish mumkin.

Ampere Scholarship dasturi qoidalari bilan ushbu havola orqali batafsil tanishib chiqish mumkin.

Dastur haqida quyidagi ijtimoiy tarmoqlar orqali ham maʼlumot olish mumkin:

-Facebook;