Fransiyada magistratura va doktorantura bosqichida o'qish uchun Eiffel Excellence Program grant dasturi. Oyiga €1,800 gacha stipendiya!
-
01/10/2024 Qabul boshlanishi
-
Qisman Moliyalash turi
-
Fransiya Davlat
-
08.01.2025 Oxirgi muddat
Umumiy maʻlumotlar
Eiffel Excellence Program - Fransiya Tashqi Ishlar Vazirligi tomonidan fransuz oliy o'quv yurtlariga chet ellik talabalarni magistrlik va doktorlik dasturlariga jalb qilishda yordam berish uchun tashkil etilgan grant dasturi. Uning maqsadi yuqori salohiyatga ega xorijiy talabalarni xususiy va jamoat sohalarida ustuvor yo'nalishlar bo'yicha o'qitish va rivojlanayotgan davlatlardan talabalarni magistrlik, doktorlik dasturlariga jalb qilish.
Sohalar:
- Ilm va texnika:
- Biologiya va sog'liqni saqlash;
- Ekologik o'tish;
- Matematika va raqamli fan;
- Fan va muhandislik.
- Gumanitar va ijtimoiy fanlar:
- Tarix, fransuz tili va sivilizatsiyasi;
- Huquq va siyosiy fanlar;
- Iqtisodiyot va menejment.
Ta'lim dasturlari:
- magistrlik dasturi;
- muhandislik dasturi;
- qo'shma doktorlik dasturi - chet eldagi hamkor institut bilan hamkorlikda.
Grant muddati:
- magistrlik dasturining ikkinchi yiliga (M2) kirganlar uchun maksimal 12 oy;
- magistrlik dasturining birinchi yiliga (M1) kirganlar uchun maksimal 24 oy;
- muhandislik dasturiga kirganlar uchun maksimal 36 oy.
Dastur bir qator imtiyozlarni, shu jumladan oylik stipendiya, bepul safar va sug'urta kabilarni taqdim etadi. Dastur haqida batafsil bu yerda tanishish mumkin.
Maqbullik shartlari
Nomzodlarga qo'yiladigan talablar:
- Fransiya fuqarosi bo'lmasligi kerak;
- Fransiyadagi Oliy Ta'lim Muassasasiga (OTM) qabul qilingan bo'lishi kerak;
- Yosh chegarasi:
- Magistratura uchun 25 yoshgacha;
- Doktorantura uchun 30 yoshgacha.
- Grant uchun ariza nomzod qabul qilingan muassasa tomonidan taqdim etilgan bo'lishi kerak;
- Nomzod boshqa Fransiya Davlat grantlariga ega bo'lmasligi kerak.
- Xorijiy tilni universitet talablariga javob beradigan darajada bilishi lozim.
Ushbu havola orqali grant dasturi shartlari, grantning bekor qilinishi mumkin bo'lgan holatlari va dastur haqida batafsil ma'lumot olish mumkin.
Foydali tomonlari
Grant quyidagi xarajatlarni qoplaydi:
- Yashash xarajatlari uchun oylik mablag':
- Magistratura uchun €1,181 (€150 stipendiya bilan birgalikda).
- Doktorantura uchun €1,800.
- Xalqaro parvoz xarajatlari - Fransiyaga borish va qaytish;
- Ichki poyezd xarajatlari - aeroportdan o'qish joyigacha va dastur oxirida o'qish joyidan aeroportgacha;
- Ichki transport xarajatlari uchun €50 - taksi va jamoat transporti;
- Tibbiy sug'urta xarajatlari qoplanadi;
- Qo'shimcha tibbiy sug'urta ("muttelle") - ushbu tibbiiy sug'urtasiz yashash xarajatlari uchun ajratiladigan mablag' va boshqa xizmatlar taqdim etilmaydi.
- Turar-joy uchun mablag' beriladi;
- Madaniy tadbirlarga jalb qilinadi.
Qoʻshimcha maʻlumotlar
Har yili magistratura darajasi uchun 350 ta, doktorantura darajasi uchun 350 ta grant ajratiladi.
Moliyalashtirilgan o'quv yili stipendiya berilgan yilning 1-sentyabridan 31-dekabrigacha boshlanishi kerak.
Natijalar quyidagi veb-sahifada e'lon qilinadi.
Qo'shimcha savollar uchun:
- candidatures.eiffel@campusfrance.org;
- Tezkor savol-savoblar bo'limi;
- Onlayn ariza.