Fransiyaning Oʻzbekistondagi elchixonasi tomonidan fransuz tilini biluvchi bakalavr va magistratura talabalari uchun notiqlik tanlovi. Bosh mukofot — Fransiyaga 1 oylik sayohat
-
10/03/2022 Qabul boshlanishi
-
Bepul ta'lim Moliyalash turi
-
Oʻzbekiston Davlat
-
21.03.2022 Oxirgi muddat
Umumiy maʻlumotlar
Frankofoniya bayrami munosabati bilan Fransiyaning Oʻzbekistondagi elchixonasi Toshkent fransuz alyansi hamda Fransiyaning “Lions Clubs” xalqaro frankofon markazlari uyushmasi bilan hamkorlikda notiqlik tanlovini tashkil etadi.
Tanlov fransuz tilini B2 va undan yuqori darajada biladigan bakalavr va magistratura talabalari uchun moʻljallangan. Tanlov 2 bosqichda boʻlib oʻtadi:
- 1-bosqich. Bunda ishtirokchilar “Tout le monde veut que ça change, mais personne ne veut changer” (Albert Eynshteyn 1879-1955) mavzusida 2 talaba 3 daqiqalik video tayyorlashi kerak;
- 2-bosqich. Saralangan 6 nafar nomzodlar (3 ta guruh) final bosqichiga taklif etiladi. Final bosqichi Toshkentdagi “Alliance Franseise”da boʻlib oʻtadi. Muzokaralar onlayn translyatsiya qilinadi.
Tanlov yakunida barcha ishtirokchilar sertifikat bilan taqdirlanadi va gʻoliblar Fransiyaga 1 oy bepul sayohat qilish imkoniyatiga ega boʻladi.
Maqbullik shartlari
Tanlovda ishtirok etish uchun nomzodlar quyidagi talablarga javob berishi lozim:
- Tanlovda fransuz tilini kamida B2 darajada biluvchi barcha bakalavr va magistratura talabalari ishtirok etishi mumkin. Til bilish sertifikati talab etiladi;
- Ishtirokchilar “Tout le monde veut que ça change, mais personne ne veut changer” (“Barcha dunyoni oʻzgartirishni xohlaydi, ammo hech kim oʻzini oʻzgartirishni istamaydi”) mavzusida munozara (debat) olib boradi.
Tanlov shartlari haqida batafsil ushbu havola orqali maʼlumot olish mumkin.
Foydali tomonlari
Tanlov yakunida barcha ishtirokchilar sertifikat bilan taqdirlanadi va gʻoliblar quyidagicha mukofotlanadi:
- 1-oʻrin va 2-oʻrin — Lion Club bilan birgalikda Fransiyaga 1 oylik sayohat yoʻllanmasi;
- 3-oʻrin — zamonaviy planshet bilan taqdirlanadi.
Tanlov manfaatli jihatlari haqida batafsil ushbu havola orqali maʼlumot olish mumkin.
Qoʻshimcha maʻlumotlar
- 2022-yil 24-mart - 1-bosqichdan saralangan 6 nafar nomzod email orqali finalga taklif qilinadi;
- 2022-yil 30-mart — final bosqichi Toshkentdagi “Alliance Franseise” da boʻlib oʻtadi. Final bosqichi ham xuddi 1-bosqich tartibida oʻlib oʻtadi, yaʼni ishtirokchilar 2 nafar guruh tarzda, biri fikrni yoqlaydi, ikkinchisi esa qarshi chiqib munozara olib boradilar.
Nomzodlarning nutqlarini baholash uchun hakamlar hayʼati oʻz qarorini quyidagi mezonlar asosida qabul qiladi:
- Ogʻzaki nutq sifati. Bunda terminlarning toʻgʻri ishlatilishi, shuningdek, intonatsiya, nutq ravonligi alohida inobatga olinadi;
- Dalillar sifati. Bunda ishontira olish qobiliyati, shuningdek, gʻoyalar tiniqligi, fikrga asosli misollar keltira olishi, mulohazalarning aniqligi muhim ahamiyat kasb etadi;
- Taqdimot qila olish qobiliyati. Bunda hakamlar hayʼatiga boʻlgan munosabat, nutq vaqti (reglament)ga eʼtiborli boʻlish, yuz va tana harakatlari hisobga olinadi.
Hakamlar hayʼati muhokamadan soʻng uchta sovrin gʻoliblarini aniqlaydi.
Tanlov haqida batafsil ushbu havola orqali maʼlumot olish mumkin.