Free University (Moskva) tomonidan barcha sohalar va darajalar uchun 76 xil yo‘nalish bo‘yicha bepul onlayn darslar toʻplami

Bugungi kundagi eng dolzarb yoʻnalishlarda IT, siyosat, media, huquqshunoslik, axborotni tahlil qilish va boshqa turdagi 76 xil kurslarda, tajribali mutaxassislarning onlayn darslarida bepul qatnashish Free University tomonidan taqdim etildi.

Darslarda qatnashish uchun hech qanday cheklovlar yoʻq, istalgan kursni tanlab shu kursda nega oʻqimoqchiligi haqida nomzodlar motivatsion xat yuborishsa, universitet aʼzolari tomonidan koʻrib chiqilib qabul qilinganidan soʻng kursni davom ettirishlari mumkin. Kursni tugatgandan so‘ng sertifikat yoki diplom berilmaydi.

Kurslarga qabul 7-sentyabrga qadar davom etadi.

• Yoshi, davlati va darajasidan qatʼi nazar universitet tomonidan taqdim etilgan kurslarda ishtirok etmoqchi boʻlgan barcha ariza yuborishi mumkin.

• Boshlangʻich va professional darajalarga moʻljallangan 76 xil kurslardan istalganida oʻqishlari va tajribali mutaxassislardan bepul dars olishlari mumkin;
• Kursni muvaffaqiyatli tugatgan nomzodlarga ustozlari tomonidan magistratura yoki doktorantura bosqichiga topshirganda soʻraladigan tavsiyanoma xati beriladi.

• Free University sayti orqali kirib nomzodlar oʻzlariga qiziq boʻlgan yoʻnalishni tanlaydilar;
• Oʻsha kurs haqida batafsil tanishib chiqish zarur, masalan u yerda shu kursni aynan kim oʻtishi, qancha davom etishi va nimalar oʻrgatilishi haqida aniq maʼlumotlar berilgan;
• Kurs talablariga toʻliq mos tushgan nomzodlar shu kursda nega oʻqimoqchiliklari va kursdan olgan bilimlarini keyin qanday qoʻllamoqchiliklari haqida motivatsion xat yozishlari soʻraladi;
• Motivatsion xatni info@freemoscow.university elektron pochta manziliga .pdf formatda yuborishlari kerak.

Motivatsion xatni qanday yozish haqida

• Oʻzlari haqida qisqacha maʼlumot, qayerda oʻqishlari, qanday loyihalarda qatnashganliklarini yozishlari kerak;
• Blog yuritadigan talabalar bloglariga havola berishlari;
• Motivatsion xatni qanday yozish haqida batafsil ushbu havola orqali maʼlumot olish mumkin.

Saralash bosqichi

• Kurs rahbari yuborilgan arizalar orasidan 20-40 ta talabani saralab oladi;
• Javoblar taxminan 2 hafta davomida nomzodlarning elektron pochtalariga yuboriladi;
• Agar 2-3 hafta davomida ham javob kelmasa, elektron pochtadagi SPAM qismi tekshiriladi, shunda ham hech qanday xabar boʻlmasa info@freemoscow.university elektron manziliga murojaat qilish mumkin.

• Qoʻshimcha maʼlumotlar uchun info@freemoscow.university elektron manziliga murojaat qilish mumkin.