Futbolka dizayni bo‘yicha UNIQLO xalqaro tanlovi. Mukofot- $20,000 va AQShga sayohat

UNIQLO brendi butun dunyo bo‘ylab ijodiy fikrlash va iste’dodlarni rivojlantirishni o‘z oldiga maqsad qilgan futbolkalar dizayni tanlovi - UTGPning ochiq ekanligini ma’lum qiladi.  Jinsi, yoshi va millatidan qat’i nazar, barcha ishtirokchilar PEANUTS komikslariga bag‘ishlangan o‘ziga xos dizaynerlik ishlarini taqdim etishlari mumkin. Tanlovda ishtirok etish uchun UNIQLO brendi mahsulotlarini sotib olish shart emas, balki bunda orginal futbolka dizaynlarini taqdim etish muhim. 

G‘olib deb topilgan illustratsiyalar mukofotlanibgina qolmay, Uniqlo chakana savdo tarmog‘i tomonidan futbolkalarda chop etiladi va butun dunyoga taqatiladi, shuningdek, ularni onlayn-do‘konlardan ham buyurtma berish mumkin bo‘ladi.

Nomzodlardan quyidagi talablarga javob berish so‘raladi:

• Tanlovda yoshi, millati va jinsidan qat’i nazar, barcha ishtirokchilar yakka tartibda qatnashishi mumkin;
• Muallifning ijodiy ishi ilgari chop etilmagan, orginal bo‘lishi lozim.
• Agar arizachi voyaga yetmagan bo‘lsa, ishtirok etish uchun ota -onasi yoki vasiyining roziligini taqdim etish shart;
• Uniqlo va uning filiallari, shuningdek, “Peanuts Worldwide LLC” (“Peanuts Worldwide”) kompaniyasi xodimlari, tanlov tashkilotchilari va ularning oila-a’zolari qatnashish huquqiga ega emas.

Eslatma: Tanlov ishtirokchisi o‘z asarlarini yaratish xarajatlarini mustaqil ravishda qoplashi shart. 

G‘oliblik imtiyozlari:

• I o‘rin uchun $20,000, II o‘rin uchun $10,000, III o‘rin uchun $5,000 bittadan ishtirokchiga beriladi;
• Finalga chiqqan, ammo yutolmagan ishtirokchilarga $1,000 dan taqdim etiladi;
• I va II  o‘rin egalariga, shuningdek, amaliyot o‘tash yoki AQShga sayohat qilish imkoni hadya qilinadi; 
• G‘olibarning ishlari 2022-yilning yozida butun dunyo va UNIQLO do‘konlariga tarqatiladi.

Da’vogarlardan quyidagi tartibda hujjat topshirishlari so‘raladi:

• Onlayn arizani to‘ldirish;
• Namuna faylini bu sahifadan yuklab, keltirilgan 10 ta rangli standart futbolka o‘lchamiga moslangan 5 tagacha ijodiy ishlarni JPG/PNG formatda yuborish;
• Agar ariza to‘ldiruvchi voyaga yetmagan shaxs bo‘lsa, ota-onasi yoki vasiyning roziligini taqdim etish.

Arizani to‘ldirishdan oldin maxsus shartlar va yo‘riqnoma bilan tanishish lozim. 

Har qanday kiritilgan ma’lumot uchun arizachilarning o‘zlari javobgardirlar. Qoidalar buzilganligi yoki suiiste’mol qilganligi, shuningdek, yolg‘on ma’lumot taqdim etilganligi aniqlangan taqdirda, da’vogarlarning arizasi chetlashtiriladi. 

Saralash yakunlangani to‘g‘risidagi xabarnoma faqat munosib deb topilgan nozmzodlarga pochta orqali 2021-yil dekabridan 2022-yil yanvar oyiga qadar jo‘natiladi. 

Natijalarni e’lon qilish va ularni moliyalashtirish 2022-yilning yozida amalga oshiriladi. 

Mualliflik huquqi va unga oid qo‘shimcha ma’lumotlarni bu yerda batafsil o‘qish mumkin. 

Aloqa uchun: utgp2022＠uniqlo.co.jp pochta manzili.