Future Leaders Program 2026 — Vengriyada xarajatlari qoplanadigan amaliyot va tadqiqot dasturi

Hungarian Institute of International Affairs (HIIA) tomonidan xalqaro munosabatlar sohasidagi iqtidorli yosh mutaxassislar uchun Future Leaders Program 2026 (Kuzgi mavsumi) dasturi eʼlon qilingan. Ushbu dastur Vengriyaning Budapesht shahrida 2026-yil 1-sentabrdan 30-noyabrgacha toʻliq offlayn formatda o’tkaziladi.

Dastur ingliz tilida bo’lib o’tadi.

Dasturning asosiy maqsadi tashqi siyosatga qiziquvchi yosh mutaxassislar va bitiruvchilarga institut faoliyatida ishtirok etish hamda Vengriya tashqi siyosati sohasidagi bilimlarini chuqurlashtirish uchun imkoniyat yaratishdir. Ishtirokchilar professional mentorlar rahbarligida tadqiqot olib boradilar hamda institutning tadqiqot va loyiha guruhlari ishlarida qatnashadilar.

Ishtirokchilar quyidagi yo'nalishlar bo'yicha tadqiqot olib boradilar:

• Mintaqaviy tadqiqotlar: Western Balkans, Eastern Europe, Visegrád hamkorligi, Transatlantic munosabatlar, Yaqin Sharq, Turkiy davlatlar, Asia-Pacific;

• Tematik tadqiqotlar: Xavfsizlik siyosati, Yevropa Ittifoqi, Energetika siyosati, Ko'p qutblilik, Global geosiyosiy masalalar, Connectivity, Madaniy diplomatiya.

Dastur davomida ishtirokchilar tashqi siyosat, yetakchilik ko'nikmalari, notiqlik va media-treninglar bo'yicha seminar va professional tadbirlarda qatnashadilar. Haftasiga taxminan 30 soatlik shaxsan ishtirok talab etiladi.

• Kamida bakalavr darajasiga ega boʻlish: Xalqaro munosabatlar, Siyosatshunoslik, Falsafa, Tarix, Diplomatiya yoki turdosh sohalarda;

• 30 yoshdan kichik boʻlish kerak;

• Ingliz tilini C1 darajasida bilish va til imtihoni sertifikatini taqdim eta olish;

• Tashqi siyosat va xalqaro munosabatlar sohasiga qiziqish hamda bilim ko'rsata olish;

• Xorijiy ishtirokchilar Vengriya uchun zarur viza va ruxsatnomalarni mustaqil rasmiylashtirish imkoniga ega bo'lishi kerak.

• Dastur doirasida 3 oylik shartnoma imzolanadi va belgilangan vazifalar bajarilishiga qarab moliyaviy mablagʻ (stipendiya) ajratiladi;

• Xalqaro (Vengriyada yashash ruxsatnomasi boʻlmagan) ishtirokchilar uchun Budapeshtga borish va qaytish aviachiptalari xarajatlari qoplanadi;

• Budapeshtda yashash xarajatlarini qoplash uchun har oy qatʼiy miqdorda moliyaviy yordam ajratiladi;

• Viza olish jarayonida institut tomonidan rasmiy qoʻllab-quvvatlash va koʻmak koʻrsatiladi (viza olish xarajatlari va jarayoni ishtirokchining oʻz zimmasida);

• Tashqi siyosat, yetakchilik koʻnikmalari, notiqlik sanʼati va OAV bilan ishlash boʻyicha maxsus seminarlar hamda treninglar bepul tashkil etiladi;

• Nufuzli xalqaro munosabatlar ekspertlari bilan hamkorlik qilish va professional tarmoq (networking) yaratish imkoniyati beriladi.

Dasturda ishtirok etish uchun hujjat topshirish quyidagi bosqichlardan iborat:

1. Rasmiy sahifadagi onlayn ariza shaklini toʻldirish kerak.

2. Ariza shakliga quyidagi hujjatlarni (ingliz tilida) yuklash lozim:

• Maksimal 2 sahifalik rezyume (CV);

• Maksimal 1 sahifalik motivatsiya xati (cover letter);

• 3000 dan 5000 tagacha belgidan (boʻshliqlar bilan birga) iborat ingliz tilidagi ilmiy-tahliliy yozma ish namunasi (writing sample);

• Kamida C1 darajadagi ingliz tili sertifikati nusxasi.

Eslatma: Barcha talab qilingan hujjatlar faqat ingliz tilida taqdim etilishi shart. Turar joy ishtirokchilar tomonidan mustaqil ravishda bron qilinadi.

Muhim sanalar:

• Ariza topshirish muddati: 2026-yil 30-iyun;

• Intervyular: 2026-yil 6–17-iyul;

• Natijalar eʼlon qilinishi: 2026-yil 31-iyul;

• Dastur boshlanishi: 2026-yil 1-sentabr;

• Dastur tugashi: 2026-yil 30-noyabr.

Tashkilotchilar bilan bogʻlanish:
Manzil: H-1062 Budapest, Bajza utca 44.
Tel.: +36-1-279-5700
E-mail: info@hiia.hu
Matbuot aloqasi: sajto@hiia.hu, Tel.: +36-1-279-5721
Instagram: @mki_hiia