Garvard biznes maktabidan magistratura bosqichini ekologiya sohasida davom ettirishni istaganlar uchun kontrakt puli toʻliq qoplanuvchi Louis and Gabrielle Bacon Fellowship dasturi. Yillik stipendiya -  $10,000 gacha

Amerikadagi Harvard Kennedy universiteti magistratura bosqichini ekologiya va atrof-muhitni himoya qilish sohasida davom ettirmoqchi boʻlganlar uchun Louis and Gabrielle Bacon Fellowship dasturini eʼlon qiladi. Ushbu grantga Harvard Kennedy universitetiga qabul qilingan talabalar, qo'shma dastur bo'yicha o'qiyotganlar va bir vaqtning o'zida shu universitetda ham tahsil olayotganlar ariza topshirishlari mumkin. Grant kontrakt pulini, tibbiy sugʻurtani toʻliq qoplaydi, shuningdek, qoʻshimcha tarzda har yili $10000 gacha stipendiya beriladi.

Grantga asosan ekologiya sohasiga qiziqadigan, shu soha boʻyicha yuqori akademik koʻrsatkichlarga ega va kelajak karyerasini ham ushbu sohada davom ettirishni xohlovchilar ariza topshirishlari maqsadga muvofiq.

Arizalarni qabul qilish 2021-yil 1-dekabrgacha davom etadi.

• Ushbu grantni yutish uchun nomzodlar Harvard Kennedy Schoolga qabul qilingan boʻlishlari kerak;
• Nomzodlar asosan ekologiya sohasiga qiziqadigan, shu soha boʻyicha yuqori akademik koʻrsatkichlarga ega va kelajak karyerasini ham ushbu sohada davom ettirishni xohlovchilar boʻlishi maqsadga muvofiq;
• Garvard tomonidan tashkil etilgan qoʻshma dasturlarda oʻqiyotgan talabalar ham ariza berishlari mumkin.

• Grant kontrakt puli, tibbiy sugʻurtani toʻliq qoplaydi, shuningdek, qoʻshimcha tarzda har yili $10000 gacha stipendiya beriladi;
• Grant gʻoliblari oʻzlarining sohalaridagi malakali ustozlar va talabalar bilan muloqot qilish imkoniyatiga ega boʻlishadi;
• Liderlikni rivojlantirish boʻyicha oʻquv-dasturlarida qatnashadilar.

1. Avvalambor nomzodlar Harward Kennedy Schoolga ariza topshirib, qabul qilinishlari kerak boʻladi;
2. Louis and Gabrielle Bacon Fellowship ekologik stipendiyasiga ariza topshirishlari so‘raladi. Harvard Kennedy School talabalari uchun arizalar 2022-yil fevral oyining boshigacha qabul qilinadi.

Kerakli hujjatlar:

• Nomzodning 150 so‘zdan oshmagan o‘zi haqida biografiyasi.
• Atrof -muhit boʻyicha yetakchilik, xizmat koʻrsatish va oʻzaro hamkorlik mavzusiga oid ikkita insho;
• Onlayn ariza shakli;
• Ariza uchun toʻlov — $100;
• Insho (qaysi dasturga topshirishingizga qarab oʻzgaradi);
• Tavsiyanoma — 3 ta (ushbu tavsiyanoma nomzodni yaxshi biladigan, malakali inson tomonidan berilishi maqsadga muvofiq);
• Akademik baholar roʻyxati (bunda nomzodning qayerda oʻqishi, ism-familiyasi, oʻqigan kurslari, ulardan olgan baholari barchasi koʻrsatilishi kerak);
• Standartlashtirilgan test ballari (GRE, GMAT, TOEFL, IELTS va Cambridge English) so‘raladi.

Louis and Gabrielle Bacon Fellowship dasturi finalistlari bilan 2022-yil bahorda suhbat uyushtiriladi.

Qo'shimcha ma'lumotlar uchun:

Harvard Kennedy Universiteti manzili:

• 79 John F. Kennedy Street, Cambridge, MA 02138

Tel: 617-495-1100;

Elektron pochta: admissions@hks.harvard.edu