Garvard Universitetida 2 yil tadqiqot olib borish uchun Academy Scholars  dasturi; yillik stipendiya $70.000
  • 01/06/2021 Qabul boshlanishi
  • Grant Moliyalash turi
  • AQSh Davlat
  • 01.10.2021 Oxirgi muddat
Telegram kanalimizga aʼzo boʻling

Muhim tafsilotlar

  • Dastur tili
    Ingliz tili
  • Yosh chegarasi
    Chegaralanmagan

Doʻstlar bilan ulashing

Umumiy maʻlumotlar

Academy Scholars dasturi AQSH va Kanadadan tashqari boshqa mamlakatlarning tarixi, madaniyatini yaxshi bilgan,  ilmiy ishi ijtimoiy fanlar yoki huquqshunoslik bo‘lgan hamda yuqori bilimga ega bo‘lgan olimlarni qo‘llab-quvvatlaydi.

Academy Scholars  dasturi doirasida ishtirokchilariga Garvard universiteti, Kembrij, MA, Garvard xalqaro va hududiy tadqiqotlar akademiyasida ikki yillik istiqomat qilish imkoniyati va postdoktorlik stipendiyasi  beriladi. Ular barqaror ilmiy loyihalarni amalga oshirish va tanlagan sohalari bo‘yicha qo‘shimcha ta'lim olish uchun katta moliyaviy va tadqiqot yordamini olish imkoniyatiga ega bo‘ladilar.

Maqbullik shartlari

  • Nomzod huquqshunoslik yoki ijtimoiy fanlar bo‘yicha yaqinda PhD darajasini olgan yoki shu sohalardan biri bo‘yicha doktorantura talabasi bo‘lishi kerak
  • PhD darajasiga ega bo‘lganlar ushbu darajani 30.09.2018 dan keyin olgan bo‘lishi kerak
  • Agar siz doktorantura bosqichini tugatgan bo‘lsangiz, doktorlik dissertatsiyasini tugash sanasi ariza berish sanasi 1-oktyabrdan keyin 3 yil ichida bo‘lishi kerak

Foydali tomonlari

  • PhD darajasiga ega ishtirokchilar yiliga $70.000 stipendiya bilan, hali PhD darajasini olmagan ishtirokchilar olgunlariga qadar $35.000 stipendiya bilan ta’minlanadilar
  • Konferensiya, tadqiqot uchun sayohat xarajatlari, ilmiy assistent va tibbiy sug‘urta uchun bo‘ladigan xarajatlarni qoplab beradi.

Hujjat topshirish

  1. Arizalar onlayn orqali topshiriladi
  2. Quyidagi hujjatlar so‘raladi:
    • Arizachining akademik sohasi, ixtisoslashgan mamlakati va taklif etayotgan tadqiqot mavzusi qisqacha bayon etilgan xat (Cover letter)
    • CV yoki rezyume. Bunda nomzodning nashr qilingan ishlari ro‘yxati ham bo‘lishi kerak.
    • Tadqiqot taklifi(Research Proposa). Intellektual maqsadlar va rejalashtirilgan metodologiya  va ixtisoslik ishini o‘z ichiga olgan bo‘lib, maksimal  2500 ta so‘zdan iborat bo‘lishi kerak
    • PhD dasturining baholari
    • 3 ta tavsiyanoma (onlayn ariza orqaki yuklanadi)

Qoʻshimcha maʻlumotlar

  • Final bosqichidagi nomzodlar bilan 03.12.2021 da ijtimoiy sog‘liqni saqlash holatiga qarab Zoom orqali yoki  AQSH ning Kembrij yoki Massachusets shtatida intervyu bo‘lib o‘tadi (bunday holatda safar va mehmonxona  xarajatlari to‘lab  beriladi).
  • Qo‘shimcha savollar uchun applicationinquiries@wcfia.harvard.edu.   elektron manzili orqali murojaat qilishingiz mumkin.
AQSh
Garvard Universitetida 2 yil tadqiqot olib borish uchun Academy Scholars dasturi; yillik stipendiya $70.000

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar