Germaniya loyihasi asosida Samarqand shahrida barcha xarajatlari qoplanadigan 6 kunlik yozgi maktab

2024-yilning 9-15-sentyabr kunlari Germaning Regional Programme “Integrative and Climate-sensitive Land Use in Central Asia” loyihasi asosida Samarqand davlat universitetining Agrobiotexnologiyalar va oziq-ovqat xavfsizligi institutida “Markaziy Osiyoda yerdan barqaror foydalanish va tabiatni muhofaza qilish uchun innovatsiyalar” mavzusida yozgi maktab tashkil qilingan. Dasturda Markaziy Osiyodan boʻlgan, rus yoki ingliz tilini biladigan ekologiya, qishloq xoʻjaligi, ijtimoiy-gumanitar fanlar, geografiya va shu kabi soha mutaxassislari ishtirok etishlari mumkin. Dastur davomida ishtirokchilar yerdan barqaror foydalanish va tabiatni muhofaza qilish boʻyicha innovatsion yondashuvlar bilan tanishadilar. Shuningdek, dastur doirasida nazariy maʼlumotlar berilib, amaliy mashgʻulotlar ham amalga oshiriladi. Ushbu yozgi maktabda qatnashish mutlaqo bepul, ishtirokchilarning yoʻl, turar-joy va oziq-ovqat xarajatlari ham qoplanadi.

Dasturga qabul jarayoni 2024-yil 21-iyulga qadar davom etadi.

Dastur haqida ushbu havola orqali toʻliq maʼlumot olish mumkin.

Dasturda ishtirok etish uchun quyidagi talablar mavjud:

• Nomzodlar Markaziy Osiyo davlatlaridan boʻlgan fuqarolar (jumladan, Oʻzbekistondan) boʻlishlari lozim;
• Dasturda ekologiya, qishloq xoʻjaligi, ijtimoiy-gumanitar fanlar, geografiya va shu kabi yoʻnalishlarda oʻqiyotgan yoki ishlayotgan, kamida bakalavr darajasiga ega, tabiatni muhofaza qilishga qiziquvchi nomzodlar qatnashishlari talab qilinadi;
• Qatnashchilardan ingliz yoki rus tilini bilish soʻraladi;
• Tanlab olingan nomzodlar yozgi maktabga oʻz kompyuterlarini olib kelishlari zarur.

Dastur talablari haqida ushbu havola orqali batafsil maʼlumot olish mumkin.

Dasturning quyidagi foydali jihatlari mavjud:

• Dasturda ishtirok etish bepul;
• Ishtirokchilarning dasturda qatnashishlari uchun yoʻl xarajatlari qoplanadi;
• Qatnashchilar bepul turar-joy va oziq-ovqat bilan taʼminlanadi;
• Dastur soʻnggida barcha ishtirokchilar sertifikat bilan taqdirlanadi.

Eslatma! Tibbiy sugʻurta xarajatlari dastur maʼmuriyati tomonidan qoplanmaydi.

Dasturda qatnashish uchun 2024-yil 21-iyulga qadar rustam.murzakhanov@succow-stiftung.de e-mailiga quyidagilar ingliz yoki rus tilida joʻnatilishi lozim:

• Motivatsion xat (1-2 bet). Unda nomzodning mutaxassisligi, sohasining yozgi maktab mavzusiga mosligi, hozirgi faoliyati, shuningdek, dasturda qatnashishdan maqsadi yoritib berilgan boʻlishi kerak;
• CV.

Dasturga 20 nafar ishtirokchi saralab olinadi va natijalar 2024-yil 31-iyulga qadar eʼlon qilinadi. Ariza topshirish jarayonida badal puli soʻralmaydi. 

Dastur batafsil yoritilgan ingliz tilidagi pdf fayl bilan ushbu havola orqali tanishish mumkin.

Dastur batafsil yoritilgan rus tilidagi pdf fayl bilan ushbu havola orqali tanishish mumkin.

Dastur loyihasi haqida ushbu havola orqali qoʻshimcha maʼlumot olish mumkin.

Maʼlumot uchun:

Manzil: Oʻzbekiston Respublikasi, Samarqand shahri 191200, Jomboy tumani, Sh. Burxonov koʻchasi, 2A, Samarqand davlat universitetining Agrobiotexnologiyalar va oziq-ovqat xavfsizligi instituti;

Veb-sahifa: http://www.samdu.uz/;

E-mail: rustam.murzakhanov@succow-stiftung.de;

Tel: +49 3834 83542 28.