Germaniya (yoki unga qoʻshni boʻlgan davlatlar)da bakalavriat, magistratura va doktoranturada oʻqimoqchi boʻlganlar uchun Hanns Zeidel jamgʻarmasi stipendiyasi

Germaniya yoki unga qoʻshni boʻlgan davlatlar (Yevropa Ittifoqiga aʼzo davlatlar va Shveysariya)da bakalavriat, magistratura hamda doktoranturada (PhD) oʻqimoqchi boʻlganlar uchun Germaniyaning Hanns Zeidel jamgʻarmasi tomonidan stipendiya dasturi taqdim etiladi.

Dastur quyidagi yoʻnalishlarni taqdim etadi:

• Study funding;
• Doctoral funding.

Rivojlanayotgan mamlakatlarning iqtidorli yoshlariga stipendiya yordami berish, qoʻllab-quvvatlash, nomzodlarning ijtimoiy malakasi va akademik koʻnikmalarini yaxshilashga yordam berish dasturning asosiy maqsadidir. Germaniya universitetlariga oʻqishga kirgan talabalar Hanns Zeidel jamgʻarmasidan oylik stipendiya, qoʻshimcha ravishda qisman tibbiy sugʻurta va bolali oilalar uchun nafaqa olishlari mumkin.

Dastur uchun arizalar har yili ikki marta 15-dekabrdan 15-yanvargacha va 15-iyundan 15-iyulgacha qabul qilinadi. Dastur oʻquv materiallari va qoʻllanmalari (shu jumladan kitoblar, apparat va dasturiy taʼminotlar), til kurslari, tegishli mutaxassislar ishtirokidagi konferensiyalar kabi oʻqish bilan bogʻliq loyihalar va maqsadlarni amalga oshirishga qaratilgan xarajatlarini moliyalashtirishga moʻljallangan.

Dastur haqida batafsil ushbu havola orqali maʼlumot olish mumkin.

• Nomzodlar 45 yoshdan oshmagan boʻlishi lozim;
• Germaniya (yoki unga qoʻshni boʻlgan davlatlar)dagi oliy oʻquv yurtlaridan biriga qabul qilingan boʻlish kerak;
• Nemis tilini kamida B2 darajada bilish talab qilinadi;
• Nomzodlar siyosatga qiziqishi va volontyorlik tadbirlarida faol boʻlishi hamda baholari aʼlo boʻlishi lozim.

Muhim: Yuqoridagilar nomzodlarga qoʻyilgan umumiy talablardir. Shuning uchun ushbu havola orqali maqbullik shartlari bilan batafsil tanishib chiqish lozim.

Oylik stipendiya beriladi:

• Doktorantura uchun 1450 yevrogacha;
• Bakalavriat va magistratura bosqichi uchun 812 yevrogacha;
• Tadqiqot xarajatlari uchun qoʻshimcha 100 yevro (doktorantlar uchun);
• Oʻquv xarajatlari uchun 300 yevrogacha qoʻshimcha (bakalavriat va magistratura talabalari uchun);
• Oilali va kichik bolalari boʻlgan doktorantlar uchun oyiga 155 yevro (har bir qoʻshimcha bola uchun +50 yevro, maksimal 255 yevro);
• 14 yoshgacha boʻlgan bolalari boʻlgan bakalavriat va magistratura talabalari uchun har bir bola uchun 160 yevro.

Eslatma: Stipendiya miqdori nomzodning daromadi va moliyaviy holatiga asoslangan holda belgilanadi.

Foydali tomonlari bilan batafsil ushbu havola orqali tanishib chiqish mumkin.

Dasturda qatnashish istagidagi nomzodlar ushbu havola orqali roʻyxatdan oʻtib, ariza topshirishi mumkin. Portalga onlayn ariza yuborishdan oldin tekshirish uchun arizaning elektron versiyasini Dustov-J@hss.de elektron pochta manziliga yuborish lozim (Oʻzbekistonlik nomzodlar uchun).

Talab qilinadigan hujjatlar:

• Fotosurat va ariza;
• CV (PDF formatda);
• Taʼlim va kasbiy maqsadlarning bir sahifali qisqacha mazmuni (insho);
• Oʻrta maʼlumot toʻgʻrisidagi hujjat yoki universitetda oʻqish huquqini beruvchi boshqa hujjat;
• Taʼlim muassasasiga oʻqishga kirish toʻgʻrisidagi ariza;
• Nemis tilini yetarli darajada bilishini tasdiqlovchi hujjat;
• Erishgan akademik yutuqlarni koʻrsatuvchi hujjat;
• Akademik transkriptlar;
• Tavsiyanoma;
• Shaxsiy maʼlumotlarni qayta ishlashga rozilik toʻgʻrisida imzolangan rasmiy bayonot.

Eslatma: Talab qilinadigan hujjatlar yoʻnalishga qarab farqlanishi mumkin. Shuning uchun ushbu havola orqali ariza topshirishda soʻraladigan hujjatlar bilan batafsil tanishib chiqish lozim.

Muhim: Ariza topshirish uchun kerakli barcha maʼlumotlar va hujjatlar oldindan tayyorlab qoʻyilishi lozim. Hujjat topshirib boʻlgandan soʻng tanlangan dastur turini oʻzgartirish mumkin emas.

• Tegishli nomzodlar 2 kunlik saralash konferensiyasiga taklif qilinadi va maxsus komissiya aʼzolari tomonidan tekshiriladi. Tanlov jarayoni yozma imtihondan boshlanadi, u umumiy siyosiy bilimlarni sinovdan oʻtkazish va dolzarb ijtimoiy ahamiyatga ega mavzu boʻyicha asosli bayonotni oʻz ichiga oladi. Tanlov jarayonida yana taxminan 45 daqiqa davom etadigan individual intervyu oʻtkaziladi.
• Dasturga hujjat topshirmoqchi boʻlganlar jamgʻarmaning Oʻzbekistondagi vakolatxonasiga Usbekistan@hss.de elektron pochta manzili orqali murojaat qilishi mumkin;
• Tel: 089 1258-354;
• Takroran soʻraladigan savollarga javob bu yerda.

Dastur haqida qoʻshimcha quyidagi ijtimoiy tarmoqlar orqali ham maʼlumot olish mumkin:

• Facebook;
• Instagram;
• YouTube;
• Twitter;
• Linkedin.