Germaniyada 10 dan ortiq yo'nalish doirasida magistratura va doktorantura bosqichini oʻqish uchun xarajatlari toʻliq qoplanadigan DAAD - Development-Related Postgraduate Courses (EPOS) dasturi

Germaniyada 10 dan ortiq yo'nalish doirasida magistratura va doktorantura bosqichini oʻqish uchun xarajatlari toʻliq qoplanadigan DAAD - Development-Related Postgraduate Courses (EPOS) dasturi

  • 01/06/2023 Qabul boshlanishi
  • Toʻliq Moliyalash turi
  • Germaniya Davlat
  • 31.08.2023 Oxirgi muddat
GrantGO

Muhim tafsilotlar

  • Kimlar uchun
    Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi , Falsafa fanlari doktori
  • Dastur tili
    Ingliz tili, Nemis tili
  • Yosh chegarasi
    Chegaralanmagan
  • IELTS talabi
    minimum 6

Doʻstlar bilan ulashing

Umumiy maʻlumotlar

Germaniyaning DAAD granti davlatlarni rivojlantirishga qaratilgan, magistratura va doktorantura bosqichlarida oʻqish uchun moʻljallangan Development-Related Postgraduate Courses (EPOS) dasturini eʼlon qiladi. DAAD rivojlanayotgan va yangi sanoatlashayotgan mamlakatlardan mutaxassislarni tayyorlashga yordam beradi. Xalqaro miqyosda tahsil olgan va puxta tayyorlangan mahalliy ekspertlar oʻz mamlakatlarining barqaror rivojlanishida muhim rol oʻynaydi. Ular qashshoqlik kam, taʼlim va sogʻlom hayot ustuvor boʻlgan jamiyatni qurishda asosiy poydevor boʻlishadi. Ushbu grant rivojlanayotgan va yangi sanoatlashayotgan mamlakatlardan boʻlgan ikki yillik ish tajribasiga ega nomzodlarning Germaniya universitetlarida magistratura bosqichini, baʼzi holatlarda doktorantura bosqichini oʻqishlariga imkon beradi.

Dasturda oʻqishni bitirganiga 6 yildan oshmagan va kamida 2 yillik ish tajribasiga ega nemis yoki ingliz tilini biluvchi nomzodlar qatnashishlari va koʻplab yoʻnalishlardan birida tahsil olishlari mumkin. Gʻoliblarning samolyot bileti, oʻqish toʻlovi, yaʼni barcha xarajatlari qoplab beriladi. Magistratura talabalariga oyiga 934 yevro, doktorantura talabalariga esa 1200 yevrogacha stipendiya beriladi.

Nomzod hujjat topshirishmoqchi boʻlgan yoʻnalishlardan birini tanlab ariza toʻldirishi va barcha hujjatlarni joʻnatishi kerak boʻladi. Shundan keyin saralab olingan nomzodlar roʻyxati DAAD grantiga joʻnatiladi va tanlab olingan nomzodlar bilan DAAD granti bogʻlanadi va dastur uchun alohida hujjat topshirishini soʻraydi. Hujjat topshirish shartlari va muddati yoʻnalishlarga qarab har xil. Demak, nomzodlar hozircha faqatgina Germaniya universitetining tegishli yoʻnalishigagina hujjat topshirib javoblarni kutish kerak boʻladi. Bitta nomzod uchtagacha yoʻnalishga ariza topshirishi mumkin.

Dastur haqida batafsil ushbu havola orqali maʼlumot olish mumkin.

Maqbullik shartlari

Dasturda ishtirok etish uchun quyidagi talablar mavjud:

  • Nomzod rivojlanayotgan davlatda davlat organi yoki xususiy kompaniyada texnologik, iqtisodiy yoki ijtimoiy sohalarning rivojiga qaratilgan yoʻnalishlar hamda loyihalarni rejalashtirish va amalga oshirish boʻyicha faoliyat yuritayotgan boʻlishi kerak;
  • Oʻz sohasi boʻyicha bakalavr darajasiga ega boʻlishi kerak;
  • Bakalavr darajasini yaxshi baholar bilan tamomlagan boʻlishi va oʻqishni tugatganidan keyin ariza topshirish davrigacha kamida ikki yillik tajribaga ega boʻlishi lozim;
  • Bakalavr darajasini tugatganiga 6 yildan oshmagan boʻlishi zarur;
  • Ariza topshirish jarayonigacha Germaniyada 15 oydan koʻproq yashagan nomzodlar dasturda qatnasha olmaydilar;
  • Dasturda nomzodlar darslarni nemis tilida yoki ingliz tilida oʻtiladigan yoʻnalishlarni tanlashlari mumkin. Nemis tilida oʻqish uchun sertifikat talab qilinmaydi, lekin nomzodlarga oʻqish boshlanishidan oldin 6 oy davomida nemis tili oʻqitiladi va DSH 2 yoki TestDaF 4 darajani qoʻlga kiritish talab qilinadi. Eslatma! Nomzod avvaldan nemis tilini boshlangʻich darajada boʻlsa ham bilishi kerak, chunki 6 oy ichida noldan boshlab oʻrganib talab qilingan darajani qoʻlga kiritishning imkoni yoʻq;
  • Ingliz tilida oʻqitiladigan kurslar uchun kamida IELTS 6 yoki TOEFL (kamida PBT-550, CBT-213, iBT-80) soʻraladi.

Eslatma! Til sertifikatlari topshiriladigan yoʻnalishga qarab talab qilinadigan darajasi farq qilishi mumkin.

Nomzodlar magistratura bosqichiga quyidagi sohalar boʻyicha ariza topshirishlari mumkin:

-Til va madaniyatshunoslik;
-Huquq, iqtisod va ijtimoiy fanlar;
-Matematika/Tabiiy fanlar;
-Tibbiyot;
-Veterinariya/qishloq xoʻjaligi, oʻrmon xoʻjaligi va oziq-ovqat boʻyicha fanlar;
-Muhandislik.

Dasturda ishtirok eta oladigan davlatlarning toʻliq roʻyxati bilan ushbu havola orqali tanishish mumkin.

Foydali tomonlari

Dasturning quyidagi foydali jihatlari mavjud:

  • Nomzod tanlagan yoʻnalishiga qarab 12 oydan 42 oygacha xarajatlari toʻliq qoplab beriladi;
  • Akademik darajasiga qarab, magistrantlarga oyiga 934 yevro, doktorantlarga esa 1,200 yevrogacha mablagʻ ajratiladi;
  • Tibbiy sugʻurta, noxush halokatlar va shaxsiy sugʻurta xarajatlari qoplanadi;
  • Nomzod kelgan davlati tomonidan yoʻl xarajatlari qoplanmagan taqdirda, yoʻl xarajatlari qoplanadi;
  • Baʼzi maxsus holatlarda qoʻshimcha oylik ijara puli va nomzod oila aʼzolari uchun ham mablagʻ ajratiladi.

Dasturning foydali jihatlari haqida batafsil ushbu havola orqali maʼlumot olish mumkin.

Hujjat topshirish

Dasturga roʻyxatdan oʻtish jarayoni quyidagicha:

Hujjat topshirish jarayonida grant uchun alohida talablar mavjud va bu talablar hujjat topshirilayotgan universitetda har bir yoʻnalishga qarab oʻzgarishi mumkin. Nomzodlar oʻqishga topshiradigan yoʻnalishlari uchun toʻldirgan arizalarini DAADga joʻnatishlari mumkin emas. Avvalo, ular oʻzlari tanlagan biror yoʻnalishida roʻyxatdan oʻtishlari va kerakli hujjatlarni joʻnatishlari lozim. Har bir ishtirokchi 3 tagacha yoʻnalishga ariza topshirishi mumkin. Yo'nalish bo'yicha hujjat topshirish muddati har xil!

Dasturga hujjat topshirish va saralash jarayoni quyidagicha:

  1. Nomzod toʻldirilgan ariza shakli va barcha soʻralgan hujjatlarni tanlagan yoʻnalishiga joʻnatadi;
  2. Komissiyasi DAAD grantiga loyiq nomzodlar roʻyxatini dastur maʼmuriyatiga taqdim etadi;
  3. Tavsiya qilingan nomzodlar bilan DAAD tashkilotchilar bogʻlanib dasturning ariza shaklini toʻldirishni soʻrashadi;
  4. Soʻngra saralab olish jarayoni yakunlanadi va gʻoliblar eʼlon qilinadi.

Hujjat topshiriladigan yoʻnalishlar va ariza muddati bilan ushbu havola orqali toʻliq tanishish mumkin.

Dasturga hujjat topshirish uchun quyidagi hujjatlar talab qilinadi:

  • Ushbu havolada koʻrsatilgan roʻyxatdagi hujjatlar borligi tekshirilgan va belgilangan boʻlishi kerak;
  • DAAD ariza shaklining belgilangan sanasi yozilgan holda toʻldirilgan shakli. DAAD ariza shaklini ushbu havola orqali yuklab olish mumkin;
  • Shaxsiy imzo va sana qoʻyilgan CV. Namunani ushbu havola orqali topish mumkin;
  • Shaxsiy imzo va sana qoʻyilgan motivatsion xat (hozirgi ish joyi haqida, oʻqimoqchi boʻlgan yoʻnalish(lar)i haqidagi maʼlumotlarni oʻz ichiga olgan va ikki betdan koʻp boʻlmasligi kerak). Eslatma! Nomzod birdan koʻp yoʻnalishga topshirganida har bir topshiradigan yoʻnalishi uchun nimaga aynan shu yoʻnalishga topshirayotganini taʼkidlab alohida-alohida motivatsion xat yozishi kerak boʻladi;
  • Hozirgi ish joyidan tavsiyanoma (Tavsiyanomada tepada ish joyining rasmiy nomi, masʼul shaxsning imzosi, rasmiy muhr va hozirgi sana yozilgan boʻlishi kerak, muhr konvertda emas, aynan tavsiyanomaga qoʻyilishi lozim;
  • Ikki yillik tajribaga ega ekanligi toʻgʻrisida ish joyidan maʼlumotnoma. Ish tajribasi bakalavr darajasi tamomlangandan keyin ikki yil boʻlishi, ariza topshirish oldidan olingan boʻlishi lozim va masʼul shaxs nomzod grantni tamomlab kelgandan keyin ham ishga olishiga kafolat berishi kerak;
  • Til sertifikati;
  • Akademik diplomning nusxasi (agar soʻralsa, tarjimasi ham);
  • Akademik transkriptlar nusxasi (agar soʻralsa, tarjimasi ham).

Eslatma! Barcha joʻnatilgan hujjatlar nusxasini saqlab qoʻygan maqsadga muvofiq. Chunki, nomzod DAAD granti uchun koʻrib chiqilgan taqdirda joʻnatishga oson boʻladi.

Dasturga ariza topshirish jarayoni haqida ushbu havola orqali batafsil maʼlumot olish mumkin.

Muhim! Ariza topshirish muddati yo'nalishga qarab farq qiladi.

Qoʻshimcha maʻlumotlar

DAAD dasturi haqida batafsil ushbu havola orqali maʼlumot olish mumkin.

Dastur boʻyicha eng koʻp soʻralgan savollar va ularning javoblari bilan ushbu havola orqali tanishish mumkin.

Dasturda mavjud yoʻnalishlar roʻyxati va ularning hujjat topshirish sanalari bilan ushbu havola orqali tanishish mumkin.

Dastur haqidagi maʼlumotlarni quyidagi ijtimoiy tarmoqlar orqali ham topish mumkin:

-facebook;

-twitter;

-you tube;

-instagram;

-Linkedin;

Germaniya
Germaniyada 10 dan ortiq yo'nalish doirasida magistratura va doktorantura bosqichini oʻqish uchun xarajatlari toʻliq qoplanadigan DAAD - Development-Related Postgraduate Courses (EPOS) dasturi

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar