Professional yosh xodimlar uchun Germaniyada 3 oylik amaliyot — CrossCulture Fellowship Programme. Barcha xarajatlar qoplanadi!

CrossCulture Fellowships Programme dasturi dunyoning turli mamlakatlaridagi ijtimoiy faol professionallar uchun Germaniyada malaka oshirish imkoniyatini taqdim etadi. Dasturda jami 40 davlatdan 60 nafar ishtirokchilar oʻz sohalaridan kelib chiqqan holda Germaniyaning turli tashkilotlarida 2-3 oy davomida amaliyot oʻtaydilar.

Dasturning 2026-yilgi mavsumi anʼanaviy (oflayn) tarzda tashkil etiladi. Ammo nomzodning jismoniy salomatligiga ko'ra onlayn amaliyot o'tashga ham ruxsat berilishi mumkin.  Bunda CCP tomonidan oʻtkaziladigan madaniyatlararo seminarlar, tarmoq va professional tadbirlarda qatnashish mumkin. Vataniga qaytgandan soʻng ishtirokchilar Germaniyada orttirgan tajribalarini oʻzlarining tashkilotlarida amalga oshirishlari mumkin boʻladi.

Dasturda, asosan, quyidagi sohada ishlovchilar ishtirok etishlari mumkin:

• Policy and society
• Media and culture
• Human rights and peace
• Sustainable development
• Non-formal political education

Dastur ingliz tilida olib boriladi, lekin nemis tilini bilish afzallik berishi mumkin. Ishtirokchilarning safar, tibbiy sugʻurta va viza xarajatlari qoplanadi va oylik stipendiya, qolaversa, bepul turar joy bilan taʼminlanadilar.

Dasturga ariza topshirishning oxirgi muddati - 2025-yil dekabr oyigacha davom etadi. 

Dasturda ishtirok etish uchun nomzodlar quyidagi talablarga javob berishi lozim:

• Dasturda ro'yxatda keltirilgan davlat fuqarolari ishtirok eta oladi (Oʻzbekiston roʻyxatda mavjud);
• Nomzod 23 yoshdan katta boʻlishi lozim;
• Kamida 2 yillik toʻliq ish tajribasiga ega boʻlishi shart;
• Ingliz tilidan kuchli ogʻzaki va yozma mahoratga ega boʻlishi lozim. Nemis tilini bilish afzallik beradi;
• Ijtimoiy jihatdan faol boʻlishi kerak;
• Nomzod chet elda yashash uchun yetarli darajada sogʻlom boʻlishi shart;
• Talabalar ushbu dasturda ishtirok eta olmaydi.

Dastur talablari haqida batafsil ushbu havola orqali maʼlumot olish mumkin.

Dasturga qabul qilinganlar quyidagi imtiyozlarga ega boʻladi:

• Germaniyaga borish-kelish safar xarajatlari moliyalashtiriladi;
• Oylik 650 yevro stipendiya bilan taʼminlanadi;
• Bepul turar joy va ichki transportdan foydalanish uchun maxsus biletga ega boʻladi;
• Tibbiy sugʻurta va viza xarajatlari qoplab beriladi.

Dasturning manfaatli jihatlari haqida batafsil ushbu havola orqali maʼlumot olish mumkin.

Dasturga ariza topshirish jarayoni 3 bosqichdan iborat:

• Avval ishtirokchi oʻz davlatiga tegishli ariza topshirish sahifasini topib olishi kerak. 
• Ariza shaklini toʻldirishi va kerakli hujjatlarni yuklashi kerak;
• Toʻldirilgan ariza shaklini onlayn portal orqali yakunlashi lozim.

Kerakli hujjatlar:

• CV;
• Ish joyidan tavsiyanoma (namuna);
• Shaxsiy surat (ixtiyoriy)/

Saralangan nomzodlar Germaniya elchixonasi tomonidan intervyuga chaqiriladi. Intervyu jarayoni vaziyatga qarab onlayn yoki telefon orqali amalga oshirilishi mumkin.

Eng koʻp berilgan savollar va ularning javobi bilan ushbu havola orqali tanishish mumkin.

Qoʻshimcha savollar uchun: crossculture@ifa.de