Germaniyada barcha soha vakillari uchun xarajatlari toʻliq qoplanadigan rezidentlik dasturi — Humboldt Residency Programme 2025

Germaniya davlati tomonidan global muammolarni hal qilish masalasida, xususan, “The Future of Food” mavzusida Humboldt Residency Programme 2025 dasturi eʼlon qilinadi. 

Ushbu dastur akademiya, sanʼat, fuqarolik jamiyatlaridan boʻlgan turli soha vakillarini bir joyga jamlaydi. Dasturda barcha soha vakillari qatnashishlari mumkin. Saralash jarayonida nomzodlarning tajribasi va yutuqlariga, mavzuga yondashuvlari va ishtirokchilarning dasturda qatnashishdan maqsadlari dastur maqsadlari mosligiga alohida eʼtibor qaratiladi. 

Dastur davomida ishtirokchilarning oylik stipendiya, turar-joy va yoʻl xarajatlari toʻliq qoplanadi. Dastur iyun-noyabr oylarida boʻlib oʻtib, nomzodlar 4-avgustdan 12-sentyabrgacha unda shaxsan qatnashishlari kerak boʻladi.

Dasturga arizalarni qabul qilish jarayoni 2024-yil 9-dekabrgacha davom etadi.

Dastur haqida ushbu havola orqali toʻliq maʼlumot olish mumkin.

Dasturda qatnashish uchun quyidagi talablar mavjud:

• Dasturda barcha soha vakillari qatnashishlari mumkin;
• Dasturga mavzuga innovatsion va ijodiy yondashadigan nomzodlar saralab olinadi;
• Ishtirokchilarning dasturdan qatnashish maqsadlari dastur maqsadlariga mos boʻlishi kerak;
• Nomzod faoliyati va sohasi dastur yoʻnalishiga mos boʻlishi zarur;
• Saralash jarayonida nomzodlarning tajribasi va yutuqlariga alohida eʼtibor qaratiladi;
• Til bilish boʻyicha maʼlum bir talablar taʼkidlanmagan;
• Nomzodlar dasturda qatnashishdan maqsadlari va uning kelajakdagi faoliyatlariga taʼsirini yoritib bera olishlari kerak.

Dastur talabalari haqida ushbu havola orqali toʻliq maʼlumot olish mumkin.

Dastur davomida ishtirokchilarga quyidagi imkoniyatlar yaratiladi:

• Dastur davomida oylik stipendiya beriladi;
• Germaniyaga borish va kelish yoʻl xarajatlari qoplanadi;
• Schloss Wiepersdorf davomida va Berlinda turar-joy bilan taʼminlanadi;
• Dastur davomidagi tadbirlar va dasturning yakuniy bosqichi xarajatlari qoplanadi;
• Oilasi yoki farzandi bilan dasturda qatnashadiganlar mos turar-joy va yordam bilan taʼminlanadi.

Dastur foydali jihatlari haqida ushbu havola orqali toʻliq maʼlumot olish mumkin.

Dasturga ariza topshirish jarayoni quyidagicha:

• Ariza shaklini toʻldiring;
• CV (3 betdan oshmagan, pdf shaklida);
• Tanishtiruv videosi (60 sekunddan oshmagan);
• Toʻldirilgan ariza shaklini residency@avh.de manziliga “Application Humboldt Residency Program 2025.” mavzusi ostida joʻnating. Dasturga joʻnatiladigan ariza namunasini ushbu havola orqali yuklab olish mumkin.

Dasturga arizalarni qabul qilish jarayoni 2024-yil 9-dekabrgacha davom etadi.

Dasturga ariza topshirish boʻyicha pdf yoʻriqnoma bilan ushbu havola orqali tanishish mumkin.

Muhim sanalar:

2025-yil iyundan noyabr oyigacha:

• 24-iyun: Dasturning virtual boshlanishi;
• 4-15-avgust: Cultural Foundation Schloss Wiepersdorfda ikki haftalik dastur;
• 15-avgust-12-sentyabr: Berlinda 4 haftalik dastur;
• Sentyabr-Noyabr: Dasturning virtual soʻnggi bosqichi;
• Noyabr: Dasturning virtual yakunlanishi.

Eslatma! Ishtirokchilar 4-avgustdan 12-sentyabrgacha boʻlgan muddatda dasturda shaxsan qatnashishlari shart.

Humboldt Residency Programme boʻyicha qoʻshimcha savollar tugʻilgan taqdirda ushbu havola orqali murojaat qilish mumkin.

Dastur boʻyicha eng koʻp beriladigan savollar va ularning javoblari bilan ushbu havola orqali tanishish mumkin.

Dastur haqida 28-noyabr kuni Oʻzbekiston vaqti bilan 12:00 dan 13:00 gacha boʻlib oʻtadigan onlayn sessiya orqali qoʻshimcha maʼlumot olish mumkin.

Dastur haqida quyidagi ijtimoiy tarmoqlar orqali ham maʼlumot olish mumkin:

-Facebook;

-Twitter;

-Instagram;

-LinkedIn;

-YouTube.