Germaniyada bir semestr xarajatlar toʻliq qoplangan holda oʻqish imkonini beruvchi International Excellence Scholarship dasturi
-
27/07/2024 Qabul boshlanishi
-
Toʻliq Moliyalash turi
-
Germaniya Davlat
-
15/06/2021 09:00 Oxirgi muddat
Umumiy maʻlumotlar
Berlindagi Xumboldt universiteti va Berlin Free universiteti bilan hamkorlikda COPERNICUS BERLIN Xalqaro Excellence Scholarship Program (IES)ni tashkil etdi. International Excellence Scholarship Program (IES) — bu sharqiy va janubi-sharqiy Yevropa, Kavkaz va Oʻrta Osiyodagi barcha yoʻnalishdagi talabalarga oʻrtacha semestrni Berlinda chet elda oʻtkazishga imkon beradigan stipendiya dasturi. Ushbu dastur talabalarga Germaniyaning eng yaxshi universitetlarida (HU Berlin, FU Berlin) bilimlarini chuqurlashtirish va nazariy bilimlarni mavzuga oid amaliyotlar orqali qoʻllash imkoniyatini beradi. Olti oy davomida gʻoliblar nemis tilida soʻzlashadigan mezbon oilada yashash orqali madaniy tadbirlar va ijtimoiy uchrashuvlar orqali nemis madaniyatini o‘rganadi. Bundan tashqari, stipendiya egalari ushbu dasturni olib boruvchi va rivojlantiruvchi tadbirlarda qatnashadi, bu esa intensiv ravishda shakllantirishga yordam beradi.
Maqbullik shartlari
- Ishtirokchilar dastur boshlanganida 28 yoshdan kichik boʻlishi kerak;
- Dastur sharqiy, janubi-sharqiy Yevropa, Kavkaz va Markaziy Osiyodagi barcha sohani qamrab oladi;
- Talabalar quyidagi mamlakat talabalari ishtirok etishi mumkin: Albaniya, Armaniston, Ozarbayjon, Belorussiya, Bosniya va Gersogovina, Gruziya, Qozogʻiston, Qirgʻiziston, Kosovo, Moldova, Moʻgʻuliston, Chernogoriya, Shimoliy Makedoniya, Rossiya, Serbiya, Tojikiston, Turkmaniston, Turkiya, Ukraina, Oʻzbekiston;
- Iltimos, ariza topshirishda nemis yoki ingliz tillari uchun til sertifikati talab qilinmasligini unutmang. Agar ariza toʻliq va ishonchli boʻlsa, tanlov komissiyasi intervyu paytida tilni mos ravishda baholaydi;
- Hech qanday malakaviy ish tajribasi talab etilmaydi;
- Barcha bakalavr, magistratura va PhD talabalari dasturda ishtirok etishi mumkin.
Foydali tomonlari
COPERNICUS BERLIN dastur ishtirokchilarining barcha zaruriy xarajatlarini oʻz zimmasiga oladi. Sizga bir martalik yordam pullari va oylik choʻntak pullari beriladi. Shuningdek, sayohat, viza, kitob va tibbiy sugʻurta xarajatlari qoplanadi. Oʻqishga kirish, javobgarlik sugʻurtasi va turar joy uchun toʻlovlar toʻgʻridan-toʻgʻri COPERNICUS BERLIN tomonidan toʻlanadi.
Qoʻshimcha maʻlumotlar
Ariza berish jarayoni uch bosqichdan iborat:
1. Onlayn roʻyxatdan oʻtish.
Ariza berish muddati:
01-15 oktyabr (keyingi qish semestri uchun);
1-aprel — 15 iyun (keyingi yozgi semestr uchun).
2. Intervyu bosqichi
Tanlangan nomzodlar Skype, Imo yoki Whatsapp suhbatiga taklif qilinadi:
10-fevral – 20-fevral (keyingi qish semestri uchun);
10-avgust – 20-avgust (keyingi yozgi semestr uchun).
3. Imtihon
Suhbatdan soʻng tanlangan nomzodlarga bajarish uchun maʼlum test topshiriqlari beriladi:
1-mart – 30-aprel (keyingi qishki semestr uchun);
1-sentyabr – 31-oktyabr (keyingi yozgi semestr uchun).
Natijalari eʼlon qilish sanasi: Barcha nomzodlar yakuniy natijalar toʻgʻrisida:
1-may — 10 may (qishki semestr uchun);
1-noyabr — 10 noyabr (yozgi semestr uchun) vaqt oraligʻida bilib olishadi.