Germaniyada doktorantura bosqichida oʻqish va tadqiqot olib borish uchun toʻliq moliyalashtiriluvchi - DAAD grant dasturi. Oylik stipendiya — €1200

DAAD (Deutscher Akademischer Austauschdienst) magistratura bosqichini tugatgan barcha talabalarga 2026-2027-yillarda Germaniya universitetlarining doktorantura bosqichida oʻqishni davom ettirish va tadqiqot olib borish uchun moʻljallangan grant dasturini taqdim etadi. Dastur tanlangan kurs va tadqiqot davomiyligiga qarab 4 yilgacha davom etadi. Dasturga qabul qilinganlar Germaniyada bepul oʻqish bilan birga, oylik stipendiya va turarjoy bilan ham taʼminlanadilar.

Yoʻnalishlar:

• Til va madaniyatshunoslik
• Huquq, iqtisod va ijtimoiy fanlar
• Matematika / Tabiiy fanlar
• Farmatsevtika
• Veterinariya / qishloq xoʻjaligi, oʻrmon xoʻjaligi va ozuqa ilmi
• Muhandislik
• Musiqa, Sanʼat, Sport

Dastur haqida batafsil ma'lumotni ushbu havola orqali o'qish mumkin.

• Magistratura bosqichini tugallagan va uni tugatganiga 6 yildan oshmagan boʻlishi lozim;
• Agar nomzod allaqachon doktorlik darajasi ustida ishlayotgan boʻlsa, doktoranturani boshlaganiga 3 yildan oshmagan boʻlishi shart;
• Ariza topshirish vaqtida Germaniyada 15 oy va undan ortiq vaqt davomida yashamayotgan bo‘lishi;

Til bilish darajasi boʻyicha talablar:

Nomzodlar, ayniqsa, sanʼat sohasi boʻyicha oʻqish va tadqiqot qilishni reja qilganlar nemis tilini yaxshi bilishlari talab etiladi. Ingliz tilida olib boriladigan dasturlar uchun ingliz tilini yaxshi bilish maqsadga muvofiq.

Maʼlumot uchun, qabul qilingan nomzodlar dastur boshlanishidan avval 4 oydan 6 oygacha bepul nemis tili kurslarida ishtirok etishlari mumkin.

Dastur talablari haqida ushbu havola orqali ma'lumot olish mumkin.

Dasturga qabul qilingan nomzodlar quyidagi imkoniyatlarga ega boʻladilar:

• Oylik - €1400 stipendiya;
• Germaniyaga borish va qaytish uchun sayohat xarajatlari;
• Oʻqish boshlagan paytda bir martalik toʻlov;
• Sogʻliqni saqlash, baxtsiz hodisalar va shaxsiy javobgarlikni sugʻurtalash boʻyicha toʻlovlar.

Baʼzi hollarda, stipendiya egalari quyidagi qoʻshimcha imtiyozlarga ega boʻlishlari mumkin:

• Oylik ijara subsidiyasi
• Oila aʼzolari uchun qoʻshimcha stipendiya
• Nogironlik yoki surunkali kasallik holatida: nogironlik yoki surunkali kasallik natijasidan kelib chiqadigan va boshqa moliyalashtiruvchilar tomonidan qoplanmagan qoʻshimcha xarajatlar uchun subsidiya. Toʻliq maʼlumot bilan ushbu havola orqali tanishishingiz mumkin.

DAAD stipendiya egalariga mamlakatda boʻlishlariga tayyorgarlik koʻrishda nemis tilini oʻrganishlari uchun quyidagi qoʻshimcha xizmatlarni taklif qiladi.

• Grant mukofoti xati olgandan keyin onlayn til kursi uchun kurs toʻlovlari toʻlanishi;
• Agar kerak boʻlsa: Germaniyada oʻqish tashrifi boshlanishidan oldin nemis tili kursi bilan taʼminlash (2, 4 yoki 6 oy);
• TestDaF yoki DSH testlari uchun toʻlovlarni qoplab berish.

Dasturning foydali jihatlari haqida batafsil ma'lumotni ushbu havola orqali o'qish mumkin.

Ariza topshirish uchun quyidagi ishlarni amalga oshirish lozim:

1. Ushbu havola orqali DAAD portalidan roʻyxatdan oʻtish;

2. DAAD portalida onlayn hujjat topshirish. Hujjat topshirish boʻyicha yoʻriqnoma bilan ushbu havola orqali tanishish mumkin:

• Onlayn ariza shaklini yuklab oling va toʻldiring;
• Ariza hujjatlarini tayyorlang;
• Agar kerak boʻlsa, hujjatlarni tarjima qiling (agar ular nemis yoki ingliz tilida boʻlmasa).
• Qogʻozli hujjatlarni skanerlang va PDF formatida saqlang. Eʼtibor bering, siz faqat PDF-fayllarni portalga yuklashingiz mumkin;
• Toʻldirilgan anketani va kerakli ilovalarni (ish namunalaridan tashqari) PDF formatida portalga yuklang. Agar kerak boʻlsa, tarjimalar asl tilda chiqarilgan hujjat bilan birga yuklanishi kerak;
• Yuklangan ariza hujjatlarini onlayn tarzda topshiring.

Dastur uchun kerakli hujjatlar:

• Onlayn ariza shakli;
• CV/ tarjimayi hol (maksimum 3 bet);
• Chop etilgan ishlari roʻyxati (maksimum 10 bet);
• Tadqiqot rejasi taklifi (maksimum 10 bet);
• Tadqiqot loyihasi individual ilmiy rahbar boshchiligida olib boriladigan boʻlsa, tanlagan Germaniya universitetidan ilmiy rahbarning rozilik xati va tadqiqot rejasi jadvali;
• Doktorantura bosqichida oʻqimoqchi boʻlgan uchun universitetga qabul qilinganligi haqida maʼlumotnoma;
• Tamomlagan darajasini tasdiqlovchi hujjat/diplom va uning baholari;
• Til bilish darajasini tasdiqlovchi hujjat;
• Ish tajribasi, volontyorlik va boshqa treninglarda qatnashganini tasdiqlovchi hujjatlar ustunlik beradi.

Kerakli hujjatlar va ariza topshirish jarayoni haqida batafsil ushbu havola orqali bilib olishingiz mumkin.

Qoʻshimcha savol va murojaatlar uchun:

Tel.: +254 (733)/92 99 29
E-Mail.: info.nairobi@daad.de
WWW.: https://www.daad.or.ke

Koʻproq maʼlumotga ega boʻlish uchun:

• DAAD website section “PhD studies and research”
• Website ”Research in Germany”
• Website ”GERiT – German Research Institutions”
• DAAD website ”Important information for DAAD scholarship applicants”