Germaniyada Eynshteyn forumi va Vittenshteyn jamg’armasi tomonidan moliyalashtirilgan amaliyot dasturi. Stipendiya miqdori - €10,000
  • 24/02/2022 Qabul boshlanishi
  • Toʻliq Moliyalash turi
  • Germaniya Davlat
  • 16/05/2022 03:59 Oxirgi muddat
Telegram kanalimizga aʼzo boʻling

Muhim tafsilotlar

  • Kimlar uchun
    Oliy ma'lumotli (bakalavr), Magistr talabasi, Oliy ma'lumotli (magistr), PhD talabasi
  • Dastur tili
    Ingliz tili
  • Yosh chegarasi
    35 yoshgacha

Doʻstlar bilan ulashing

Umumiy maʻlumotlar

Einstein Fellowship — Eynshteyn stipendiyasi bu Eynshteyn forumi va Vittenshteyn jamgʻarmasi tomonidan oʻzining mutaxassisligidan boshqa yoʻnalishda ham tadqiqot oʻtkazmoqchi boʻlganlar uchun taqdim etiladigan stipendiya dasturi hisoblanadi.

Dasturda gumanitar, ijtimoiy va tabiiy fanlar yoʻnalishida kamida bakalavr darajasiga ega boʻlgan yoshlar ishtirok etishi mumkin.

Dasturga qabul qilingan nomzodlar 2023-yil yoz oylaridan boshlab 5-6 oy davomida Germaniyaning Berlin va Potsdam oliygohlarida tadqiqot olib boradilar. Tadqiqot davomida ular Eynshteynning Brandenburg shahridagi yozgi uyida istiqomat qilishadi.

Bundan tashqari, tadqiqotchiga bir martalik €10,000 stipendiya beriladi hamda borish-kelish xarajatlari qoplanadi.

Maqbullik shartlari

Dasturda ishtirok etish uchun nomzodlar quyidagi talablarga javob berishi lozim:

  • Nomzod 35 yoshdan oshmagan boʻlishi kerak;
  • Gumanitar, ijtimoiy va tabiiy fanlar boʻyicha bakalavr darajasiga ega boʻlishi lozim;
  • Ingliz tilini mukammal bilishi kerak. Lekin til sertifikatlari (IELTS, TOEFL) talab qilinmaydi;
  • Nomzod yangi tadqiqot mavzusiga ega boʻlishi kerak. Avval boshlagan tadqiqot ishlarini davom ettirishlari mumkin emas.

Foydali tomonlari

Dasturga qabul qilingan ishtirokchilar quyidagi imtiyozlarga ega bo'ladi:

  • Dasturga qabul qilinganlarga bir martalik €10,000 miqdorida stipendiya beriladi;
  • Dastur davomida Eynshteynning Kaput shahridagi yozgi bogʻida bepul turar joy bilan taʼminlanadi;
  • Borish kelish sayohat xarajatlari qoplanadi.

Hujjat topshirish

Dasturda ishtirok etish uchun quyidagi hujjatlar dedlayndan kechiktirilmagan holatda fellowship@einsteinforum.de manziliga yuboriladi:

  • Rezyume;
  • Ikki betli loyiha taqdimoti;
  • Ikkita tavsiyanoma.

Hujjatlar ingliz tilida boʻlishi shart.

Dasturga ariza topshirish haqida toʻliq maʼlumotni ushbu havola orqali olish mumkin.

Qoʻshimcha maʻlumotlar

Ariza topshirish jarayonidan so’ng, saralangan ishtirokchilar intervyuga taklif etiladi. Intervyu jarayoni 2022-yil iyun oyida bo’lib o’tadi. Iyul oyining oxirida so’ngi natijalar e’lon qilinadi.

Dastur 2023-yil yoz oylarida boshlanib, yil so’ngida tamomlanadi.

Eng ko’p berilgan savollar va ularning javobi bilan ushbu havola orqali tanishish mumkin.

Dastur haqida batafsil rasmiy havola orqali ma’lumot olish mumkin.

Qo’shimcha ma’lumotlar uchun: +49-331-271780 

Germaniya
Germaniyada Eynshteyn forumi va Vittenshteyn jamg’armasi tomonidan moliyalashtirilgan amaliyot dasturi. Stipendiya miqdori - €10,000

Parolni unutdingizmi?

Parolni tiklash uchun saytdan roʻyxatdan oʻtgan emailingizni kiriting
Tizimga kirish

Sizni koʻrib turganimizdan xursandmiz!

Oʻz akkauntingizga kiring va tizim imkoniyatlaridan toʻliq foydalaning

Tanlangan imkoniyatlar